Cavendishek bereganatu du Giroko lehen esprinta
Mark Cavendish (Quick-Step) britainiarrak bereganatu du Kaposvár eta Balatonfüred (201 km) hirien artean jokatu den Italiako Giroko hirugarren etapa, esprintean azkarrena izan ostean. Giroan lortzen duen 16. etapa garaipena erdietsi du Man uhartean jaiotako txirrindulari beteranoak (36 urte), 2013tik lortzen duen lehena eta bere kirol ibilbideko 160.a. Sailkapen nagusiari begira, aldaketarik gabeko eguna izan da, eta, hartara, Mathieu van der Poelek elastiko arrosarekin jarraitzen du.
Samuele Rivi (Eolo-Kometa), Mattia Bais (Drone Hopper) eta Filippo Tagliani (Drone Hopper-Androni Giocattoli) italiarrak izan dira etapako protagonista nagusienak, ia hasieratik bertatik ihes eginda ibili baitira, gehienez lau minutuko tartea izan dutela. Azken biek, gainera, lasterketako bigarren ihesaldi handian esku hartu dute, ostiralean Giroari hasiera eman zion lehen jardunaldian ere tropelari aurre hartuta egon baitziren ia egun osoan. Alabaina, aurreakoan gertatu legez, tropelak ez du errukirik izan, eta etapa amaitzeko 28 kilometroren faltan harrapatu ditu iheskide guztiak.
Orduan, Israel-PremierTechek hartu du lasterketako kontrola, eta jarraian gainerako taldeak aktibatu egin dira bere esprinterrak helmugarako ahalik eta ondoen kokatuta eramateko asmoz. Pascal Eenkhoorn (Jumbo-Visma) herbeheretarrak metro batzuetako aldea lortu du zortzi kilometroren faltan, baina tropelak ez dio urrutiegi joaten utzi.
Horrela, etapa esprintean erabaki da, eta zeregine horretan Cavendish nagusi izan da Arnaud Demare (Groupama-FDJ) frantziarraren eta Fernando Gaviria (UAE Emirates) kolonbiarraren aurretik.
Bere aldetik, Van der Poelek lider jarraitzen du, larunbateko erlojupekoa irabazi zuen Simon Yates britainiarrari (BikeExchange-Jayco) 11 segundoko aldea aterata. Hirugarren tokian Tom Dumoulin herbeheretarra (Jumbo-Visma) ageri da, 16 segundora.
Asteartean, laugarren etapa jokatuko da, dagoeneko Italiako lurretan. Mendiko lehena izango da, eta jardunaldi zaila izango dute txirrindulariek Sizilia uhartearen barruan, 3.500 metroko desnibela gainditu beharko dute Avola eta Etna sumendian dagoen Sapienza aterpearen artean (172 kilometro).
Etapako sailkapena:
1 - CAVENDISH Mark (Quick-Step Alpha Vinyl Team 4:56:39
2 - DÉMARE Arnaud (Groupama - FDJ) d.b.
3 - GAVIRIA Fernando (UAE Team Emirates) d.b.
4 - GIRMAY Biniam (Intermarché - Wanty - Gobert Matériaux) d.b.
5 - MARECZKO Jakub (Alpecin-Fenix) d.b..
6 - THEUNS Edward (Trek - Segafredo) d.b.
7 - CONSONNI Simone (Cofidis) d.b.
8 - EWAN Caleb (Lotto Soudal) d.b.
9 - DAINESE Alberto (Team DSM) d.b..
10 - BAUHAUS Phil (Bahrain - Victorious) d.b.
Sailkapen orokorra:
1 - VAN DER POEL Mathieu (Alpecin-Fenix) 9:43:50
2 - YATES Simon (Team BikeExchange - Jayco) +0:11
3 - DUMOULIN Tom (Jumbo-Visma) +0:16
4 - SOBRERO Matteo (Team BikeExchange - Jayco) +0:24
5 - KELDERMAN Wilco (BORA - hansgrohe) d.b.
6 - TULETT Ben (INEOS Grenadiers) d.b.
7 - FOSS Tobias (Jumbo-Visma) +0:28
8 - MOLLEMA Bauke (Trek - Segafredo) d.b.
9 - BILBAO Pello (Bahrain - Victorious) +0:29
10 - SCHMID Mauro (Quick-Step Alpha Vinyl Team) d.b.
21 - LANDA Mikel (Bahrain - Victorious) 0:44
121 - CASTROVIEJO Jonathan (INEOS Grenadiers) 3:54
145 - LAZKANO Oier (Movistar Team) 5:56
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.