Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard aurkari zuzenak segundo gutxi batzuk urrunduta.
Ineos taldea, gaurko erlojupekoan. Argazkia: Europa Press
Juan Ayuso (Lidl Trek) valentziarra da Paris Nizako lider berria, bere taldeak hirugarren etapan bigarren postu lortu baitu, Cosne-Cours-sur-Loire eta Pouilly-sur-Loire arteko 23,5 kilometroko taldekako erlojupekoan. Bertan, Ineos nagusitu da, Xàbiako txirrindulariaren taldeari 2 segundoko aldea aterata.
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian. Bere aurkari zuzenak, Jonas Vingegaard danimarkarra kasu, segundo gutxi batzuk urrunarazi ditu.
Ineos aseezin azaldu da, eta gaindiezinak ziruditen denborak hautsi ditu. Azkenean, Vauquelinek eta Oscar Onleyk bultzatuta, 26.40ko denbora markatu du Erresuma Batuko taldeak helmugan, orduko 52,8 kilometroko abiaduran. Bigarren postua Ayusoren Lidl taldeak eskuratu du, 2 segundora, Decathlon harrigarria 11ra, Vingegaarden Visma 15era, Redl Bull Bora 20ra, Ivan Romeoren Movistar 28ra, EF 23ra, eta McNultyren eta Solerren UAE 37ra.
Sailkapen nagusian Ayusok 2 segundoko aldea du Kevin Vauquelin frantziarrarekiko, eta 3 segundokoa Oscar Onley eskoziarrarekiko. Jonas Vingeggard danimarkarra zortzigarren da 17ra eta Daniel Felipe Martinez kolonbiarrak itxi du hamar onenen sailkapena, 22ra.
Taldekako erlojupekoak 1,5 kilometroko bi igoera labur zituen, % 5etik beherako maldarekin. Talde bakar batek ere ez ditu kide guztiak hasieratik amaierara mantendu, baina banakako denborak zenbatzen ziren. Faboritoak aurrean helmugaratzera behartuta zeuden, eta taldekideak bultzatzeko erantzukizuna zuten.
Asteazken honetan iritsiko da lehen helmuga maldan gora, Bourges eta Uchon artean jokatuko den laugarren etaparekin, 195 kilometrokoa, ibilbide laua lehen 120 kilometroetan eta hiru mendate biltzen dituzten 70 bat amaieran: Côte de la Croix des Cerisiers (3. mailakoa, 6,2 km % 4,1era), Côte de la Croix de la Liberation (2. mailakoa, 4,7 km % 5,3ra) eta Uchon lehen mailako mendatea (8 km % 4,5era). Faboritoek elkarren indarrak neurtuko dituzte.
Zure interesekoa izan daiteke
Pogacar eta Vollering gailendu dira Flandriako Tourrean
Tadej Pogacarrek historia egiten jarraitzen du. Hirugarrenez irabazi du Flandriako Tourra, eta laugarren monumentua bereganatu du jarraian. Demi Vollering, berriz, lehen aldiz nagusitu da Flandrian.
Hau da Pogacar eta Evenepoelen deskalifikazioa eragiteko zorian egon den unea Flandriako Tourrean
Hainbat txirrindularik trenbide pasagune batean aurrera egitea erabaki dute, hesiak jaisten hasi arren, eta araudiak zigortu egiten du hori.
Ion Izagirre, garaile Miguel Indurain Sari Nagusian
Ion Izagirrek hirugarrenez irabazi du Miguel Indurain Sari Nagusia, profesional gisa lehiatuko duen azken denboraldian. Ormaiztegiko txirrindularia bakarka helmugaratu da, bukaerarako bi kilometroren faltan eraso erabakigarria jota.
Izagirre: “Badirudi ongi datorkidan lasterketa dela"
Ion Izagirre (Cofidis) pozik azaldu da Miguel Indurain Sari Nagusia hirugarrenez irabazi ondoren. Ia hiru urte zeramatzan garaipenik gabe, eta etxean irabaztea beti dela berezia azpimarratu du, erretiroa hertuko duen urtean.
Ihesaldia jo eta erakustaldia eman du Ion Izagirrek Miguel Indurain Sari Nagusian
Ion Izagirre (Cofidis) erakustaldia emanez gailendu da 2026ko Miguel Indurain Sari Nagusian. Ormaiztegiko txirrindulariak ihesaldia jo du helmugarako bi kilometro falta zirenean, eta inor ez da bere gurpila jarraitzeko gai izan. Hirugarrenez bereganatu du lasterketa, bere lehen garaipena 2023ko Tourretik.
Brustenga nagusi Adelie de Vitre Klasikoan, Gautherat deskalifikatu ostean
Gautherat deskalifikatu egin dute azken esprintean maniobra irregularra egiteagatik, eta, horrela, Kern Pharma taldeko txirrindulariak eskuratu du garaipena.
-3?fmt=webp-alpha&qlt=80)
Filippo Gannak eta Marlen Reusserrek Flandrian Zehar klasikoan garaipena lortu dute
Txirrindulari italiarrak Wout Van Aert bertako idoloa gainditu du azken metroetan, jazarpen luze baten ostean. Suitzarra, aldiz, Demi Vollering eta Lieje Nooijen neerlandarren aurretik helmugaratu da.
Vingegaardek irabazi du Volta, eta Brady Gilmore nagusitu da azken etapan
Txirrindulari danimarkarrak irabazi du Kataluniako Volta, Gilmore australiarrak azken etapa esprintean eskuratu ostean.
Vingegaardek bideratuta utzi du Volta, mendiko bigarren etapa jarraian irabazita
Kataluniako lasterketako liderrak erasoa jo du etapa amaitzeko 2,2 kilometro falta zirenean, eta bakarrik helmugaratu da, 4 ordu, 5 minutu eta 19 segundoko denbora eginda. Danimarkarrak bigarren etapa jarraian irabazi du, ostiralean Coll de Pal mendatean nagusitu ondoren.
Van der Poel bere erresistentzia erakutsiz gailendu da E3 Saxo Classic lasterketan
Nederlandarrak bere aurkarien arteko desadostasunak aprobetxatu ditu bere ibilbide profesionaleko 60. garaipena lortzeko.