Alaphilippek 2024ko Giroan orain arte egindako lanaren saria jaso du; Pogacarrek lider jarraitzen du
Soudal Quick-Step taldeko Julian Alaphilippe txirrindulari frantziarrak irabazi du, ostegunean, 2024ko Italiako Giroaren hamabigarren etapa, Fano hirian, bakarka, eguneko ihesaldian berarekin batera izan diren gainerako ziklista guztiak atzean utzita. Sailkapen nagusian, Tadej Pogacarrek (UAE Emirates) lider bezala jarraitzen du; etapak ez du ekarri aldaketa esanguratsurik txirrindulari esloveniarra aurreneko postuan duen sailkapen nagusi horretan.
Alaphilippek palmares bikaina du, eta garaipen honek gogora ekarri du zein ondo zebilen bere kirol ibilbideko urterik onenetan. Bi aldiz du irabazita errepideko Munduko Txapelketa, 2020an eta 2021ean, eta, Giroan erdietsitakoa zenbatuta, badu gutxienez etapa bat poltsikoratuta hiru itzuli handietan, alegia, Espainiako Vueltan, Frantziako Tourrean eta Italiako Giroan. Etengabe borrokan dabil Giroko 107. ekitaldian, eta argi merezi zuen gailentzea. Helmugarako hamaika kilometro gelditzen zirela, Monte Gioveko aldapa labur baina gogorretan, Polti Kometa taldeko Mirco Maestri utzi du atzean; biak ala biak zihoazen lasterketa buruan, baina handik aurrera Alaphilippe geratu da aurreneko postuan, eta ezin hobeto moldatu da azken kilometro horietan.
2024ko Giroak, ostiralean, hamahirugarren etapa jokatuko du. 179 kilometroko ibilbidea du, Riccionen hasiko da eta Centon amaitu, eta laua da. Emilia-Romañan barrena ibiliko dira txirrindulariak, eta esprinterrentzat egun aproposa da, garaipena lortzeko aukera izan baitezakete.
Etapako sailkapena
1 - ALAPHILIPPE Julian (Soudal) 4:07:44
2 - NARVÁEZ Jhonatan (INEOS) + 0:31
3 - HERMANS Quinten (Alpecin) + 0:32
4 - VALGREN Michael (EF Education) + 0:43
5 - SCARONI Christian (Astana) d. b.
6 - TRENTIN Matteo (Tudor) + 1:30
7 - CLARKE Simon (Israel) d. b.
8 - LEEMREIZE Gijs (DSM) d. b.
9 - MAESTRI Mirco (Polti) d. b.
10 - THOMAS Benjamin (Cofidis) d. b.
Sailkapen nagusia
1 - POGACAR Tadej (UAE) 45:22:35
2 - MARTINEZ Daniel Felipe (BORA) + 2:40
3 - THOMAS Geraint (INEOS) + 2:56
4 - O'CONNOR Ben (Decathlon) + 3:39
5 - TIBERI Antonio (Bahrain) + 4:27
6 - BARDET Romain (DSM) + 4:57
7 - FORTUNATO Lorenzo (Astana) + 5:19
8 - ZANA Filippo (Jayco) + 5:23
9 - RUBIO Einer (Movistar) + 5:28
10 - ARENSMAN Thymen (INEOS) + 5:52
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.