Matteo Jorgensonek Flandrian Zehar lasterketa irabazi du; Van Aertek eta Pedersenek erorikoa izan dute
Visma Lease a Bike taldeko Matteo Jorgenson txirrindulari estatubatuarrak irabazi du, asteazkenean, 2024ko Flandrian Zehar lasterketa, Belgikan (UCI WorldTour mailakoa da), eta, horrenbestez, denboraldiko bigarren garaipena lortu du; izan ere, duela hiru aste, Paris-Nizan ere nagusitu zen. Flandrian Zehar proban, Wout van Aert Jorgensonen taldekideak eta Lidl-Trekeko Mads Pedersenek erorikoa izan dute, beste txirrindulari batzuekin batera, eta ezin izan dute lasterketa amaitu; erorikoaren ondorioz, zalantzazkoa da Van Aert eta Pedersen igandean jokatuko duten Flandriako Itzulian parte hartzeko moduan izango diren.
Jorgenson sasoi betean dabil. Helmugarako zazpi kilometro gelditzen zirela jo du erasoa, eta bakarka irabazi du Waregemen. Jonas Abrahamsen (Uno-X), Stefan Kung (Groupama), Tiesj Benoot (Visma) eta Dries De Bondt (Decathlon) 29 segundora helmugaratu dira.
Van Aert eta Pedersen lasterketa uztera behartu dituen erorikoa amaierarako 67 kilometro gelditzen zirela jazo da. Oier Lazkanok (Movistar), bigarren sailkatua 2023ko Flandrian Zehar proban, ezin izan du garaipenaren lehian izan; Lazkanok ez du lortu garaipena jokoan izan duten hamaika txirrindularik osatutako taldean sartu. Gipuzkoarra 47. postuan sailkatu da, Jorgensonekiko 29 segundora.
Hala, Jorgensonek Christophe Laporte taldekidearen lekukoa hartu du (frantziarrak eskuratu zuen garaipena 2023an), eta 78. Flandrian Zehar irabazi du.
2024ko Flandrian Zehar lasterketako sailkapena
1 - JORGENSON Matteo (Visma) 4:07:44
2 - ABRAHAMSEN Jonas (Uno-X) + 0:29
3 - KÜNG Stefan (Groupama) m. t.
4 - BENOOT Tiesj (Visma) m. t.
5 - DE BONDT Dries (Decathlon) m. t.
6 - TARLING Joshua (INEOS) + 0:44
7 - MILAN Jonathan (Lidl) + 1:47
8 - VALGREN Michael (EF Education) m. t.
9 - NORSGAARD Mathias (Movistar) m. t.
10 - GACHIGNARD Thomas (TotalEnergies) m. t.
Zure interesekoa izan daiteke
Italiako Giroa, maiatzaren 8tik 31ra, EITBn
2026ko Italiako Giroak maiatzaren 8an, ostirala, ekingo dio edizio berriari. Aurten ere, lasterketa EITBn jarraitu ahal izango da zuzenean.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Itzulia Women lasterketaren ibilbidea aurkeztu dute
Maiatzaren 15etik 17ra egingo da 2026ko Itzulia Women Lasterketa. 3 etapa izango ditu, lehenengoa Zarautzen hasi eta amaituko da; bigarrena Abadiño eta Amorebieta artean; hirugarrena, berriz, Donostian egingo da. Datozen egunetan emangio dute taldeen berri.
2026ko Itzulia Women lasterketan hamalau mendate puntuagarri izango dira, hiru etapatan, maiatzaren 15etik 17ra bitartean
Lasterketako bosgarren ekitaldia Zarautzen hasiko da, maiatzaren 15ean, ostiralez, eta Donostian amaitu, hilaren 17an, igandez. Hiru etapa izango ditu probak: Zarautz-Zarautz (121,3 kilometro), Abadiño-Zornotza (138 kilometro), eta Donostia-Donostia (113,1 kilometro).
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.