Vas hungariarrak irabazi du Giroko azkenaurreko etapa, eta Van Vleutenek eskura dauka garaipena
Blanka Vas hungariarrak (SD Worx) eskuratu du emakumezkoen Giroko azkenaurreko etapa. Lasterketa Nuoron hasi eta Sassarin amaitu da, 125,7 kilometroko ibilbidearekin. Hala, jardunaldi bakarra geratzen da Annemiek van Vleuten (Movistar) herbeheretarrak beste Giro bat irabaz dezan, denak berdin jarraitzen badu.
Gaurko jardunaldia aurrekoak baino lasaiagoa izan da, Movistar taldearen kontrol lanarekin, sailkapenean ondo kokatutako txirrindularien ihesaldiak ekiditzeko. Horrela, pixkanaka-pixkanaka, larunbateko kilometroak igaro dira, oso zorrotza izan ez den profilarekin. Horrenbestez, hungariar gaztea izan da multzoko azkarrena esprintean bukatu den eguna. Van Vleuten ere bertan zegoen edozein arazo ekiditeko.
Bigarren tokian , Chloé Dygert (Canyon) estatubatuarra sartu da. Hirugarren tokia, berriz, Movistar taldeko Liane Lippert alemaniarrarentzat izan da.
Horrela, etapa baten faltan, Van Vleutenek 3:56 minutuko aldea du sailkapen nagusian Juliette Labous (DSM) frantziarrarekiko, eta 4:23 minutukoa Gaia Realin (Lidl) italiarrarekiko. Bestalde, Mavi Garcia (Teqfind) balearrak eta Ane Santesteban (Jayco) gipuzkoarrak lehen multzoan sartu dira larunbat honetan, eta zazpigarren eta hamargarren postuei eutsi diete, hurrenez-hurren. Bi txirrindulariak postu horiek mantentzen saiatuko dira Italiako Giroko azken etapan.
Bederatzigarren jardunaldia Sassari eta Olvia artean lehiatuko da, 126,8 kilometroko ibilbidearekin, eta okerrik ez bada, Van Vleutenek bere laugarren "maglia" arrosa bereganatuko du.
Etapako sailkapena:
1 VAS Blanka (SD Worx) 3:00:41
2 DYGERT Chloe (Canyon) d. b.
3 LIPPERT Liane (Movistar) d. b.
4 PERSICO Silvia (UAE) d. b.
5 WOLLASTON Ally (Soudal) d. b.
6 LUDWIG Cecilie Uttrup (FDJ) d. b.
7 GARCÍA Mavi (TeqFind) d. b.
8 MARTURANO Greta (Deceuninck) v
9 SANTESTEBAN Ane (Jayco) d. b.
10 VOS Marianne (Jumbo) d. b.
Sailkapen nagusia:
1 - VAN VLEUTEN Annemiek (Movistar) 21:06:52
2 - LABOUS Juliette (DSM) +3:56
3 - REALINI Gaia (Lidl) +4:23
4 - MAGNALDI Erica (UAE) +5:34
5 - EWERS Veronica (EF Education) +5:35
6 - LUDWIG Cecilie Uttrup (FDJ) +6:16
7 - GARCÍA Mavi (Liv Racing) +6:25
8 - PERSICO Silvia (UAE) +7:01
9 - FISHER-BLACK Niamh (SD Worx) +7:28
10 - SANTESTEBAN Ane (Jayco) +9:12
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.