Evenepoelen eta Roglicen itzulera, igande honetako Dauphine Kriteriumean
Primoz Roglic eta Remco Evenepoel lehiara itzuliko dira igande honetan, Tourra hasteko hilabete eskas falta denean.
Tourrerako sasoi puntua neurtzeko balio duen lasterketak 8 etapa izango ditu, igande honetan hasi eta hilaren 9ra arte, helmuga mendate batean duten bost etaparekin eta erlojupeko batekin.
Jonas Vingegaard iazko irabazlea ez da irteeran izango, Itzulian erorikoa izan ostean errekuperatzen jarraitzen baitu. Tourrerako gainerako faboritoek, aldiz, indarrak neurtzeko aukera izango dute Dauphinen, aurten hilaren 29an Florentzian hasiko den Tourraren atarian.
Kriteriuma irabazteko hautagai ugari daude aurten. Primoz Roglic (Bora) da favorito nagusia, eta esloveniarrak, gainera, talde indartsua izango du ondoan, Vlasov eta Hindley barne.
Espainiako Itzuliko irabazle hirukoitza errepideetatik aldenduta izan da, apirilaren 4an Itzulian eroriko larria izan zuenetik. Hala ere, eroriko hartan aurkariek baino lesio arinagoak izan zituen.
Eroriko hartan min hartu zutenetariko bat Remco Evenepoel (Soudal) izan zen, besteak beste, lepauztaia hautsi baitzuen. Mikel Landarekin batera, belgikarra bere sasoi onena berreskuratzeko bidean da, baina oraindik ez du lehian sartzeko aukerarik izan. Bere helburu nagusia sentsazioak berreskuratzen joatea da, sailkapen orokorrari begiratu gabe.
Aurreikuspenen arabera, eta Juan Ayusok eta Carlos Rodriguezek ere zeresana eman dezakete Dauphineko 76. edizio honetan. Ayusok Itzulia irabazi zuen eta bosgarren izan zen Carlos Rodriguezek irabazitako Romandiako Itzulian.
Podiumari orokorrean begiratuta, beste izen batzuk ere ageri dira: Sepp Kuus, Matteo Jorgenson Vismako taldekidea, Tao Geoghegan Hart britainiarra eta Jai Hindley australiarra, esaterako.
Bost iritsiera aldapan gora
Mendia izango da Dauphineko protagonista nagusia; zortzi etapetako bost mendate batean amaituko dira. Erlojuaren kontrako saioak ere bere garrantzia izango du, laugarren egunean jokatuko da eta 34 kilometroko ibilbidea izango du.
Esprinterrentzako ere izango da aukerarik, lehen egunean St.-Pourçain-sur-Sioulen eta ostegunean Saint-Priesten. Mendiko etapak astelehenean hasiko dira, 2. eta 3. mailako bi mendaterekin. 10,9 kilometroko igoera eta batez beste 3,6ko maldak dituen Col de la Loge mendatean izango dute helmuga. Hirugarren eguna gogorragoa izango da, Les Establerako igoerarekin: 3,8 kilometro aldapan gora, helmugatik 4,5 kilometrora.
Asteburu erabakigarria
Aurtengo ekitaldia asteburuan erabakiko da, orduan iritsiko baitira mendate gogorrenak. Ostiralean, Granier (2. mailakoa, 8,9 kilometroko igoera eta batez beste % 5,5eko maldak) eta Le Collet d'Allevard (maila berezikoa, 11 kilometroko igoera eta batez beste % 8ko maldak) igo beharko dituzte.
Larunbatean, Savoian, lau mendate zail izango dituzte: Saisies (1. mailakoa, 9,5 kilometroko igoera eta batez beste % 6,5eko maldak), Arâches (1. mailakoa, 6,2 kilometroko igoera eta batez beste % 7,3ko maldak), Ramaz (1. mailakoa, 14 kilometro eta batez beste % 7ko maldak) eta Samoëns (maila berezikoa, 10 kilometrokoa eta batez beste % 9,3ko maldak).
Igandean, errematea iritsiko da: Le Salèvere igo beharko dute (1. mailakoa, 12,2 kilometroko igoera eta batez beste % 6,8ko maldak) eta Plateau des Glièreseko helmugarako igoera (1. mailakoa, 9,3 kilometroko igoera eta batez beste % 7,3ko maldak), oraingoan lurreko tarterik gabe.
Zure interesekoa izan daiteke
Remco Evenepoelek Donostiako Klasikoa laugarrenez irabaztea bilatuko du larunbat honetan
2019ko, 2022ko eta 2023ko irabazleak Giulio Ciccone, Bauke Mollema eta Mads Pedersenei gailendu beharko zaizkie, besteak beste. Primoz Roglic, Julian Alaphilippe, Enric Mas, Nairo Quintana eta Ion Izagirre ere izango dira irteeran.
Guillermo Thomas Silvak irabazi du Ordiziako Klasikoa
Guillermo Thomas Silva (XDS Astana) uruguaitarrak irabazi du Ordiziako 103. klasikoa, Igor Arrieta (UAE Emirates) nafarrari azken esprint estua irabazita. Joan zen urtean lasterketa bereganatu zuen Arrietak ezin izan du Silvaren abiadurarekin.
Hauek dira 2026ko Donostiako Klasikoan ariko diren taldeak
Donostiako Klasikoko 45. edizioa abuztuaren 1ean lehiatuko da. Bertan, 25 taldetako 175 txirrindularik parte hartuko dute garaipenaren bila.
Getxoko Zirkuituaren 81. edizioa abuztuaren 2an jokatuko da, eta Arkotxako horman izango du helmuga
172 kilometro pasatxoko ibilbidea izango da, berritasun moduan, Pike mendia bi aldiz igoko dute. Iaz Isaac del Toro izan zen garaile. Aurten, besteak beste, Igor Arrieta, Alex Aranburu, Ion Izagirre eta Pello Bilbao izango dira irteeran.
2026ko Burgosko Itzuliko etapa guztien profilak eta ibilbideak
2026ko Burgosko Itzulia abuztuaren 4aren eta 8aren artean lehiatuko da, Gumiel de Izanen hasi eta Lagunas de Neilan amaituta. Bost etapak kirolakeitb.eus-en eta ETBn izango dira zuzenean ikusgai.
Igor Arrieta Ordiziako Klasikoan egongo da
Uztailaren 25ean jokatuko da Ordiziako Klasikoaren 103. edizioa. 167 kilometroko ibilbidea izango da aurtngoa, Abaltzisketa eta Gaintzako igoerekin, aurten ere. Faboritoen artean ageri dira Igor Arrieta, Jonathan Narvaez, Antonio Morgado eta Jon Barrenetxea, besteak beste. Lasterketa EITBn jarraitu ahal izango da.
Donostiako Klasikoak eskalatzaileentzat diseinatutako ibilbidea aurkeztu du aurtengo ediziorako
2026koa 45. edizioa izango da, eta zazpi mendate puntuagarri eta 221 kilometroko ibilbideaizango ditu. Azken kilometroetan Erlaitz ( % 10) eta Murgil ( % 10) mendateak igo beharko dituzte, helmugatik gertu. Abuztuaren 1an ospatuko da.
Urko Berradek brontzea lortu du errepideko txirrindularitzako Espainiako Txapelketan
Kern Pharma taldeko txirrindulari nafarra izan da protagonista Sabiñanigon, Igor Arrietarekin (UAE) batera ihesaldi erabakigarrian sartu eta azken unera arte urrea lortzeko borrokan aritu ostean. Azkenean, Marcel Camprubik (Pinarello Q36.5) lortu du garaipena, Joel Nicolau (Caja Rural) izan da bigarren, eta Berradek osatu du podiuma, brontzea eskuratuta.
Ayala Serrano, 23 urtez azpiko Espainiako txapelduna
Paula Ostiz nafarrak (Movistar) brontzezko domina lortu du UCI elite mailan, eta Maite Urteaga zumaiarrak (Eulen-Amenabar) bigarren bukatu du elite mailan, eguneko protagonistetako bat izan ondoren.
Xabier Mikel Azparrenek zilarra irabazi du Espainiako Erlojupeko Txapelketan
Donostiarra bigarren geratu da, Pablo Castrillo irabazlearen lau segundora, kategoria gorenean. Bestalde, elite mailan, Aitor Agirre zumaiarrak irabazi du urrea.