Cort Nielsenek irabazi du Espainiako Itzuliko 6. etapa eta Roglicek jantzi du liderraren elastikoa
Magnus Cort Nielsenek (EF Education-Nippo) irabazi du Espainiako Itzuliko seigarren etapa, ostegun honetan Requena eta Cullerako Mendatea artean (158,3 km) egin dena. Primoz Roglic (Jumbo Visma) bigarren izan da, eta esloveniarra da lasterketako liderra.
Cullerako Mendia hirugarren mailako igoera da, 1,9 kilometrokoa eta batez besteko ehuneko 9,4ko malda duena. Cort Nielsenek daukan guztia eman du azken igoeran, eta Roglic atzetik zetorkiola ikusi duen arren, indarra izan du azken pedal kolpeak eman eta garaipena lortzeko.
Etapan bigarren izan den Roglic da orain sailkapen nagusiko lehen postuan, gaur arte liderra zen Kenny Elissondek (Trek-Segafredo) txakalaldia izan baitu. Enric Mas (Movistar) da bigarren 25 segundora, eta Miguel Angel Lopez (Movistar) hirugarren 36 segundora. Alejandro Valverde (Movistar) eta Egan Bernal (Ineos Grenadiers) laugarren eta bosgarren dira hurrenez hurren, liderrarekiko 41 segundora. Mikel Landak (Bahrain Victorious) bederatzigarren postuan jarraitzen du, 1'12"ra.
Bou, eguneko ihesaldian
Etapako 50. kilometroan sortu da eguneko ihesaldia, Bol (Burgos-BH), Magnus Cort, Lindeman (Qhubeka), Joan Bou (Euskaltel-Euskadi) eta Gibbons (UAE) txirrindulariek osatu dutena. Ehun kilometro baino gehiago eman dituzte lasterketaren buruan, baina Vuelta irabazteko faboritoak direnen multzoak harrapatu egin ditu azken kilometroetan; denak, Cort Nielsen izan ezik. Danimarkarrak ez du etsi, azkeneraino borrokan jarraitu du, garaipenaren saria lortuz.
6. etapako sailkapena:
1 - CORT Magnus (EF Education - Nippo) 3:30:53
2 - ROGLIC Primož (Team Jumbo-Visma) d. b.
3 - BAGIOLI Andrea (Deceuninck - Quick Step) + 2"
4 - VLASOV Aleksandr (Astana - Premier Tech) + 4"
5 - MAS Enric (Movistar Team) + 4"
6 - MATTHEWS Michael (Team BikeExchange) + 6"
7 - BERNAL Egan (INEOS Grenadiers) + 8"
8 - VALVERDE Alejandro (Movistar Team) + 8"
9 - LOPEZ Miguel Angel (Movistar Team) + 9"
10 - GROßSCHARTNER Felix (BORA - hansgrohe) + 16"
Sailkapen nagusia:
1 - ROGLIC Primož (Team Jumbo-Visma) 21:04:49
2 - MAS Enric (Movistar Team) + 25"
3 - LOPEZ Miguel Angel (Movistar Team) + 36"
4 - VALVERDE Alejandro (Movistar Team) + 41"
5 - BERNAL Egan (INEOS Grenadiers) + 41"
6 - VLASOV Aleksandr (Astana - Premier Tech) + 53"
7 - CICCONE Giulio (Trek - Segafredo) + 58"
8 - CALMEJANE Lilian (AG2R Citroën Team) + 1'04"
9 - LANDA Mikel (Bahrain - Victorious) + 1'12"
10 - ARU Fabio (Team Qhubeka NextHash) + 1'17"
Zure interesekoa izan daiteke
Paula Blasik irabazi du Espainiako Vuelta, eta Ostolazak laugarren bukatu du
Azken etapa Anglirun amaitu da eta Petra Stiasnyk eraman du garaipena, Blasi baino 23 segundo azkarrago helmugaratuta.
Anna van der Breggenek bere legenda handitu du Les Praeresen garaipena lortuta
Sailkapen nagusian Van der Breggenek 18 segundora du Paula Blasi kataluniarra, eta 41era, berriz, Marion Bunel frantziarra.
Mischa Bredewoldek irabazi du bosgarren etapa esprintean
Herbeeretako txirrindulariak Lotte Kopecky taldekidea eta Letizia Paternoster (Liv AlUla Jayco) italiarra gainditu ditu helmugan. Gaurkoa zen mota honetako bukaera bat ikusteko azken aukera bihartik aurrera mendateak izango baitira garrantzitsu
Lotte Kopeckyk irabazi du laugarren etapa esprintean, eta lider maillota jantzi du
SD Worx taldeko belgikarrak bere indarra baliatu du gaurko esprintean, bi aldiz bigarren sailkatu ondoren. Gainera, Kopecky da Vueltako lider berria, 10 segundoko errentari esker, eta 6 segundoko aldea du Kocheken ondoan, eta 12koa ateratzen dio Kerbaolekeri.
Kerbaol bretoiak ezustekoa eman eta irabazi du Coruñan, eta Kochek lider jarraitzen du
Etapa esprintean erabaki behar zela zirudienean, Cedrine Kerbaolek (EF Education) helmugatik 2.000 metrora erasoa jotzea erabaki du. Bresteko txirrindulariak segundo gutxi batzuetako tartea zabaldu du, eta bakarrik, pozez zoratzen, helmugaratu da.
Bossuyt belgikarrak Franziska Koch lider berria gainditu du esprintean
Bossuytek ezin zuen sinetsi ere egin lasterketa handi batean lehen garaipena lortu izana, bere palmareseko laugarrena, baina esprintean ohore hori merezi izan du, txirrindulari onenak gainditu baititu.
Noemi Rüegg suitzarra, Vueltako lehen liderra
Euriak eta helmugara iristeko 8 kilometrora tropela zatitu duen erorikoak markatu dute lehen etapa.
Laboral Kutxak talde igotzailea eramango du Vueltara, eta Usoa Ostolaza izango du lider
Igandean hasiko da, eta Pauline Ferrand-Prevot frantziarra eta Kasia Niewiadoma poloniarra dira faborito nagusiak, Demi Vollering azken bi urteetako txapelduna ez baita bertan arituko.
2026ko Emakumezkoen Vuelta Anglirun amaituko da, zazpi etapa eta ibilbide gogor baten ostean
Emakumezkoen Espainiako Vueltak bere laugarren edizioa aurkeztu du. Galizia, Leon eta Asturias zeharkatuko ditu, podiuma goi-mendiko bi amaieretan erabaki aurretik.
2026ko Emakumezkoen Vuelta Galizian hasiko da maiatzaren 3an
Ibilbide osoaren berri martxoaren 9an emango dute, Ribeiran.