Simon Yates ezustean nagusitu da Budapesteko erlojupekoan, eta Van der Poelek lider jarraitzen du
Simon Yates britainiarrak (Bike Exchange) irabazi du Italiako Giroko bigarren etapa, Budapesteko hirigunean jokatutako 9 kilometroko erlojuaren kontrakoa. Mathieu van der Poelek sailkapen nagusiko lidergoari eutsi dio, etapan bigarren denborarik onena eginda.
Yatesek (Bury, 29 urte) 11:50eko denbora egin du, Van der Poelek (Alpecin Fenix) baino hiru gehiago. Herbeheretarrak 11 segundoko aldea ateratzen dio 2018ko Espainiako Itzuliko irabazleari sailkapen nagusian.
Hirugarren denborarik onena Tom Dumoulinek egin du, Van der Poelek baino 5 segundo gehiago erabilita.
Faboritoen artean, Joao Almeidak Yatesek baino 18 segundo gehiago egin ditu, Richard Carapazek 28 gehiago, Miguel Angel Lopezek 42 gehiago, Mikel Landak 33 gehiago eta Alejandro Valverdek 41 gehiago.
Pello, bederatzigarren sailkapen nagusian
Pello Bilbaok ez du egunik onena izan. Lehen etaparen ostean sailkapeneko hirugarren tokian hasi du erlojupekoa, baina azkenean 18. egin du, Yatesek baino 26 segundo gehiago eginda. Sailkapen nagusian, Pello bederatzigarren da orain, liderrarengandik 29 segundora.
Hirugarren etapa ere Hungarian korrituko dute. 201 kilometro egingo dituzte, Kaposvár hirian hasi eta Balatonfüreden amaituta.
Etapako sailkapena
1 - YATES Simon (Team BikeExchange - Jayco) 0:11:50
2 - VAN DER POEL Mathieu (Alpecin-Fenix) +0:03
3 - DUMOULIN Tom (Jumbo-Visma) +0:05
4 - SOBRERO Matteo (Team BikeExchange - Jayco) +0:13
5 - TULETT Ben (INEOS Grenadiers) d.b.
6 - FOSS Tobias (Jumbo-Visma) +0:17
7 - KELDERMAN Wilco (BORA - hansgrohe) d.b.
8 - KÄMNA Lennard (BORA - hansgrohe) d.b.
9 - SCHMID Mauro (Quick-Step Alpha Vinyl Team) +0:18
10 - ARENSMAN Thymen (Team DSM) d.b.
18 - BILBAO Pello (Bahrain - Victorious) +0:26
26 - CASTROVIEJO Jonathan (INEOS Grenadiers) +0:31
30 - LANDA Mikel (Bahrain - Victorious) +0:33
47 - LAZKANO Oier (Movistar Team) +0:38
Sailkapen orokorra:
1 - VAN DER POEL Mathieu (Alpecin-Fenix) 4:47:11
2 - YATES Simon (Team BikeExchange - Jayco) +0:11
3 - DUMOULIN Tom (Jumbo-Visma) +0:16
4 - SOBRERO Matteo (Team BikeExchange - Jayco) +0:24
5 - KELDERMAN Wilco (BORA - hansgrohe) d.b.
6 - TULETT Ben (INEOS Grenadiers) d.b.
7 - FOSS Tobias (Jumbo-Visma) +0:28
8 - MOLLEMA Bauke (Trek - Segafredo) d.b.
9 - BILBAO Pello (Bahrain - Victorious) +0:29
10 - SCHMID Mauro (Quick-Step Alpha Vinyl Team) d.b.
21 - LANDA Mikel (Bahrain - Victorious) 0:44
105 - CASTROVIEJO Jonathan (INEOS Grenadiers) 3:12
148 - LAZKANO Oier (Movistar Team) 5:56
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.