Fernando Alonsok Euskaltel Euskadiren lizentzia erosiko du
Fernando Alonso Bat Formulako gidariak Euskaltel Euskadiren Pro Tour lizentzia erosiko du, eta egoitza Asturiasen izango duen talde berri bat eratuko du. Talde laranjak ez zuen babeslerik aurkitu, eta denboraldi honen amaieran tropela agur esan beharko ziola zabaldu zuen, baina Alonsok Euskaltelek duen lizentzia erosiko du.
Talde berriak 2014 eta 2015 denboraldietan Euskaltel Euskadirekin hitzarmena duten txirrindularien akordioak errespetatuko ditu. Helburua jarraitutasuna ematea da, eta pixkanaka, tropeleko txirrindulari onenak taldera ekartzea. Epe ertainean mundu mailako taldea eratzea da, nazioarteko proiektu indartsuarekin.
Euskaltelen komunikatua:
Euskaltel eta Fernando Alonso behin-behineko akordio batera heldu dira, eta Euskaltel Euskadi taldearen egiturak goi mailako txirrindularitzan jarraituko du 2014 urtean.
Hurrengo asteetan negoziaketak aurrera egingo dute, eta Fernando Alonsok Basque Cycling Pro Team, Euskaltel Euskadi taldearen jabea den sozietatea, erosiko du.
Txirrindularitzarentzat albiste bikaina da, Fernando Alonso bezalako kirol munduko lehen mailako pertsona ospetsu batekin taldearen ertorkizuna bermatuta egongo baita.
Euskal txirrindularitzarentzat ere berri ona da, taldearen egiturak eta profesionalek jarraitu egingo dutelako.
Bi aldeen arteko negoziaketak konfiantzarekin, profesionaltasunarekin eta zuhurtasunarekin eraman dira, eta horrela, behin-behineko akordioa lortu da.
Euskaltelek Bat Formulako gidariak behin-behineko hitzarmena hartzeko izan duen gogoa eskertu, eta era berean Euskaltel Euskadi taldearengan, profesionalengan eta zaleengan erakutsi duen errespetua, ezaguera eta miresmena azpimarratu nahi du.
Zure interesekoa izan daiteke
2026ko Norvegiako Arctic Race lasterketako etapa guztien profilak eta ibilbideak
Norvegiako Arctic Race abuztuaren 13tik 16ra bitartean jokatuko da, eta Evenesen hasi eta Narviken amaituko da. Lau etapak zuzenean eskainiko ditu EITBk.
2026ko Espainiako Vueltako etapa guztien profilak eta ibilbideak
81. Espainiako Vuelta abuztuaren 22tik irailaren 13ra bitartean jokatuko dute, eta Monakon hasiko da eta Granadan amaitu. Lasterketa kirolakeitb.eus-en eta ETBn jarraitu ahalko duzu, egunero-egunero.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Maite Urteagak irabazi du Gaztela-Mantxako Itzulia
Natalia Vasquezek irabazi du azken etapa, gipuzkoarra izan da bigarren, eta Lur Zufiria, berriz, hirugarren.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Burgosko Itzuliko bosgarren etapako azken kilometroa
Burgosko Itzuliko azken etapa, Caleruegas eta Lagunas de Neila artean (137 km) burutu da. Giulio Pellizzari nagusitu da sei txirrindularik osatutako ihesaldi batean. Bere aldetik, Felix Gallek sailkapen nagusiko lidergoari eutsi dio eta 2026ko Burgosko Itzuliko txapeldun bilakatu da.