Naia Amondarain eta Mireia Trias Laboral Kutxan arituko dira
Naia Amondarainek, bi denboraldirako (2023 eta 2024) eta Mireia Triasek baterako (2023) sinatu dute Laboral Kutxa taldearekin. Horrela, Euskadi Fundazioko emakumezkoen talde profesionalak aurtengo 23 urtez azpiko Espainiako Txapelketako podiuma izango du. Bestalde, Mireia Arriazuk eta Ariana Gilabertek kontratuak berritu dituzte eta beste denboraldi batez jarraituko dute euskal taldean.
Idoia Erasok urrea lortu zuen Mallorcan; Amondarainek zilarra eta Triasek brontzea. Datorren denboraldian, 2024tik aurrera WorldTour talde bat izan nahi duen harrobiko proiektu baten kolore berdinak defendatuko dituzte hirurek.
"Pozik nago proiektu honetan eta talde honetan parte hartzeagatik. Sopelan hiru urte eman ondoren, horrelako aldaketa batek ziurgabetasuna ematen dizu, kasu honetan positiboa. Gogo handia dut lankideak ezagutzeko, taldea osatzeko eta aurrera egiten jarraitzeko. Dena emateko gogoa daukat eta taldeko eta banakako helburuak lortzea espero dut", adierazi du Amondarainek.
Espainiako txapeldunordea eta 23 urtez azpiko Euskadiko txapelduna izan da 2022an, eta Itzulia, Europako Txapelketa edo Ardècheko Tourra bezalako lasterketetan parte hartu du. Horrez gain, Amondarain pistan ere nabarmentzen da, aurten Espainiako Txapelketetan hiru urrezko domina eskuratuta.
Era berean, Arriazuk eta Gilabertek denboraldi baterako berritu dute, 2023ra arte. Nafar gaztea erabat sendatuta dago ekainean Valladoliden Espainiako Kopako proban izandako eroriko larritik.
Zure interesekoa izan daiteke
Azparren: “Azkar joan gara eta bukaeran tentsio asko izan da"
Xabier Mikel Azparren (Pinarello Q36.5) txirrindulari donostiarrak Frantziako Tourreko zazpigarren etaparen balorazioa egin du. Etapa lasaia baina azkarra izan dela nabarmendu du, beste behin beroak eraginda, eta aurreko etapan euskaldunengandik jasotako babesa goraipatu du.
Tim Merlierrek bere boterea erakutsi du Bordelen
Soudal Quick-Step taldeko txirrindulari belgikarra azkarrena izan da esprintean ardoaren hirian amaitzen zen zazpigarren etapan. Soren Waerenskjold norvegiarra izan da (Uno-X Mobility) bigarrena eta Biniam Girmai eritrearra (NSN Cycling Team), hirugarrena. Sailkapen nagusian ez da aldaketarik egon, eta Tadej Pogacar (UAE Team Emirates-XRG) esloveniarrak jarraitzen du lidergoan.
Marco Martin Euskaltelen lehen taldera igo da, eta Ordizian egingo du debuta
19 urteko txirrindulari bilbotarra aurten sartu da Euskadi Fundazioaren egituran, Bull-BORA taldeko garapen taldetik etorrita.
2026ko Frantziako Tourreko 20. etaparen profila, ibilbidea eta ordutegia: Le Bourg d’Oisans-Alpe d’Huez (170,9 km)
Lasterketako hogeigarren etapa, uztailaren 25ean, larunbatean, jokatuko dena, Frantziako Tourraren 113. edizio honetako etaparik desiratuenetako bat da. Alpe d’Huez mitikoan amaitzen da, eta Frantziako Tourra irabazteko azken aukera da.
2026ko Frantziako Tourreko 19. etaparen ibilbidea, profila eta ordutegia: Gap-Alpe d’Huez (127,9 km)
Frantziako lasterketaren hemeretzigarren etapak lau mendate puntuagarri ditu, baina aipamen berezia merezi duena Alpe d’Huez mitikoa da. Bertan amaitzen da etapa.
Ion Izagirre: “Ikaragarria izan da, ez dut sekula mendate bat irribarrea ahoan nuela igo, gaur bezala"
Cofidiseko txirrindulari ormaiztegiarrak onartu duenez, "alde batetik, pena sentitu dut, ihesaldirik ez delako osatu, eta gustatuko litzaidake ihesaldia hartu eta mendateetan, behintzat, aurrealdean pasa, baina oso azkar joan da hasieratik". "Saiatu naiz aurrekoekin egoten, baina ezin izan dut", erantsi du.
Mauro Gianetti: “Aspin eta Tourmaleten erritmo oso altua ezartzea zen asmoa, Pogacarrek erasoa jo zezan"
Mauro Gianetti, UAE Team Emirates taldeko Team Principalak, Frantziako Tourreko seigarren etapa aztertu du. Suitzarra oso pozik agertu da bere taldearen lanarekin: "Taldea sekulakoa izan da, Matxinek lan bikaina egin du planarekin". Pogacarrekin sailkapen nagusian alde handia lortu duten arren, ez du uste Tourra erabakita dagoenik: "Oraindik asko geratzen da", ohartarazi du.
Pogacar garaile, sekulako indar erakustaldia eginda
Tadej Pogacarrek irabazi du Frantziako Tourreko seigarren etapa. Esloveniarrak erasoa jo du helmugatik 42 kilometrora eta bakarrik joan da hortik eta helmugaratu den arte. Vingegaard iritsi da bigarren, eta Del Torok hartu du hirugarren lekua.
Pogacarrek, bere enegarren maisulanean, Tourra ia erabakita utzi du Tourmaleten eta Gavarnien
Esloveniako izarrak erasoa jo du Tourmaleteko igoeran, Isaac del Toro taldekidearekin batera, eta laster bakarrik joan da helmugaren bila. Vingegaardek, Evenepoelek eta Seixasek ezin izan dute Pogacarren gurpila jarraitu.
Traeen liderrak Tourmaleten izandako erorikoa
Torstein Traeen liderrak erorikoa izan du Frantziako Tourreko seigarren etapan. Bihurgunean taldekidea itxi eta norvegiarra tartean sartu zaio, atzean jarraitu behar zuenean.