Anna van der Breggenek garaipen handia lortu du Borjan, Espainiako Vueltan, eta Gerritsek lider jarraitzen du
SD Worx-Protime taldeko Anna van der Breggen txirrindulari herbeheretarrak 2025eko Espainiako Vueltako laugarren etapa irabazi du, Borjan, Zaragozan, bakarka, helmugarako sei kilometro baino apur bat gehiago gelditzen zela eraso bikaina eginda, asteazkenean; sailkapen nagusian, Femke Gerritsek, SD Worxeko txirrindulari eta herbeheretarra bera ere, aurreneko postuan jarraitzen du, eta, hortaz, asteartean bereganatu zuen maillot gorriari eustea lortu du.
Van der Breggenek palmares bikaina du, historiako handienetakoa: 2016an, Olinpiar Jokoetan, urrezko domina irabazi zuen; Italiako Giroan, lau aldiz nagusitu da, sailkapen nagusian; Munduko Txapelketa du irabazita, bi aldiz errepideko proban eta behin erlojupekoan; eta zazpi aldiz gailendu da Flèche Wallonne klasikoan. Herbeheretarrak hiru urte eman ditu lehiaketetan parte hartu gabe, baina indartsu bueltatu da, 2025ean; martxoan, Strade Bianche lasterketan, bigarren tokia erdietsi zuen, eta Espainiako Vueltan, sailkapen nagusian, bigarren jarri da, Gerritserekiko lau segundora. Van der Breggenek sei segundora du Marianne Vos (Visma), eta hamazazpira Demi Vollering (FDJ).
Usoa Ostolaza (Laboral Kutxa-Euskadi Fundazioa) hogeigarren postuan helmugaratu da, 26 segundora, eta sailkapen nagusian 28. postuan dabil, 1:17ra; Ane Santestebanek ezin izan dio eutsi mendiko sailkapeneko aurreneko postuari.
Ostegunean, Espainiako Vueltako bosgarren etapan, txirrindulariak Soriako Golmayon hasiko dira, eta, 120,4 kilometro eginda, egunak Lagunas de Neilan izango du amaiera; 1. mailako mendatea da hori. Aurretik, ziklistek 2. mailako Rozavientos mendatea ere igo beharko dute.
Etapako sailkapena
1 - VAN DER BREGGEN Anna (SD Worx) 2:49:55
2 - VOS Marianne (Visma) + 0:12
3 - VOLLERING Demi (FDJ) d. b.
4 - TRINCA COLONEL Monica (Liv AlUla) d. b.
5 - KERBAOL Cedrine (EF Education) d. b.
6 - LIPPERT Liane (Movistar) d. b.
7 - GERRITSE Femke (SD Worx) d. b.
8 - REUSSER Marlen (Movistar) d. b.
9 - NIEWIADOMA Katarzyna (Canyon) d. b.
10 - MARKUS Riejanne (Lidl) d. b.
Sailkapen nagusia
1 - GERRITSE Femke (SD Worx) 8:57:51
2 - VAN DER BREGGEN Anna (SD Worx) + 0:04
3 - VOS Marianne (Visma) + 0:10
4 - VOLLERING Demi (FDJ) + 0:21
5 - MARKUS Riejanne (Lidl) + 0:23
6 - FISHER-BLACK Niamh (Lidl) d. b.
7 - TRINCA COLONEL Monica (Liv AlUla) + 0:26
8 - BREDEWOLD Mischa (SD Worx) d. b.
9 - GARCÍA Mavi (Liv AlUla) d. b.
10 - MUZIC Evita (FDJ) + 0:29
Zure interesekoa izan daiteke
Matthew Brennanek irabazi du Manosquen, esprintean, eta Tadej Pogacarrek lider jarraitzen du Espainiako Vueltan
Visma Lease a Bike taldeko txirrindulari britainiarra izan da azkarrena lasterketako bigarren etapako azken metroetan. Pogacar hirugarren postuan helmugaratu da, eta, hala, maillot gorriari eutsi dio, sailkapen nagusiko lehen tokian segitzen baitu.
Pogacarrek irabazi du Monakon, eta La Vueltako liderra da lehen egunean
Esloveniarrak bederatzi ehunenengatik irabazi dio Ethan Hayterri gorriz janzteko.
Mikel Landa Soudal Quick-Step taldeko liderra izango da bere hamargarren Vueltan
Horrela, arabarrak hamargarren aldiz korrituko du Espainiako Vuelta, kasu honetan Soudal Quick-Step taldeko lider gisa. Hala ere, Filippo Zana italiarra eta Valentin Paret-Peintre frantziarra dira sailkapen nagusirako taldearen beste aukerak.
Pello Bilbaok bere azken Espainiako Vueltan lehiatzeko aukera izango du Bahrain taldearekin
Frantziako Tourra galdu ostean, txirrindulari gernikarrak motibazio bereziarekin egingo dio aurre bere azken Vueltari, eta hiru asteetan zehar talde gaztea gidatzen lagunduko du. "Azkenean, Tourra korritu ez izanak Vuelta egiteko ateak ireki dizkit, eta oso motibatuta nago", adierazi du Bilbaok.
Markel Beloki gasteiztarra Vueltako irteeran izango da Carapaz buru duen EF taldearen eskutik
Txirrindulari arabarrak bere bigarren Vueltan izango duen zeregin nagusia taldeburu ekuadortarrari laguntzea izango da. "Denboraldian zehar hainbat lasterketatan izan ditut aukerak, baina orain taldeari ahalik eta gehien laguntzen saiatuko naiz. Hori da hurrengo hiru asteetarako helburu nagusia", azaldu du Belokik.
Kern Pharma Espainiako Vueltara itzuliko da, 2024an izandako arrakasta errepikatzeko asmoz
Berrade, Uriarte, Cobo, Brustenga, Ruiz, Elosegi, Ramiro Sosa eta Wenzel dira talde nafarrak Monakon larunbat honetan abiatuko den lasterketan parte hartzeko aukeratu dituen zortzi txirrindulariak.
2026ko Espainiako Vueltako etapa guztien profilak eta ibilbideak
81. Espainiako Vuelta abuztuaren 22tik irailaren 13ra bitartean jokatuko dute, eta Monakon hasiko da eta Granadan amaitu. Lasterketa kirolakeitb.eus-en eta ETBn jarraitu ahalko duzu, egunero-egunero.
Tadej Pogacar 2026ko Espainiako Vueltan izango da, abuztuaren 22tik aurrera
Frantziako Tourra bosgarrenez irabazi berritan, UAEko txirrindulari esloveniarrak hurrengo Espainiako Vuelta jokatuko du. 2019an parte hartu zuen, oraingoz aurrenekoz eta azkenekoz, Espainiako Vueltan; ekitaldi hartan, hirugarren postua lortu zuen, eta hiru etapa irabazi zituen.
Paula Blasik irabazi du Espainiako Vuelta, eta Ostolazak laugarren bukatu du
Azken etapa Anglirun amaitu da eta Petra Stiasnyk eraman du garaipena, Blasi baino 23 segundo azkarrago helmugaratuta.
Anna van der Breggenek bere legenda handitu du Les Praeresen garaipena lortuta
Sailkapen nagusian Van der Breggenek 18 segundora du Paula Blasi kataluniarra, eta 41era, berriz, Marion Bunel frantziarra.