Benjamin Thomasek ihesaldiko besteak menderatu ditu, eta etapa irabazi du; Pogacarrek lider jarraitzen du
Benjamin Thomas Cofidis taldeko txirrindulari frantziarrak irabazi du, asteazkenean, 2024ko Italiako Giroaren bosgarren etapan, Luccan; izan ere, Thomasek ihesaldian harekin batera zihoazen gainerako hiru ziklistak menderatu ditu, azken metroetan, eta garaipena eskuratu du. Sailkapen nagusian, UAE Emirateseko Tadej Pogacarrek lider jarraitzen du, eta ez da aldaketa esanguratsurik izan aurreneko postuei dagokienez.
Etapa garaipena, beraz, ihesaldian izan da, eta gutxik espero zuten hori, aurreikuspena baitzen 107. Giroko hirugarren esprintaz gozatzeko moduan izango ginela. Egia esan, ihesaldi horretan izandako txirrindulariak eguneko onenak izan dira, baina beste ziklista batzuk ere ahalegindu dira, aurretik, lasterketa buruko multzoa sortzen; Geschkek (Cofidis), Askeyk (Groupama), Baisek (Polti Kometa) eta Tarozzik (Bardiani) lehenago jo dute aurrera, baina tropelak 3. mailako Passo del Bracco jaisten ari zirela harrapatu ditu.
Helmugarako 63 kilometro gelditzen zirela, Thomasek, Valgrenek, Panelik eta Pietrobonek minutu eta erdiko aldea zuten; aurretik hamar kilometro zituztela, ordea, aldea 45 segundokoa zen. Ondo moldatu dira, baina, eta garaipena haien artean jokatu dute; Thomasek erdietsi du hori.
Ostegunean, 2024ko Italiako Giroaren seigarren etapa jokatuko dute. Torre del Lago Puccinitik (Viareggio) hasi eta Rapolano Termen amaituta, 180 kilometro ditu jardunaldiak. 12 kilometro, hiru zatitan banatuta, legar gainean egin beharko dituzte parte-hartzaileek; azken igoerak, Serre de Rapolanon, batez beste % 20ko aldapak ditu. Antolakuntzaren arabera, ibilbide zorrotza da.
Etapako sailkapena
1 - THOMAS Benjamin (Cofidis) 3:59:59
2 - VALGREN Michael (EF Education) d. b.
3 - PIETROBON Andrea (Polti) d. b.
4 - PALENI Enzo (Groupama) + 0:03
5 - MILAN Jonathan (Lidl) + 0:11
6 - EWAN Caleb (Jayco) d. b.
7 - BAUHAUS Phil (Bahrain) d. b.
8 - MERLIER Tim (Soudal) d. b.
9 - KOOIJ Olav (Visma) d. b.
10 - MIHKELS Madis (Intermarche) d. b.
Sailkapen nagusia
1 - POGACAR Tadej (UAE) 19:19:15
2 - THOMAS Geraint (INEOS) + 0:46
3 - MARTÍNEZ Daniel Felipe (BORA) + 0:47
4 - UIJTDEBROEKS Cian (Visma) + 0:55
5 - RUBIO Einer (Movistar) + 0:56
6 - FORTUNATO Lorenzo (Astana) + 1:07
7 - LOPEZ Juan Pedro (Lidl-Trek) + 1:11
8 - HIRT Jan Soudal (Quick-Step) + 1:13
9 - LUTSENKO Alexey (Astana) + 1:26
10 - CHAVES Esteban (EF Education) d. b.
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.