Mader, garaile mendate gainean amaitu den lehen etapan; Valter da lider berria
Gino Maderrek (Bahrain Victorious) irabazi du Italiako Giroko seigarren etapa, Grotte di Frasassi eta Ascoli Piceno (160 km) artean egin dena, eta mendate gainean amaitu den lehena. Bestalde, Attila Valterrek (Groupama) jantzi du liderraren elastikoa.
Eguneko ihesaldian zortzi txirrindulari ibili dira, baina 24 urteko Mader soilik izan da gai ihes eginda azkeneraino iristeko. Gino Mader izan da lehena Ascoli Picenoko helmuga gurutzatzen eta 12 segundo beranduago helmugaratu dira Egan Bernal (Ineos Grnadiers), Dan Martin (Israel Start Up) eta Remco Evenepoel (Deceuninck-Quick Step) txirrindulariak.
Sailkapen nagusiko lehen postuan da Attila Valter , 11 segundo ateratzen dizkio Evenepoeli (bigarren) eta 16 segundo Bernali (hirugarren).
Pello Bilbao ez da onenen artean egon
Bahrain Victorious taldeak Maderren etapa garaipena ospatu du Mikel Landak bosgarren etapan erorikoa izan eta lasterketa utzi ondorengo egunean. Hala ere, ez da egun biribila izan taldearentzat, Pello Bilbao taldeburuak denbora galdu baitu faboritoekiko.
Pello Bilbao taldekide duen Mader etapa irabazlearengandik 1'18"ra helmugaratu da, eta 1'02" galdu du Evenepoel, Dan Martin eta Egan Bernal txirrindulariekiko.
6. etapako sailkapena:
1 - MÄDER Gino (Bahrain - Victorious) 4:17:52
2 - BERNAL Egan (INEOS Grenadiers) + 0:12
3 - MARTIN Dan (Israel Start-Up Nation) d.b.
4 - EVENEPOEL Remco /Deceuninck - Quick Step) d.b.
5 - CICCONE Giulio (Trek - Segafredo) + 0:14
6 - CARUSO Damiano (Bahrain - Victorious) + 0:25
7 - MARTÍNEZ Daniel Felipe (INEOS Grenadiers) d.b.
8 - SOLER Marc (Movistar Team) + 0:27
9 - CARTHY Hugh (EF Education - Nippo) + 0:29
10 - VLASOV Aleksandr (Astana - Premier Tech) d.b.
11 - YATES Simon (Team BikeExchange) d.b.
Sailkapen nagusia:
1 - VALTER Attila (Groupama - FDJ) 22:17:06
2 - EVENEPOEL Remco (Deceuninck - Quick Step) + 0:11
3 - BERNAL Egan (INEOS Grenadiers) + 0:16
4 - VLASOV Aleksandr (Astana - Premier Tech) + 0:24
5 - VERVAEKE Louis (Alpecin-Fenix) + 0:25
6 - CARTHY Hugh (EF Education - Nippo) + 0:38
7 - CARUSO Damiano (Bahrain - Victorious) + 0:39
8 - CICCONE Giulio (Trek - Segafredo) + 0:41
9 - MARTIN Dan (Israel Start-Up Nation) + 0:47
10 - YATES Simon (Team BikeExchange) + 0:49
Zure interesekoa izan daiteke
Txirrindulari gazteen bilakaera: adinean gora, garaipenetan behera
Txirrindulari gazteen bilakaera aztertu du Xabier Usabiagak “Ez da Giro” saioan. Azken urteetan joera aldatu egin da: adinean gora egiten duten heinean, lorpenetan behera. Juan Ayuso, Joshua Tarling eta beste askori gertatu zaien moduan.
Igor Arrietaren ahalegin handia, eta Michael Valgrenen erasoa eta garaipena, Giroko 17. etapako azken kilometroetan
UAEko txirrindulari nafarrak lasterketa buruan zihoazen ziklistak harrapatu ditu, alegia, Valgren eta Einer Rubio; gerora, atzetik zetozen gizonek aurreko hirurekin bat egin dute; azkenean, Valgrenek garaipen bikaina eskuratu du.
Igor Arrieta: “Bagenekien ihesaldia helmugara irits zitekeela; saiatu naiz”
Igor Arrieta seigarren postuan hlmugaratu da Italiako Giroko 17.etapan. Ihesaldiko protagonistetako bat izan da, horretarako “egun gogorra” izan den arren.
Michael Valgren danimarkarrak irabazi du Andalon, Igor Arrieta berriro protagonista izan den etapan
Azkenenean Uharte Arakileko txirrindularia seigarren helmugaratu da. Hogeita hamar bat txirrindularik, tartean, Giro honetan etapa irabazi duen nafarrak eta Jhonatan Narvaez ekuadortarrak, osatu dute eguneko ihesaldia. Errepidea bustita edo heze izan dute ziklistek gaurkoan.
Zenbat balio du UCI World Tourreko lasterketa bat antolatzeak?
Ikuskizuna bai, baina UCI World Tourreko lasterketa bat antolatzea garestia ere bada. Xabier Usabiagak kostuak zeintzuk eta zenbatekoak diren azaldu dizkigu, Itzulia eta Danilith Nokere Koerse adibidetzat jarrita.
Vingegaardek erakustaldia eman du Carì mendatean: lau etapa garaipen daramatza, eta aurkariak bigarren postuaren bila dabiltza
Jonas Vingegaardek 2026ko Italiako Giroko maglia arrosa du aldean, eta hamaseigarren etapan are gehiago sendotu du lehen postu hori; eguna Carì lehen mailako mendatean amaitu da, eta danimarkarrak erabat kontrolpean izan ditu aurkariak. Hala, azken horiek podiumeko beste bi postuak ari dira jokatzen.
Visma taldea nagusi izan da Cariko igoeran, eta Vingegaardek Giroa erabakita utzi du
Tropelak eguneko ihesaldia azken igoerako lehen aldapetan harrapatu du, eta, Team Visma-Lease taldeak gidatuta, erritmo gogorra ezarri du Cariko aldapa gogorretan (11,6 km % 8ra). Vingegaardek erasoa jo du helmugatik 6 kilometrora, eta bere laugarren etapa garaipena lortu du.
2026ko Italiako Giroko 20. etaparen ibilbidea, profila eta ordutegia: Gemona del Friuli-Piancavallo (200 km)
109. Italiako Giroaren azken-aurreko etapako azken hirurogeita hamar kilometroetan, txirrindulariek bi aldiz igo beharko dute Piancavallo lehen mailako mendate gogorra. Hor, Piancavallon, eguna amaituko da, eta ziklistei soilik beste etapa bat geldituko zaie, Erromakoa; hortaz, ia-ia dena erabakiko da 20. etapa honetan.
2026ko Italiako Giroko 19. etaparen ibilbidea, profila eta ordutegia: Feltre-Alleghe (151 km)
Dolomita Alpeetan jokatuko den etapa ikaragarri gogorra da. Txirrindulariek ibilbidean sei mendate jarraian eta, gutxi gorabehera, 5.000 metroko desnibela gainditu beharko dituzte.
Joseba Beloki: “Oso Giro arraroa izaten ari da"
Joseba Beloki txirrindulari ohi eta Giroan lehian ari den Markel Belokiren aitak lasterketaren lehen bi asteen analisia egin du. Giro honetan txirrindulariak "oso azkar" ibili direla esan du eta Giroa bukatzeko falta diren etapetan mugimendu gutxi izango direla iragarri du.