Roglic, Landa, Lopez, Yates, Nibali eta Dumoulinek Froomeren lekukoa hartu nahi dute
Zortzi kilometroko erlojupeko batek emango dio hasiera larunbat honetan Giroaren 102. ekitaldiari. Italiako lasterketa irabazteko faboritoen artean hainbat izen agertzen dira, eta horien artean daude, besteak beste, Primoz Roglic (Jumbo-Visma), Tom Dumoulin (Sunweb), "Superman" Lopez (Astana), Simon Yates (Mitchelton-Scott), Mikel Landa (Movistar) eta Vincenzo Nibali (Bahrain-Merida) txirrindulariak.
Itzulian zehar hiru erlojupekori (lehen etapa, azkena eta tarteko bat), goi-mendiko bost jardunaldiri eta gainaldean amaitzen diren zazpi ibilbideri egin beharko diete aurre parte-hartzaileek, ekainean 2an Veronara heldu bitartean. Era guztietako ezaugarriak dituzten txirrindularientzako aukerak egongo dira; dena dela, igotzaileak izango dira elastiko arrosaren lehian ibiliko direnak.
Orain arteko emaitzek Primoz Roglic esloveniarrarengan jartzen dute arretagune nagusia. Txirrindulari handinahia, lasaia eta ibilbide guztietara egokitzen dena da, eta aurtengo denboraldian Emirerrietako Itzulia, Adriatikoko Itzulia eta Romandiako Itzulia irabazi ditu dagoeneko.
Aitzitik, Froomeren, Geraint Thomasen eta Egan Bernalen (Ineos) hutsuneen aurrean, aurkari zuzenen ugari izango ditu.
Horien artean dago joan zen denboraldian Espainiako Itzulia bereganatu zuen Simon Yates. Britainiarra bueltan da Giroan, aurreko denboraldiko eskarmentuarekin. Esku-eskura izan zuen lasterketa irabaztea, baina, azkenerako, amore eman behar izan zuen Froomeren aurrean.
Asmo berekin dago Tom Dumoulin ere. 2017an irabazi zuen lasterketa, eta berarentzat urteko helburu nagusia da.
Hiru erlojupekoetan galtzen duen denbora neurrizkoa bada, Miguel Angel "Superman" Lopez kolonbiarrak Astanako taldekideen laguntza izango du (tartean egongo dira Ion Izagirre eta Pello Bilbao) kalitatezko jauzia eman dezan, aurreko denboraldiko Giroan eta Espainiako Itzulian hirugarren postuan sailkatu ostean.
Izen handien artean ez dugu baztertu behar Vincenzo Nibalirena. Bere palmaresean hiru handiak dituen txirrindulariak (Giro bi, Tour bat eta Espainiako Itzuli bat) oraindik ere zeresana eman nahi du, nahiz eta 35 urte beteko dituen aurten.
Euskal txirrindularien artean, Mikel Landa azpimarratu beharra dago. Arabarrak azken garaipenaren borrokan egon nahi du, 2015ean denon ahotan jarri zuen lasterketara itzuli den honetan (hirugarren egin zuen).
Murgiarra ohorezko postuen lehian egon dadila espero da, eta bere taldekide izango du 2018ko Giroan laugarren tokian sailkatu zen Richard Carapaz ekuadortarra.
Esprintetarako hiru izen
Esprintean amaituko diren etapei dagokienez, hiru gizon ageri dira besteen gainetik: Elia Viviani italiarra (Deceuninck-Quick Step), Fernando Gaviria kolonbiarra (UAE-Team Emirates) eta Caleb Ewan australiarra (Lotto).
Zure interesekoa izan daiteke
Txirrindulari gazteen bilakaera: adinean gora, garaipenetan behera
Txirrindulari gazteen bilakaera aztertu du Xabier Usabiagak “Ez da Giro” saioan. Azken urteetan joera aldatu egin da: adinean gora egiten duten heinean, lorpenetan behera. Juan Ayuso, Joshua Tarling eta beste askori gertatu zaien moduan.
Igor Arrietaren ahalegin handia, eta Michael Valgrenen erasoa eta garaipena, Giroko 17. etapako azken kilometroetan
UAEko txirrindulari nafarrak lasterketa buruan zihoazen ziklistak harrapatu ditu, alegia, Valgren eta Einer Rubio; gerora, atzetik zetozen gizonek aurreko hirurekin bat egin dute; azkenean, Valgrenek garaipen bikaina eskuratu du.
Igor Arrieta: “Bagenekien ihesaldia helmugara irits zitekeela; saiatu naiz”
Igor Arrieta seigarren postuan hlmugaratu da Italiako Giroko 17.etapan. Ihesaldiko protagonistetako bat izan da, horretarako “egun gogorra” izan den arren.
Michael Valgren danimarkarrak irabazi du Andalon, Igor Arrieta berriro protagonista izan den etapan
Azkenenean Uharte Arakileko txirrindularia seigarren helmugaratu da. Hogeita hamar bat txirrindularik, tartean, Giro honetan etapa irabazi duen nafarrak eta Jhonatan Narvaez ekuadortarrak, osatu dute eguneko ihesaldia. Errepidea bustita edo heze izan dute ziklistek gaurkoan.
Zenbat balio du UCI World Tourreko lasterketa bat antolatzeak?
Ikuskizuna bai, baina UCI World Tourreko lasterketa bat antolatzea garestia ere bada. Xabier Usabiagak kostuak zeintzuk eta zenbatekoak diren azaldu dizkigu, Itzulia eta Danilith Nokere Koerse adibidetzat jarrita.
Vingegaardek erakustaldia eman du Carì mendatean: lau etapa garaipen daramatza, eta aurkariak bigarren postuaren bila dabiltza
Jonas Vingegaardek 2026ko Italiako Giroko maglia arrosa du aldean, eta hamaseigarren etapan are gehiago sendotu du lehen postu hori; eguna Carì lehen mailako mendatean amaitu da, eta danimarkarrak erabat kontrolpean izan ditu aurkariak. Hala, azken horiek podiumeko beste bi postuak ari dira jokatzen.
Visma taldea nagusi izan da Cariko igoeran, eta Vingegaardek Giroa erabakita utzi du
Tropelak eguneko ihesaldia azken igoerako lehen aldapetan harrapatu du, eta, Team Visma-Lease taldeak gidatuta, erritmo gogorra ezarri du Cariko aldapa gogorretan (11,6 km % 8ra). Vingegaardek erasoa jo du helmugatik 6 kilometrora, eta bere laugarren etapa garaipena lortu du.
2026ko Italiako Giroko 20. etaparen ibilbidea, profila eta ordutegia: Gemona del Friuli-Piancavallo (200 km)
109. Italiako Giroaren azken-aurreko etapako azken hirurogeita hamar kilometroetan, txirrindulariek bi aldiz igo beharko dute Piancavallo lehen mailako mendate gogorra. Hor, Piancavallon, eguna amaituko da, eta ziklistei soilik beste etapa bat geldituko zaie, Erromakoa; hortaz, ia-ia dena erabakiko da 20. etapa honetan.
2026ko Italiako Giroko 19. etaparen ibilbidea, profila eta ordutegia: Feltre-Alleghe (151 km)
Dolomita Alpeetan jokatuko den etapa ikaragarri gogorra da. Txirrindulariek ibilbidean sei mendate jarraian eta, gutxi gorabehera, 5.000 metroko desnibela gainditu beharko dituzte.
Joseba Beloki: “Oso Giro arraroa izaten ari da"
Joseba Beloki txirrindulari ohi eta Giroan lehian ari den Markel Belokiren aitak lasterketaren lehen bi asteen analisia egin du. Giro honetan txirrindulariak "oso azkar" ibili direla esan du eta Giroa bukatzeko falta diren etapetan mugimendu gutxi izango direla iragarri du.