2018ko Italiako Giroa Jerusalem hirian hasiko da
2018ko Italiako Giroa Jerusalem hirian hasiko da. Italiako lasterketa lehen aldiz hasiko da Europako nugetatik kanpo, antolatzaileek aditzera emandakoaren arabera.
"Israelen egongo den kirol ekitaldirik handiena izango da", antolatzaileen esanetan. Halaber, hiru lasterketa handietako bat (Tourra, Giroa eta Vuelta) lehen aldiz ibiliko da Europatik kanpo, antolatzaileek azpimarratu dutenez.
Txirrindulariek hiru egunetan zeharkatuko dituzte Isaelgo errepideak (oraindik ez dute esan nondik nora ibiliko diren), eta irteera Jerusalemengo Hiri Zaharraren kanpoaldean izango duela besterik ez dute baieztatu.
Jerusalemgo irteeraren aurkezpen ofiziala astelehenean egingo dute Israelgo hiriburuan. Besteak beste, hauek izango dira bertan: Nir Barkat alkatea, Luca Lotti Italiako Kirol ministroa, Miri Regev Israelgo Kirol eta Kultur arduradun nagusia, Yariv Levin Turismo alorreko arduraduna, Mauro Vegni Giroko zuzendaria eta Alberto Contador eta Ivan Basso txirrindulariak.
Oraingoz, gauza bakarra baieztatu dute: lasterketak hiru egun egingo ditu Israelen eta 176 txirrindularik parte hartuko dute bertan.
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Volleringek irabazi du Giroko etapa nagusia, eta Van der Breggenek lidertzari eutsi dio
Celia Gery gailendu da esprintean, eta liderrak erorikoa izan du
Elisa Balsamok garaipen pokerra lortu du Brescellon
Volleringek irabazi du Santo Stefano di Cadoren eta Van der Breggenek maglia arrosari eutsi dio
Van der Breggenek Balsamoren diktadurarekin amaitu eta maglia arrosa jantzi du kronoigoeran
Elisa Balsamo italiarrak, hirutik hiru Italiako Giroan
Honela geratu da 2026ko Italiako Giroko podiuma
Vismak xanpainarekin ospatu du Vingegaarden garaipena Giroan
