Nizzolok bere abiadura baliatu du Getxon irabazteko, hiru txirrindulariren arteko esprintean
Giacomo Nizzolo italiarrak (Team Qhubeka) irabazi du Getxoko 76. Zirkuitua, 193 kilometroko ibilbidea izan duena. Europako 2020ko txapeldunak Giovanni Aleotti (Bora) herrikidea eta Santiago Buitrago (Bahrain) kolonbiarra gainditu ditu helmugan.
Nizzolo izan da lasterketako puntu garrantzitsuenetako bat, Pike bidea (2. mailako gaina), igaro ondoren sortu den zazpi txirrindulariko taldean argiena eta azkarrena.
Hala, Sondika eta Bilbo artean dagoen bi kilometroko pareta (% 9,4ko batez besteko desnibela eta 14rainoko maldak dituena) gaindituta, Ide Schelling, Giovanni Aleotti (Bora), Santiago Buitrago (Bahrain), Giulio Ciccone (Trek), Alessandro Covi (UAE), Abner Gonzalez (Movistar) eta Nizzolo bera geratu dira lasterketaren buruan.
Elkarren arteko ulermena hausten saiatu den lehena Schelling izan da, ihesaldian Borako bi kide zeudela aprobetxatu nahian. Aitzitik, Nizzolok herbeheretarra harrapatu du, eta, gerora, italiarra bera izan da ibilbideko azken 800 metroetan, Txomintxuko aldapan, indartsuena. Zazpikotea laukote bihurtuta zegoen ordurako.
Nizzolok, esprint handietan ere ondo moldatzen den txirrindulariak, helmugatik 200 metrora bizitu du erritmoa, eta ez Aleottik eta ez Buitragok ez dute haren gurpilari jarraitzeko ahalmenik izan.
Helmugan sartu den hurrengoa Abner Gonzalez Puerto Ricoko txapelduna izan da. Bera izan da Pike bidean erasoei ekin diena, eta, azkenean, Schelling gainditu du laugarren izateko, irabazleak baino 12 segundo gehiago baliatuta ibilbidea osatzeko.
Bi horien atzetik, denbora berean, Giulio Ciccone (Trek) italiarra sartu da seigarren. Alessandro Covi (UAE) herrikideak, berriz, denbora gehiago behar izan du zazpigarren tokia lortzeko (54 segundo).
Zazpiko talde horretara Luis Leon Sanchezek (Astana) iritsi nahi izan du, baina lasterketa burutik 20 segundora zegoenean (6,8 kilometroren faltan) Schellingen erasoa gertatu da, eta hortxe bukatu dira murtziarraren aukerak.
Horrenbestez, Luislek, Matteo Trentinek (UAE) eta 13 txirrindulariz eratuta egon den eguneko ihesaldiko parte izan den Antonio Jesus Sotok (Euskaltel Euskadi) osatu dute.
LASTERKETAKO AZKEN SAILKAPENA:
1 - NIZZOLO Giacomo (Qhubeka) 4:12:24
2 - ALEOTTI Giovanni (BORA) d.b.
3 - BUITRAGO Santiago (Bahrain) d.b.
4 - GONZÁLEZ Abner (Movistar) +0:12
5 - SCHELLING Ide (BORA) d.b.
6 - CICCONE Giulio (Trek) d.b.
7 - COVI Alessandro (UAE) +0:54
8 - SÁNCHEZ Luis León (Astana) +1:04
9 - TRENTIN Matteo (UAE) d.b.
10 - SOTO Antonio Jesús (Euskaltel - Euskadi) +1:26
Zure interesekoa izan daiteke
Eddie Dunbar gailendu da Peñas Blancas mendatean, eta Enric Masek erraz eutsi die aurkariei
Txirrindulari irlandarra bakarka helmugaratu da, Santiago Buitrago bukaerarako 500 metroren faltan gainditu eta gero. Primoz Roglic saiatu da Enric Mas atzean uzten, baina liderrak ondo eutsi die eraso saiakera guztiei, eta eskura dauka Vuelta.
Imanol Arriortua etxean da Munduko Txapelketan irabazitako urrezko dominarekin
Imanol Arriortuak Huntsvillen (Alabama, AEB) jokatu den Munduko Txapelketan urrezko domina irabazi du tandem modalitatean. %10eko ikusmen urritasunarekin, txirrindulari egokitu bezala hartu du parte eta Mikel Aristi izan du pistako gidari modura. Biak ala biak, pozik bezain harro daude lortutako emaitzarekin.
Küngek irabazi du erlojupekoa eta Masek lidergoa mantendu du
Enric Masek maillot gorria mantendu du El Puerto de Santa María eta Jerez de la Frontera arteko erlojupekoan. Primoz Roglicek aldea murriztu du, baina ez lidergoa arriskuan jartzeko adina. Stefan Küngek irabazi du etapa denborarik onena eginda.
Neurozirujau batek ebakuntza egin dio Jaume Guardeño Caja Rural-Seguros RGA taldeko txirrindulariari
Alacanteko ziklistak, apirilean, istripu larria izan zuen, entrenatzen ari zela, ibilgailu baten kontra talka egin baitzuen. Nafarroako taldeak iragarri duenez, sendatze prozesuan jarraitzen du.
Matthew Brennanek ez du huts egin Sevillan, eta bosgarren aldiz gailendu da Espainiako Vueltan
Aurreikusita zegoenez, lasterketaren 81. ekitaldiko hamazortzigarren etapa esprintean erabaki da, eta Brennan, beste behin, onena izan da. Espainiako Vueltak, orain, osteguneko erlojupekoa du jomugan; izan ere, azken sailkapen nagusirako oso garrantzitsua izan liteke.
Matthew Brennanek Espainiako Vueltako azkarrena izaten jarraitzen du, eta lau garaipen daramatza esprintean
Visma Lease a Bike taldeko txirrindulari britainiarrak, asteartean, lasterketako 81. ekitaldiko hamaseigarren etapa irabazi du, Palos de la Fronteran. Sailkapen nagusian, ez dago aldaketarik, eta Enric Masek lehen postuari eutsi dio; 2:06ko aldea du Gallekiko, eta 2:10 Roglicekiko.
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Van Aert bigarrenez nagusitu da, bero handiko etapan, eta Enric Masek lidergoari eutsi dio Kordoban
Wout van Aertek irabazi du Vueltako 15. etapa, Kordoban erabaki den esprint murriztuan nagusituta. Txirrindulari belgikarrak bigarren garaipena lortu du aurtengo edizioan, eta Enric Masek liderraren maillot gorria mantendu du, muturreko beroak eraginda ibilbidea murriztu behar izan duten jardunaldian.