McNulty gailendu da 2024ko Miguel Indurain Sari Nagusian
Brandon McNultyk (UAE Emirates) irabazi du 2024ko Miguel Indurain Sari Nagusia, martxoaren 30ean, azken txanpara Maxim Van Gilsekin (Lotto Dstny) batera ihes eginda helduta eta belgikarra esprintean menderatuta.
Eguneko lehen ihesaldia azkar sortu da, eta hauexek izan dira tropeletik jauzi egin duten txirrindulariak: Xabier Mikel Azparren (Q36.5), Bol (Burgos), Garcia Soriano (Arabay), Johansen (Sabgal) Txomin Juaristi (Euskaltel-Euskadi), Leidert (Lidl) eta Serrano (Polti). Zazpikoteak hainbat kilometro egin ditu ihes eginda, tropelarekiko sei minutu baino gehiagoko abantailarekin; helmugarako 100 kilometro falta zirenean, ordea, zazpikotea seikote bihurtu da, Garcia Soriano atzean geratu baita. Helmugarako 72 kilometrora, berriz, Serranok ezin izan dio jarraitu lasterketa buruan geratu den boskotearen erritmoari.
Gero, Lezauneko igoeran, lasterketaren buruko taldetxoa berriz txikitu da; Azparren geratu da atzean lehenengo, eta Leiderrek etsi du gero. Atzetik, tropelak erritmoa bizitu du, lasterketaren buruko hirukotea kontrolpean mantentzeko. Bolen, Johansenen eta Juaristiren errenta murriztuz joan da, eta talde nagusiak harrapatu egin ditu helmugarako 30 kilometro falta zirenean.
Ondoren, txikitu egin da tropela, eta zortzi txirrindulari ibili dira lasterketaren buruan, baina faboritoen taldeak ez die utzi abantaila handirik hartzen. Lasterketa irabazteko faboritoen artean, Pavel Sivakovek (UAE Emirates) piztu du sua, metro batzuetako abantaila hartuta, baina Eraul igotzen amaitu baino lehen harrapatu dute.
Miguel Indurain Sari Nagusia irabazteko hautagai nagusiak bat eginda sartu dira azken 10 kilometroetan. Brandon McNultyk erasoa jo eta abantaila hartu du, buruan kokatuta. Hori ikusta, Ion Izagirre (Cofidis) jarri da lanean atzeko taldean. Euskaldunak ez du besteen laguntza handirik jaso, eta, horrela, bada, McNulty 14 segundoko abantailarekin heldu da azken bost kilometroetara.
Bazirudien Brandon McNultyk poltsikoan zuela garaipena, baina Maxim Van Gils atzetik etorri da ziztu bizian, eta McNulty gainditu du. Hala ere, estatubatuarrak ez du amore eman, bat egin du belgikarrarekin, eta bien arteko esprintean McNulty nagusitu da. Van Gils izan da bigarren eta Edgar Oscar Onley (DSM) sartu da hirugarren. Azkenean, Ion Izagirre 2023ko irabazleak laugarren postuan amaitu du.
Sailkapena:
1 - MCNULTY Brandon (UAE) 4:55:48
2 - VAN GILS Maxim (Lotto) d. b.
3 - ONLEY Oscar (DSM) +0:02
4 - IZAGIRRE Ion (Cofidis) +0:06
5 - RYAN Archie (EF E) +0:08
6 - BATTISTELLA Samuele (Astana) +0:16
7 - CHAMPOUSSIN Clement (Arkea) d. b.
8 - CRAS Steff (TotalEnergies) d. b.
9 - SCHACHMANN Maximilian (BORA) d. b.
10 - BARCELO Fernando (Caja Rural) d. b.
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.