Isaac Del Torok irabazi du Auvernia-Rodano-Alpeetako Tourra
Isaac Del Toro mexikarrak, Luke Tuckwell australiarrak eta Juan Ayuso espainiarrak osatu dute azken podiuma. Hala, Del Torok Tadej Pogacar esloveniaren tokia hartu du.
Del Toro, garaipena ospatzen. Argazkia: EITB
Isaac Del Toro (UAE) mexikarrak irabazi du Auvernia-Rodano-Alpeetako Tourraren (lehen Dauphine zena) 78. edizioa, Beaufort eta Plateau de Solaison-Brison artean jokatutako 8. eta azken etapa (120,1 km) ere eskuratuta.
Del Torok erasoa jo du gailurretik 8,8 kilometrora, eta bigarren etapa garaipena eskuratu du, 3 ordu, 35 minutu eta 7 segungoko denbora eginda.
Juan Ayuso (Lidl-Trek) espainiarra helmugaratu da bigarren, minutu batera, eta Tobias Halland Johannessen (Uno-X) norvegiarra izan da hirugarrena.
Azken podiuma Del Torok, Luke Tuckwell australiarrak eta Juan Ayusok osatu dute. Hala, Del Torok Tadej Pogacar esloveniarraren tokia hartu du.
Eguneko ihesaldia 8 txirrindularik osatu dute. Sailkapen nagusian ondoen sailkatuta zegoena Bisieux frantziarra zen (4 minutu eta 40 segundora zegoen), baina horrek ez ditu faboritoak gehiegi aztoratu. Tropelak, hala ere, ez die alde handia ateratzen utzi.
Isaac Del Toro, lasterketako irabazlea
"Garaipen bikaina da, ezin dut sinetsi"
UAEk dena eman du Plateau de Solaison mendatearen igoeran. Pablo Torresek soka tenkatu du faboritoen artean lehen aukeraketa egiteko eta, bide batez, iheslarien aldea murrizteko. Helmugatik 8,8 kilometrora madrildarra atzean geratu denean, Del Toro Rodriguezekin eta Paret-Peintrerekin geratu da. Jorgenson ez da mexikarrari jarraitzen saiatu, Ayuso atzean geratu da eta Tuckwellek agur esan dio maillot horiari.
Hurrengo biktima Carlos Rodriguez izan da, ihesaldi luze batean indarrak ahituta. Del Torok kronoigoerari ekin dio. Ayusok podiumera sartzeko apustua egin du orduan, Jorgenson eta Johannessen atzean utzita.
Igoeran garaipena ziurtatu du Del Torok, ez baitu segundo bakar bat ere galdu azken kilometroetan. Bigarren garaipena jarraian lortu du horrela, maldan gora, argi utzita une erabakigarrietan agertzen badakiela.
Zure interesekoa izan daiteke
Patxi Vila: “Tourretik nola datorren ikusita, Donostiako Klasikoan faborito nagusia Evenepoel da”
Red Bull – BORA – hansgrohe taldeko kirol-zuzendari laguntzaileak bere taldeak Frantziako Tourrean izandako jarduna aztertu du, baita larunbat honetan jokatuko den Donostiako Klasikoa irabazteko faborito nagusia den Remco Evenepoelen prestaketaren xehetasunak ere.
Markel Belokik irabazi du Aingo Tourra, hirugarren etapan onenen taldean eutsita
21 urterekin, sailkapen orokorreko lehen garaipena da txirrindulari arabarrarentzat itzuli batean.
Markel Belokik irabazi du Aingo Tourraren bigarren etapa, eta lider jarri da
21 urterekin, txirrindulari arabarrak profesional gisa lortzen duen lehen garaipena da. 2025ean Alsaziako Tourra irabazi zuen, eta 2023an Espainiako junior erlojupeko txapeldun izan zen.
Remco Evenepoelek Donostiako Klasikoa laugarrenez irabaztea bilatuko du larunbat honetan
2019ko, 2022ko eta 2023ko irabazleak Giulio Ciccone, Bauke Mollema eta Mads Pedersenei gailendu beharko zaizkie, besteak beste. Primoz Roglic, Julian Alaphilippe, Enric Mas, Nairo Quintana eta Ion Izagirre ere izango dira irteeran.
Guillermo Thomas Silvak irabazi du Ordiziako Klasikoa
Guillermo Thomas Silva (XDS Astana) uruguaitarrak irabazi du Ordiziako 103. klasikoa, Igor Arrieta (UAE Emirates) nafarrari azken esprint estua irabazita. Joan zen urtean lasterketa bereganatu zuen Arrietak ezin izan du Silvaren abiadurarekin.
Hauek dira 2026ko Donostiako Klasikoan ariko diren taldeak
Donostiako Klasikoko 45. edizioa abuztuaren 1ean lehiatuko da. Bertan, 25 taldetako 175 txirrindularik parte hartuko dute garaipenaren bila.
Getxoko Zirkuituaren 81. edizioa abuztuaren 2an jokatuko da, eta Arkotxako horman izango du helmuga
172 kilometro pasatxoko ibilbidea izango da, berritasun moduan, Pike mendia bi aldiz igoko dute. Iaz Isaac del Toro izan zen garaile. Aurten, besteak beste, Igor Arrieta, Alex Aranburu, Ion Izagirre eta Pello Bilbao izango dira irteeran.
2026ko Burgosko Itzuliko etapa guztien profilak eta ibilbideak
2026ko Burgosko Itzulia abuztuaren 4aren eta 8aren artean lehiatuko da, Gumiel de Izanen hasi eta Lagunas de Neilan amaituta. Bost etapak Youtubeko Kirolak EITB kanalean eta ETB1en izango dira ikusgai zuzenean.
Igor Arrieta Ordiziako Klasikoan egongo da
Uztailaren 25ean jokatuko da Ordiziako Klasikoaren 103. edizioa. 167 kilometroko ibilbidea izango da aurtngoa, Abaltzisketa eta Gaintzako igoerekin, aurten ere. Faboritoen artean ageri dira Igor Arrieta, Jonathan Narvaez, Antonio Morgado eta Jon Barrenetxea, besteak beste. Lasterketa EITBn jarraitu ahal izango da.
Donostiako Klasikoak eskalatzaileentzat diseinatutako ibilbidea aurkeztu du aurtengo ediziorako
2026koa 45. edizioa izango da, eta zazpi mendate puntuagarri eta 221 kilometroko ibilbideaizango ditu. Azken kilometroetan Erlaitz ( % 10) eta Murgil ( % 10) mendateak igo beharko dituzte, helmugatik gertu. Abuztuaren 1an ospatuko da.