Van Aertek irabazi du etapa, esprintean Del Toro lider berria gaindituta
Wout van Aert (Team Visma) txirrindulari belgikarrak irabazi du igande honetan Gubbio eta Siena artean korritu den Italiako Giroko 9. etapa, 181 kilometroko ibilbidea izan duena. Etapa garaipena Isaac Del Toro (UAE Team Emirates) mexikarrarekin lehiatu du azken metroetako esprint bizian. Bestalde, Del Torok, etapa bereganatu ez arren, lasterketako lidergoa eskuratu du, eta, ondorioz, maglia arrosa jantzi du.
Primoz Roglic (RedBull-Bora) esloveniarra lurrera erori da 'sterrato' tarte batean, eta, indarberritu denean, beste ustekabeko bat izan du, etapa irabazteko borrokan egotea eragotzi diona. Zulatua izan du helmugarako 50 kilometro eskas falta zirenean.
Groves, Hermans, Fretin, De Bondt, Van der Hoorn eta Lamperti sartu dira ihesaldian.
Geroago, Bernalek, Riverak, Van Aertek eta Del Torok ordezkatu dituzte. Roglic erori eta zulatua izan ondoren, garaipena eskuratzeko lehian sartzeko aukera paregabea ikusi dute.
Bernalek agindu du hasiera batean, ihes egindakoen taldetik tiraka hainbat unetan, baina ezin izan dio Del Tororen azken erasoari eutsi.
Van Aertek bakarrik egin dio aurre une erabakigarrietan, eta elkarrekin iritsi dira Sienako galtzada-harrizko kale aldapatsuetara. Azken metroetan izugarrizko erakustaldia eginez, Del Torok esku-eskura izan du garaipena, baina Van Aertek UAEkoa aurreratu du helmugara iristeko bihurgune pare bat falta zirenean, eta azkenengoan aurretik sartuta nagusitu da azken esprintean.
Del Torok, hala ere, pozik bukatu du etapa, sailkapen nagusiko lehen postua eskuratu baitu. Giroko maglia arrosa jantzi duen lehen mexikarra da.
9. ETAPAKO SAILKAPENA
1.- VAN AERT Wout (Visma) 4:15:08
2.- DEL TORO Isaac (UAE) d. b.
3.- CICCONE Giulio (Lidl) +0:58
4.- CARAPAZ Richard (EF) d. b.
5.- YATES Simon (Visma) +1:00
6.- TIBERI Antonio (Bahrain) d. b.
7.- AYUSO Juan (UAE) +1:07
8.- ARENSMAN Thymen (INEOS) +1:10
9.- BERNAL Egan (INEOS) d. b.
10.- YATES Adam (UAE) d. b.
SAILKAPEN NAGUSIA
1 - DEL TORO Isaac (UAE) 33:36:45
2 - AYUSO Juan (UAE) +1:13
3 - TIBERI Antonio (Bahrain) +1:30
4 - CARAPAZ Richard (EF) +1:40
5 - CICCONE Giulio (Lidl) +1:41
6 - YATES Simon (Visma) +1:42
7 - BERNAL Egan (INEOS) +1:57
8 - MCNULTY Brandon (UAE) +1:59
9 - YATES Adam (UAE) +2:01
10 - ROGLIC Primoz (Red Bull) +2:25
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.