Igor Anton Fernando Alonsoren taldeko txirrindularia izango da

Igor Antonek Fernando Alonsoren taldeko txirrindularia izango dela baieztatu du ETBri emandako elkarrizketa batean. Bat Formulako pilotu asturiarrak Euskaltelen lizentzia erosi zuen, eta kontratua duten txirrindulari eta langileen lanpostuak errespetatuko zituela bermatu zuen.

Omega Pharma-Quick Step taldeko txirrindularia izatetik gertu egon da Igor Anton, baina azkenean Fernando Alonsoren taldean geratzea erabaki du. "Omegarekin hizketan ibili ginen, baina Euskaltelekin kontratua neukan, eta Fernando Alonsoren taldean geratzea erabaki dut. Proiektua gustoko dut, eta etorkizunean tropeleko talderik indartsuenetako bat izan nahi dute", adierazi du Igor Antonek.