Nysek bereganatu du garaipena Poloniako Itzuliko seigarren etapan; Vingegaardek lidertzari eutsi dio
Thibau Nys (Lidl-Trek) nagusitu da Poloniako Itzuliko seigarren etapan, eta Jonas Vingegaardek (Visma-Lease a Bike) jarraitzen du liderraren maillot horiarekin. Nysek hiru etapa irabazi ditu aurten Poloniako Itzulian.
Wadowice eta Bukovina Resort artean jokatu da etapa, eta 183,2 kilometroko ibilbidea izan du. Zazpi txirrindularik osatu dute eguneko ihesaldia: Silvan Dillier (Alpecin Deceuninck), Samuele Battistella (Astana Kazakhstan), Archie Ryan (EF Education-Easy Post), Tobias Foss (INEOS Grenadiers), Davide Formolo (Movistar), Mick van Dijke (Visma-Lease a Bike) eta Tim Wellens (UAE Emirates).
Zazpikoteak hainbat kilometro egin ditu batera, tropelari aurrea hartuta, baina helmugara heltzeko 17 kilometro falta zirenean Archie Ryanek jo du erasoa, eta bakarrik geratu da lasterketaren buruan. Sciana Bukowina lehen mailako mendatea lehen postuan pasatu du Ryanek; atzean, tropela hautsi egin da igoeran, eta sailkapen nagusiko lehen postuetako txirrindulariek osatutako taldetxoak egin du aurrera. Hala ere, mendatea gainditutakoan, ziklista gehiago batu zaizkie.
Tropela 30 ziklistak osatu dute, Pello Bilbao (Bahrain-Victorious) tartean, eta Archie Ryanen saiakera behera bota dute helmugarako 2,5 kilometrora.
Hiru kilometroko igoerarekin amaitu da etapa. DSM taldeak bizitu du erritmoa. Gero, Yannis Voisardek (Tudor Pro Cycling) jo du erasoa. Aurrera egin du suitzarrak, baina atzetik etorritako taldetxoak harrapatu egin du. Tropeltxo horretako kideen arteko esprintean erabaki da irabazlea, eta Thibau Nys (Lidl-Trek) izan da onena. Diego Ulissi (UAE Emirates) izan da bigarren, Oscar Onley (DSM-firmenich PostNL) hirugarren, Jonas Vingegaard laugarren eta Wilco Kelderman (Visma-Lease a Bike) bosgarren.
Sailkapen nagusiari dagokionez, Jonas Vingegaard dago lehen postuan. Liderrak 13 segundora du bigarrena, Diego Ulissi, eta 20ra hirugarrena, Wilco Kelderman.
6. etapako sailkapena:
1 - NYS Thibau (Lidl) 4:26:06
2 - ULISSI Diego (UAE) d. b.
3 - ONLEY Oscar (DSM) d. b.
4 - VINGEGAARD Jonas (Visma) d. b.
5 - KELDERMAN Wilco (Visma) d. b.
6 - BAGIOLI Andrea (Lidl) d. b.
7 - PARET-PEINTRE Aurélien (Decathlon) d. b.
8 - ZAMBANINI Edoardo (Bahrain) d. b.
9 - MOHORIC Matej (Bahrain) d. b.
10 - WANDAHL Frederik (Red Bull) d. b.
Sailkapen nagusia:
1 - VINGEGAARD Jonas (Visma) 21:22:14
2 - ULISSI Diego (UAE) +0:13
3 - KELDERMAN Wilco (Visma) +0:20
4 - GRÉGOIRE Romain (Groupama) +0:33
5 - SHEFFIELD Magnus (INEOS) +0:37
6 - MOHORIC Matej (Bahrain) +0:44
7 - ZAMBANINI Edoardo (Bahrain) d. b.
8 - HONORÉ Mikkel Frølich (EF E) +0:49
9 - VOISARD Yannis (Tudor) d. b.
10 - ONLEY Oscar (DSM) +0:53
Zure interesekoa izan daiteke
Remco Evenepoelek Donostiako Klasikoa laugarrenez irabaztea bilatuko du larunbat honetan
2019ko, 2022ko eta 2023ko irabazleak Giulio Ciccone, Bauke Mollema eta Mads Pedersenei gailendu beharko zaizkie, besteak beste. Primoz Roglic, Julian Alaphilippe, Enric Mas, Nairo Quintana eta Ion Izagirre ere izango dira irteeran.
Guillermo Thomas Silvak irabazi du Ordiziako Klasikoa
Guillermo Thomas Silva (XDS Astana) uruguaitarrak irabazi du Ordiziako 103. klasikoa, Igor Arrieta (UAE Emirates) nafarrari azken esprint estua irabazita. Joan zen urtean lasterketa bereganatu zuen Arrietak ezin izan du Silvaren abiadurarekin.
Hauek dira 2026ko Donostiako Klasikoan ariko diren taldeak
Donostiako Klasikoko 45. edizioa abuztuaren 1ean lehiatuko da. Bertan, 25 taldetako 175 txirrindularik parte hartuko dute garaipenaren bila.
Getxoko Zirkuituaren 81. edizioa abuztuaren 2an jokatuko da, eta Arkotxako horman izango du helmuga
172 kilometro pasatxoko ibilbidea izango da, berritasun moduan, Pike mendia bi aldiz igoko dute. Iaz Isaac del Toro izan zen garaile. Aurten, besteak beste, Igor Arrieta, Alex Aranburu, Ion Izagirre eta Pello Bilbao izango dira irteeran.
2026ko Burgosko Itzuliko etapa guztien profilak eta ibilbideak
2026ko Burgosko Itzulia abuztuaren 4aren eta 8aren artean lehiatuko da, Gumiel de Izanen hasi eta Lagunas de Neilan amaituta. Bost etapak kirolakeitb.eus-en eta ETBn izango dira zuzenean ikusgai.
Igor Arrieta Ordiziako Klasikoan egongo da
Uztailaren 25ean jokatuko da Ordiziako Klasikoaren 103. edizioa. 167 kilometroko ibilbidea izango da aurtngoa, Abaltzisketa eta Gaintzako igoerekin, aurten ere. Faboritoen artean ageri dira Igor Arrieta, Jonathan Narvaez, Antonio Morgado eta Jon Barrenetxea, besteak beste. Lasterketa EITBn jarraitu ahal izango da.
Donostiako Klasikoak eskalatzaileentzat diseinatutako ibilbidea aurkeztu du aurtengo ediziorako
2026koa 45. edizioa izango da, eta zazpi mendate puntuagarri eta 221 kilometroko ibilbideaizango ditu. Azken kilometroetan Erlaitz ( % 10) eta Murgil ( % 10) mendateak igo beharko dituzte, helmugatik gertu. Abuztuaren 1an ospatuko da.
Urko Berradek brontzea lortu du errepideko txirrindularitzako Espainiako Txapelketan
Kern Pharma taldeko txirrindulari nafarra izan da protagonista Sabiñanigon, Igor Arrietarekin (UAE) batera ihesaldi erabakigarrian sartu eta azken unera arte urrea lortzeko borrokan aritu ostean. Azkenean, Marcel Camprubik (Pinarello Q36.5) lortu du garaipena, Joel Nicolau (Caja Rural) izan da bigarren, eta Berradek osatu du podiuma, brontzea eskuratuta.
Ayala Serrano, 23 urtez azpiko Espainiako txapelduna
Paula Ostiz nafarrak (Movistar) brontzezko domina lortu du UCI elite mailan, eta Maite Urteaga zumaiarrak (Eulen-Amenabar) bigarren bukatu du elite mailan, eguneko protagonistetako bat izan ondoren.
Xabier Mikel Azparrenek zilarra irabazi du Espainiako Erlojupeko Txapelketan
Donostiarra bigarren geratu da, Pablo Castrillo irabazlearen lau segundora, kategoria gorenean. Bestalde, elite mailan, Aitor Agirre zumaiarrak irabazi du urrea.