Petersek irabazi du etapa eta Carapaz eta Landak segundo batzuk lapurtu dituzte
Nans Peters frantziarrak (Ag2r) sona handiko garaipenarekin estreinatu du bere palmaresa, Commezzadura eta Anterselva batu dituen Italiako Giroko 17. etapa bereganatu baitu (181 kilometro).
Bera izan da ausartena eguneko ihesaldian sartu diren 18 kideen artetik. Grenobleko txirrindulariak helmugarako 16 kilometroren faltan egin du alde gainerako iheskideengandik, eta hura harrapatzen saiatu diren arren, ezinezkoa izan zaie.
Helmugan bigarrena Esteban Chaves (Mitchelton Scott) kolonbiarra izan da, irabazlearengandik 1:34ra, eta haren atzetik sartu dira ihes eginda ibili diren beste guztiak.
Faboritoei dagokionez, Anterselva mendateko (5,5 kilometro eta % 6,9ko batez besteko pendiza) azken aldera bizitu dute lasterketa, Mikel Landak eta Richard Carapazek jotako erasoen bidez. Movistarreko txirrindulariek segundo batzuk atera dizkiete helmugan euren arerio zuzenei.
Landa izan da aurrera jo duen lehena, 3 kilometroren faltan, eta faboritoen arteko inor ez da haren atzetik atera. Txirrindulari arabarrak gero eta gertuago dauka podiuma (Roglicengandik 47 segundora dago), eta mendiko bi etapa interesgarri geratzen dira jokatzeke.
Murgiarrak Nibali eta Roglic atzean uztea lortu du. Hasiera batean, Carapaz ere faboritoen taldetxoan geratu da zain. Alabaina, Landak zuloa zabaltzea lortu duenean, ekuadortarrak ere erritmoa areagotu du, igandeko erlojupekoari begira denbora-tarte handiagoa izateko xedearekin.
Bere ahaleginak saria izan du, helmugan 7 segundoko zulotxoa zabaldu baitu Roglic eta Nibalirekiko. Orain 1:54ra eta 2:16ra aldendu ditu sailkapenean italiarra eta esloveniarra. Mikel Landa, bere aldetik, 3:03ra dago, eta hirugarren tokia begi-bistan dauka.
Ostegun honetan korrituko den 18. etapak nolabaiteko atsedena ekarriko die elastiko arrosaren borrokan murgilduta dauden txirrindulariei. Ibilbide luzea izango dute aurrez aurre Valdaora eta Santa Maria di Sala artean (222 kilometro), baina beheranzko joera izango du, eta mendate bakarra igo beharko dute (laugarren mailakoa).
Zure interesekoa izan daiteke
Zenbat gastatzen dute taldeek bidoietan? Nahi haina erabil al ditzakete?
Txirrindularien eta zaleen arteko loturatzat hartzen dira, hein batean, lasterketetan erabiltzen dituzten bidoiak. Baina, zenbat erabiltzen ditu World Tourreko talde batek lasterketako? Xabier Usabiagak honen berri eman du “Ez da Giro” saioan.
Paul Magnier gailendu da 18.etapan, bihurgunez beteriko esprint arriskutsu batean
Paul Magnier (Soudal Quick-Step) frantziarrak irabazi du Italiako Giroko hemezortzigarren etapa. Ezker-eskuineko hainbat bihurgune eta zoru bustiarekin egindako esprint arriskutsu batekin amaitu da hau. Edoardo Zambanini (Bahrain-Victorious) helmugaratu da bigarren eta Jonathan Milan (Lidl-Trek) hirugarren, italiarrak biak.
Tropelak ez du tarterik utzi, eta Magnierrek bere hirugarren etapa garaipena erdietsi du esprintean
Talde nagusiak ez die ihesaldiei tarterik utzi, eta jardunaldiko azken mendatexoa, Muro di Ca 'del Poggio, gainditu ostean, tropeleko gizonik azkarrenek azken aukera izan dute Erromaren aurretik.
Txirrindulari gazteen bilakaera: adinean gora, garaipenetan behera
Txirrindulari gazteen bilakaera aztertu du Xabier Usabiagak “Ez da Giro” saioan. Azken urteetan joera aldatu egin da: adinean gora egiten duten heinean, lorpenetan behera. Juan Ayuso, Joshua Tarling eta beste askori gertatu zaien moduan.
Igor Arrietaren ahalegin handia, eta Michael Valgrenen erasoa eta garaipena, Giroko 17. etapako azken kilometroetan
UAEko txirrindulari nafarrak lasterketa buruan zihoazen ziklistak harrapatu ditu, alegia, Valgren eta Einer Rubio; gerora, atzetik zetozen gizonek aurreko hirurekin bat egin dute; azkenean, Valgrenek garaipen bikaina eskuratu du.
Igor Arrieta: “Bagenekien ihesaldia helmugara irits zitekeela; saiatu naiz”
Igor Arrieta seigarren postuan hlmugaratu da Italiako Giroko 17.etapan. Ihesaldiko protagonistetako bat izan da, horretarako “egun gogorra” izan den arren.
Michael Valgren danimarkarrak irabazi du Andalon, Igor Arrieta berriro protagonista izan den etapan
Azkenenean Uharte Arakileko txirrindularia seigarren helmugaratu da. Hogeita hamar bat txirrindularik, tartean, Giro honetan etapa irabazi duen nafarrak eta Jhonatan Narvaez ekuadortarrak, osatu dute eguneko ihesaldia. Errepidea bustita edo heze izan dute ziklistek gaurkoan.
Zenbat balio du UCI World Tourreko lasterketa bat antolatzeak?
Ikuskizuna bai, baina UCI World Tourreko lasterketa bat antolatzea garestia ere bada. Xabier Usabiagak kostuak zeintzuk eta zenbatekoak diren azaldu dizkigu, Itzulia eta Danilith Nokere Koerse adibidetzat jarrita.
Vingegaardek erakustaldia eman du Carì mendatean: lau etapa garaipen daramatza, eta aurkariak bigarren postuaren bila dabiltza
Jonas Vingegaardek 2026ko Italiako Giroko maglia arrosa du aldean, eta hamaseigarren etapan are gehiago sendotu du lehen postu hori; eguna Carì lehen mailako mendatean amaitu da, eta danimarkarrak erabat kontrolpean izan ditu aurkariak. Hala, azken horiek podiumeko beste bi postuak ari dira jokatzen.
Visma taldea nagusi izan da Cariko igoeran, eta Vingegaardek Giroa erabakita utzi du
Tropelak eguneko ihesaldia azken igoerako lehen aldapetan harrapatu du, eta, Team Visma-Lease taldeak gidatuta, erritmo gogorra ezarri du Cariko aldapa gogorretan (11,6 km % 8ra). Vingegaardek erasoa jo du helmugatik 6 kilometrora, eta bere laugarren etapa garaipena lortu du.