Victor Lafayk eskuratu du garaipena eta Valterrek lider jarraitzen du
Victor Lafay frantziarrak (Cofidis) irabazi du Italiako Giroko zortzigarren etapa, Sanframondi Guardiako aldapetan ihes egindako taldekideak mendean hartuta. Attila Valter (Groupama FDJ) hungariarrak magila arrosari eutsi dio beste egun batez.
Ia ez da mugimendurik egon sailkapen nagusiko txirrindularien artean, nahiz eta azken kilometroetan erritmoa igo duten, baina hautagai bakar batek ere ez du sufritu talde nagusian sartzeko. Aitzitik, Pello Bilbaok (Bahrein) ezustekoa izan du mila metroetan, bizikleta kateatu baitzaio Matteo Fabrorekin eta atzerago iritsi da helmugara.
Irteera oso azkarra izan da. Lasterketako lehen orduan hegan egin dute, eta kontaezinak izan dira larunbateko etapako orografia kontuan hartuta garaipena lortzeko ihesaldia bilatu duten txirrindulariak. Ihesaldi hori ez da gorakoan eratu, baizik eta jaitsiera azkar batean, Bocca Della Selvarako bidean. Hala, etapako behin betiko ihesaldian 9 txirrindulari egon dira: Alexis Gougeard (AG2R), Giovani Carboni (Bardiani), Victor Lafay (Cofidis), Francesco Gavazzi (Eolo), Kobe Goossens (lts), Nelson Oliveira (Movistar), Nikias Arndt (DSM), Fernando Gaviria (UAD) eta Victor Campenaerts (Qhubeka).
Lafay nagusitu da, indartsuena izan baita Sanframondi Guardiako azken aldapetan. Campenaerts eta Giovanni Carboni (Bardiani) harrapatu ditu, eta bakarrik helmugaratu da Cofidisi lehen garaipena emateko.
Ia bost minutu geroago iritsi da faboritoen taldea, Joao Almeida portugaldarra (Deceuninck) buru zuela, Pello Bilbao bakarrik falta izan da bertan; izan ere, lurrera joan da, inolako ondoriorik izan gabe, Matteo Fabro italiarrarekin (BOra) kateatu ostean. Egan Bernal, Remco Evenepoel (Deceninck), Simon Yates eta konpainiak bakea sinatu dute igandeko etapa garrantzitsuaren aurrean.
Igande honetan izango dute guztiek erronka garrantzitsua, benetako lehena agian, 9. etapan. Castel di Sangro eta Campo Felice (1. mailako igoera) batuko dituen 158 kilometroko ibilbidea bete beharko dituzte txirrindulariek. Aurretik, beste hiru igoera garrantzitsu gainditu beharko dituzte, bigarren mailako bi eta hirugarren mailako bat.
8. etapako sailkapena:
1 LAFAY Victor (Cofidis) 4:06:47
2 GAVAZZI Francesco (EOLO) 0:36
3 ARNDT Nikias (DSM) 0:37
4 OLIVEIRA Nelson (Movistar) 0:41
5 CARBONI Giovanni (Bardiani) 0:44
6 GOOSSENS Kobe (Lotto) 0:58
7 CAMPENAERTS Victor (Qhubeka) 1:00
8 GOUGEARD Alexis (AG2R) 1:54
9 GAVIRIA Fernando (UAE) 3:04
10 ALMEIDA João (Deceuninck) 4:48
11 VLASOV Aleksandr (Astana) ,,
12 ULISSI Diego (UAE) ,,
13 EVENEPOEL Remco (Deceuninck) ,,
14 MOSCON Gianni (INEOS) ,,
15 CARUSO Damiano (Bahrain) ,,
Zure interesekoa izan daiteke
Txirrindulari gazteen bilakaera: adinean gora, garaipenetan behera
Txirrindulari gazteen bilakaera aztertu du Xabier Usabiagak “Ez da Giro” saioan. Azken urteetan joera aldatu egin da: adinean gora egiten duten heinean, lorpenetan behera. Juan Ayuso, Joshua Tarling eta beste askori gertatu zaien moduan.
Igor Arrietaren ahalegin handia, eta Michael Valgrenen erasoa eta garaipena, Giroko 17. etapako azken kilometroetan
UAEko txirrindulari nafarrak lasterketa buruan zihoazen ziklistak harrapatu ditu, alegia, Valgren eta Einer Rubio; gerora, atzetik zetozen gizonek aurreko hirurekin bat egin dute; azkenean, Valgrenek garaipen bikaina eskuratu du.
Igor Arrieta: “Bagenekien ihesaldia helmugara irits zitekeela; saiatu naiz”
Igor Arrieta seigarren postuan hlmugaratu da Italiako Giroko 17.etapan. Ihesaldiko protagonistetako bat izan da, horretarako “egun gogorra” izan den arren.
Michael Valgren danimarkarrak irabazi du Andalon, Igor Arrieta berriro protagonista izan den etapan
Azkenenean Uharte Arakileko txirrindularia seigarren helmugaratu da. Hogeita hamar bat txirrindularik, tartean, Giro honetan etapa irabazi duen nafarrak eta Jhonatan Narvaez ekuadortarrak, osatu dute eguneko ihesaldia. Errepidea bustita edo heze izan dute ziklistek gaurkoan.
Zenbat balio du UCI World Tourreko lasterketa bat antolatzeak?
Ikuskizuna bai, baina UCI World Tourreko lasterketa bat antolatzea garestia ere bada. Xabier Usabiagak kostuak zeintzuk eta zenbatekoak diren azaldu dizkigu, Itzulia eta Danilith Nokere Koerse adibidetzat jarrita.
Vingegaardek erakustaldia eman du Carì mendatean: lau etapa garaipen daramatza, eta aurkariak bigarren postuaren bila dabiltza
Jonas Vingegaardek 2026ko Italiako Giroko maglia arrosa du aldean, eta hamaseigarren etapan are gehiago sendotu du lehen postu hori; eguna Carì lehen mailako mendatean amaitu da, eta danimarkarrak erabat kontrolpean izan ditu aurkariak. Hala, azken horiek podiumeko beste bi postuak ari dira jokatzen.
Visma taldea nagusi izan da Cariko igoeran, eta Vingegaardek Giroa erabakita utzi du
Tropelak eguneko ihesaldia azken igoerako lehen aldapetan harrapatu du, eta, Team Visma-Lease taldeak gidatuta, erritmo gogorra ezarri du Cariko aldapa gogorretan (11,6 km % 8ra). Vingegaardek erasoa jo du helmugatik 6 kilometrora, eta bere laugarren etapa garaipena lortu du.
2026ko Italiako Giroko 20. etaparen ibilbidea, profila eta ordutegia: Gemona del Friuli-Piancavallo (200 km)
109. Italiako Giroaren azken-aurreko etapako azken hirurogeita hamar kilometroetan, txirrindulariek bi aldiz igo beharko dute Piancavallo lehen mailako mendate gogorra. Hor, Piancavallon, eguna amaituko da, eta ziklistei soilik beste etapa bat geldituko zaie, Erromakoa; hortaz, ia-ia dena erabakiko da 20. etapa honetan.
2026ko Italiako Giroko 19. etaparen ibilbidea, profila eta ordutegia: Feltre-Alleghe (151 km)
Dolomita Alpeetan jokatuko den etapa ikaragarri gogorra da. Txirrindulariek ibilbidean sei mendate jarraian eta, gutxi gorabehera, 5.000 metroko desnibela gainditu beharko dituzte.
Joseba Beloki: “Oso Giro arraroa izaten ari da"
Joseba Beloki txirrindulari ohi eta Giroan lehian ari den Markel Belokiren aitak lasterketaren lehen bi asteen analisia egin du. Giro honetan txirrindulariak "oso azkar" ibili direla esan du eta Giroa bukatzeko falta diren etapetan mugimendu gutxi izango direla iragarri du.