2022ko Italiako Giroko 5. etaparen profila eta ibilbidea: Catania – Messina (174 km)
Italiako Giroko 5. etapa maiatzaren 11n izango da, Catania eta Messina artean, 174 kilometroko ibilbidearekin.
Etapa nagusiki laua izango da, baina txirrindulariek ibilbidearen erdian dagoen Portella Mandrazzi 2. mailako mendatearen ia 30 kilometroko igoera gainditu beharko dute. Mendateak % 4ko batez besteko maldak ditu, eta eguneko ihesaldia osatzeko aproposa izan daiteke. Igo ostean, ia 100 kilometro geratuko dira helmugarako; dena den, mendatearen jaitsiera ere luzea da, 25 kilometro inguru baititu.
Etapako azken zatian, igoera labur baten bidez sartuko dira txirrindulariak Messinara, helmugatik 4 kilometrora. Gainera, txirrindulariek beste malda bat igo beharko dute, azken 1.500 metroei aurre egin aurretik. Jaitsiera labur baten ondoren, 800 metroko zuzengune zabal batek erabakiko du garailea. Amaiera esprinterrentzat aproposa izan daiteke, eguneko ihesaldiak arrakastarik ez badu.
Lasterketa zuzen-zuzenean ikusi ahalko da EITBn, honako ordutegi hauetan: eitb.eus-en etapa oso-osorik ikusteko aukera egongo da, 11:20tik aurrera; ETB4k 13:30etik 15:10era egingo du bat seinalearekin; eta telebistako emanaldiak ETB1en jarraituko du 15:10etik etapa amaitu arte.
Ikusi 4. etaparen profila | Ikusi 6. etaparen profila
ETAPAREN PROFILA
ETAPAKO FITXA TEKNIKOA
Etapa: 5. etapa (maiatzak 11)
Ibilbidea: Catania – Messina
Distantzia: 174 km
Hasiera-ordua: 11:20
Amaiera-ordua: 15:47 (43 km/h) | 16:00 (41 km/h) | 16:14 (39 km/h)
Mendiko saria: Portella Mandrazzi (2. mailakoa), 75,3. kilometroan
Zure interesekoa izan daiteke
2026ko Italiako Giroko 13. etaparen profila, ibilbidea eta ordutegia: Alessandria-Verbania (189 km)
Azken 30 kilometroak dira gogorrenak etapa honetan, larunbateko mendiko etapa handiaren aurreko egunean; Ungiasca mendatea atzean utzita, soilik hamahiru kilometro geldituko zaizkio txirrindulariei, eta mendate horrek % 10etik gorako maldak ditu; hortaz, erabakigarria izan liteke.
Markel Beloki, 10. sailkapen nagusian: “Nire lehenengo erlojupeko luzea izan da, esperientzia berria niretzat"
Txirrindulari gasteiztarrak 17. egin du Italiako Giroaren 10. etapan, Filippo Ganna garailea 03:11ra zuela. Gainera, EF Education taldeko ziklista gaztea sailkapen nagusiko 10. postuan dabil, Afonso Eulalio liderra 04:16ra duela.
Nor da erlojupeko espezialistarik onena? Kontuan hartzeko datuak
Xabier Usabiagak erlojupeko espezialistak izan ditu hizpide gaurkoan. Batzuentzat Garai bateko txirrindulariak dira onenak, beste batzuentzat, gaur egungoak. Baliabide eta teknologia asko aldatu da azken urteetan, eta datuak aztertu ditugun arren, eztabaidak zabalik dirau.
Filippo Gannak irabazi du Giroko erlojupekoa; Eulaliok lider jarraitzen du, Vingegaard bigarren dabil, eta Beloki, hamargarren
Netcompany INEOS taldeko txirrindulari italiarrak, erlojupekoetan espezialista bikaina bera, nagusitasun handiz gailendu da Massan; Jonas Vingegaardek ezin izan du maglia arrosa jantzi, Afonso Eulaliok bikain defendatu baitu, eta Markel Beloki sailkapen nagusiko hamargarren postura igo da.
Ganna jaun eta jabe izan da Giroko erlojupeko luzean, eta Eulaliok eutsi egin dio Vingegaardi
Espezialista italiarra indartsuena izan da 42 kilometroko erlojupekoan. Bestalde, Danimarkako txirrindulariak, azken garaipena lortzeko faborito nagusiak, ez du lortu ziklista portugaldarrari lidergoa kentzea.
Markel Beloki: “Bukaerako erritmoa oso azkarra izan da”
Markel Beloki (EF Education) txirrindulari arabarrak lan bikaina egin du Giroko 9. etapan, 16. postuan bukatu baitu, Jonas Vingegaard (Visma) irabazlearengandik minutu eta 12 segundora.
Italiako Giroko 9. etapako azken igoera, eta Jonas Vingegaarden garaipena
Jonas Vingegaard (Visma | Lease a Bike) txirrindulari daniarrak irabazi du Italiako Giroko bederatzigarren etapa, Cervia eta Corno alle Scale artekoa, azken metroetan Felix Gall (Decathlon) atzean utzita.
Vingegaard indar erakustaldia eginda gailendu da Corno alle Scale mendatean
Giulio Ciccone urrutitik saiatu da, baina Jonas Vingegaardek eta Felix Gallek helmugarako bi kilometro falta zirenean harrapatu dute, eta danimarkarra bakarka nagusitu da azkenean. Afonso Eulaliok lan ona egin du, eta liderraren maillotari eutsi dio. Giulio Pellizzarik, berriz, minututik gorako atzerapena izan du helmugan.
ZUZENEAN: Italiako Giroko 9. etapa, Cervia-Corno alle Scale
2026ko Italiako Giroko 9. etaparen zuzeneko emanaldia, Cervia eta Corno alle Scale artean (184 km).
Narvaezek irabazi duen Italiako Giroko 8. etapako azken kilometroa
Jhonatan Narvaez (UAE) ekuadortarra bakarrik helmugaratu da Italiako Giroko 8. etapan. Horrelakoa izan da Fermon bukatu den etapako azken kilometroa.