Ackermannek irabazi du Poloniako Itzuliaren laugarren etapa, eta Higuita kolonbiarrak lider jarraitzen du
Sergio Higuita (BORA) kolonbiarrak lidergoa mantendu du Poloniako Itzulian. Bi kilometro baino gutxiagoren faltan, erorikoa izan du astearteko etapan, eta, horren ondorioz, Pascal Ackermann (UAE) irabazlearengandik 3 minutu eta 32 segundora helmugaratu da.
Erorikoak aurretik eraman ditu lasterketa buruko taldean zihoazen zenbait txirrindulari. Talde horretan zen Pello Bilbao (Bahrain) eta Ackermannen denbora berean helmugaratu da. Hortaz, gernikarrak sailkapen nagusiko bigarren postua mantenduko du.
Sergio Higuita helmugatik 1,7 kilometrora erori da, eta hiru minutu eta erdiko atzerapena izan du. Erorikoa azken bi kilometroetan izan denez, Higuitari etapako irabazlearen denbora bera eman diote, eta horrek liderraren elastiko mantentzeko balio izan dio.
Ackermannek esprintean irabazi du etapa. Lesko eta Sanok arteko 179,4 kilometroak 4 ordu, 21 minutu eta 46 segundoko denboran osatu ditu. Haren atzetik, Jordi Meeus belgikarra (BORA) eta Jonathan Milan italiarra (Bahrain) sartu dira, bigarren eta hirugarren, hurrenez hurren.
Ackermannen bigarren garaipena da 2022an; aurretik, Belgikan ospatu zen Bredene Koksijde klasikoa bere egin zuen. Gainera, bosgarren garaipena du Poloniako Itzulian, 2018an eta 2019an bina etapa irabazi baitzituen.
Pello Bilbao hamabigarren izan da, eta Richard Carapaz (INEOS), hogeigarrena; biak irabazlearen denbora berarekin. Gernikakoa bigarrena da sailkapen nagusian, Higuitarengandik lau segundora, eta hegoamerikarra, seigarren, 10 segundora.
Poloniako Itzuliko bosgarren etapa asteazken honetan jokatuko da, eta 178,1 kilometroko ibilbidea izango du.
4. etapako sailkapena:
1 - ACKERMANN Pascal (UAE) 4:21:46
2 - MEEUS Jordi (BORA) d.b.
3 - MILAN Jonathan (Bahrain) d.b.
4 - HERMANS Quinten (Intermarché) d.b.
5 - KOOIJ Olav (Jumbo-Visma) d.b.
6 - SCARONI Christian (Astana) d.b.
7 - ULISSI Diego (UAE) d.b.
8 - PACHER Quentin (Groupama) d.b.
9 - ANIOLKOWSKI Stanislaw (Poland) d.b.
10 - ARNDT Nikias (DSM) d.b.
SAILKAPEN NAGUSIA:
1 - HIGUITA Sergio (BORA) 19:52:46
2 - BILBAO Pello (Bahrain) +0:04
3 - HERMANS Quinten (Intermarché) +0:06
4 - ULISSI Diego (UAE) +0:10
5 - SOBRERO Matteo (BikeExchange) d.b.
6 - CARAPAZ Richard (INEOS) d.b.
7 - SCHMID Mauro (Quick-Step) d.b.
8 - PACHER Quentin (Groupama) d.b.
9 - GALL Felix (AG2R) d.b.
10 - WILLIAMS Stephen (Bahrain) d.b.
Zure interesekoa izan daiteke
Pogacarrek, Seixas mendean hartuta, laugarren Lieja-Bastogne-Lieja irabazi du; Volleringek hirugarrena eskuratu du
Esloveniarra nagusitu da berriro Lieja-Bastogne-Lieja lasterketan, Paul Seixas frantziarrarekin lehia estua izan ondoren. Volleringek, berriz, Redoute mendatean jo du erasoa, eta bakarrik helmugaratu da, baja garrantzitsuak izan dituen edizio batean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.