Mikel Landa, jaun eta jabe Madonna di Campiglion
Mikel Landak garaipen handia lortu du Italiako Giroko 15. etapan, mendiko lehenengoan, eta Alberto Contadorrek sailkapeneko lidergoari eutsi dio, arazo handirik gabe.
Landaren atzetik, Yuri Trofimov errusiarra (Katusha) sartu da, 2 segundora, eta, ondoren, Alberto Contador, 5 segundora. Laugarren Fabio Aru Landaren Astanako taldekidea izan da, 6 segundora.
Sailkapen nagusian, Alberto Contadorrek lider jarraitzen du. Bi minutu eta 35 segundo ateratzen dizkio orain Fabio Aru italiarrari, eta 4 minutu eta 19 segundo Andrey Amador Movistar taldeko txirrindulariari.
Mikel Landa laugarren da sailkapen nagusi horretan, 4 minutu eta 46 segundora.
Astelehenean, bigarren atseden eguna izango dute. Asteartean, berriz, 16. etapa korrituko dute, 177 kilometrokoa, Pinzolo eta Aprica artean. Mortirolo mitikoa igoko dute, helmugatik 30 kilometrora.
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Volleringek irabazi du Giroko etapa nagusia, eta Van der Breggenek lidertzari eutsi dio
Celia Gery gailendu da esprintean, eta liderrak erorikoa izan du
Elisa Balsamok garaipen pokerra lortu du Brescellon
Volleringek irabazi du Santo Stefano di Cadoren eta Van der Breggenek maglia arrosari eutsi dio
Van der Breggenek Balsamoren diktadurarekin amaitu eta maglia arrosa jantzi du kronoigoeran
Elisa Balsamo italiarrak, hirutik hiru Italiako Giroan
Honela geratu da 2026ko Italiako Giroko podiuma
Vismak xanpainarekin ospatu du Vingegaarden garaipena Giroan
