Annemiek van Vleuten handiak erretiroa hartu du, 40 urte dituela, palmares ikaragarria lortuta
Annemiek van Vleuten, historiako txirrindularirik onenetakoa, onena ez bada, igandean, irailaren 10ean, lehiatu zen azkenengoz lasterketa batean profesional gisa, erretiroa hartu aurretik. 40 urteko ziklista herbeheretarrak (urriaren 8an beteko ditu 41), palmares ikaragarria du; izan ere, nazioarte mailan osperik handiena duten lasterketa guztiak irabazi ditu, eta guztira 104 garaipen erdietsi ditu.
Annemiek van Vleuten Vleuten udalerrian jaio zen, 1982an, Herbehereetan, eta 2007an hasi zen lehiatzen profesional gisa, 24 urte zituela. Bere kirol ibilbidean, talde hauetan ibili da: Vrienden van het Platteland, DSB Bank, Nederland bloeit, Rabobank, Bigla, Orica, Mitchelton eta (2021etik) Movistar. 2010eko apirilaren 11n gailendu zen aurreneko aldiz profesionaletan lasterketa batean, Novilon Eurocup Ronde van Drenthen, eta ordutik, ondorengo 12 urteetan, hainbat eta hainbat lasterketatan nagusitu da. Marianne Vos eta Anna van der Breggen herbeheretarrekin, Jeannie Longo frantziarrarekin eta Judith Arndt alemaniarrarekin batera, Van Vleuten maila gorenean ageri da bere palmaresari esker.
Van Vleutenek 2022ko Frantziako Tourra irabazi zuen, baita 2018ko, 2019ko, 2022ko eta 2023ko Italiako Giroa eta 2021eko, 2022ko eta 2023ko Espainiako Vuelta ere. Flandriako Itzulia eta Lieja-Bastogne-Lieja bi aldiz eskuratu ditu, gainera. Bere herrialdeko selekzioarekin, bi aldiz irabazi du errepideko Munduko Txapelketa, 2019an eta 2022an, eta beste bi alditan erlojupeko Munduko Txapelketa, 2017an eta 2018an. Horrez gain, Tokion, 2020ko Olinpiar Jokoetan, urrezko domina erdietsi zuen, erlojupeko proban. Guztira, bi domina irabazi ditu Olinpiar Jokoetan (bata urrezkoa eta bestea zilarrezkoa), eta bederatzi domina Munduko Txapelketetan (urrezko lau, zilarrezko hiru eta brontzezko bi), errepidean eta erlojupekoan lortutakoak batuta. Pistan, halaber, zilarrezko bat du.
Simac Ladier Tour lasterketan lehiatu da azkenengoz Van Vleuten, eta Arnhem hirian (Herbehereak) zeharkatu du azken helmuga. Maila bikaina eman du bere azken urtean ere, egutegiko lasterketarik nabarmenetako batzuk poltsikoratuta.
Zure interesekoa izan daiteke
Van Aert bigarrenez nagusitu da, bero handiko etapan, eta Enric Masek lidergoari eutsi dio Kordoban
Wout van Aertek irabazi du Vueltako 15. etapa, Kordoban erabaki den esprint murriztuan nagusituta. Txirrindulari belgikarrak bigarren garaipena lortu du aurtengo edizioan, eta Enric Masek liderraren maillot gorria mantendu du, muturreko beroak eraginda ibilbidea murriztu behar izan duten jardunaldian.
Brenner nagusitu da La Panderan, eta Masek lehen postua sendotu du
Marco Brennerrek irabazi du Vueltako 14. etapa, ihesaldi luze baten ondoren, La Pandera mendatean jarritako helmugan esprintean nagusituta. Enric Masek, bere aldetik, aurrerapauso handia eman du sailkapen nagusian, Primoz Roglicekiko aldea handituta.
Wout van Aert nagusi Lojan, eta Enric Masek elastiko gorriari eutsi dio
Van Aertek laugarren garaipena lortu du Vueltan, Valentin Paret-Peintre Soudal taldeko frantziarra esprintean gaindituta. Enric Masek, berriz, sailkapen nagusiko lidergoari eutsi dio.
Jakob Omrzelek irabazi du Calar Alton, Urko Berrade bigarren dela, eta Enric Masek lidergoa sendotu du Espainiako Vueltan
Bahrain-Victorious taldeko txirrindulari gazteak irabazi du Espainiako Vueltako 81. etapa nagusia, eta Masek 27 segundo gehiago atera dizkie Primoz Roglic eta Felix Galli. Urko Berrade eta Pello Bilbao eguneko ihesaldian izan dira.
Matthew Brennan azkarrena izan da berriro esprintean, Lorcan, eta hiru garaipen lortu ditu Espainiako Vueltan
Vismako txirrinduari britainiarrak irabazi du lasterketako 81. ekitaldiko hamaikagarren etapa; Movistarreko Enric Masek lider jarraitzen du.
Bastien Tronchonek irabazi du, esprintean, Espainiako Vueltako hamargarren etapa, eta Enric Masek lider jarraitzen du
Xabier Mikel Azparrenek oso gertu izan du garaipena, baina tropelak azken metroetan aurreratu du; donostiarra seigarren postuan helmugaratu da. Sailkapen nagusian, ez da aldaketarik izan.
Enric Mas nagusitu da Aitana gainean, eta sendotu egin du bere lidergoa
Mallorcako txirrindulariak indar erakustaldia eman du Aitanan, 2026ko Vueltako bederatzigarren etapa irabazita. Movistar Team taldeko buruak nagusitasunez erantzun dio maillot gorria janzteko erronkari, Tadej Pogacar erretiratu ostean, Primoz Roglic eta Felix Gall gaindituz eta lehen atseden egunaren aurretik lidergoa sendotuz.
Pogacarrek bere lehen mezua publikatu du ospitaletik: “Stayin' alive"
Esloveniarrak bere jarraitzaileak lasaitu nahi izan ditu Espainiako Vueltan eroriko larria izan ostean. Pogacarrek lasterketa utzi behar izan zuen larunbatean, aurtengo ekitaldia irabazteko dena alde zuenean.
Mas da lider berria, Pogacarrek lasterketa utzi eta Coquardek etapa irabazi ostean
Tadej Pogacarrek (gaur arte lider eta garaipena lortzeko faborito nagusia) lasterketa utzi behar izan du helmugatik 32 kilometrora eroriko gogorra izan ostean, eta Enric Masek eskuratu du lidergoa. Amaiera kaotiko batean, Bryan Coquardek irabazi du etapa, esprintean Mads Pedersen eta Jordi Meeus gaindituta.
Pogacarrek eroriko gogorra izan du eta Vuelta utzi du
UAE taldeak zabaldutako parte medikoaren arabera, Pogacarrek garuneko kommozioa, ezkerreko lepauztaian haustura desplazatua eta C7 ornoaren haustura zerbikal egonkorra ditu, baita hainbat urradura ere. Lesio horien ondorioz, ebakuntza kirurgikoa egin beharko diote lepauztaia zuzentzeko.