Maya Dodson, Lointek Gernikako fitxaketa 2023-2024 denboraldirako
Maya Dodson (24 urte, Huntington, AEB) jokalaria da Lointek Gernikaren bigarren fitxaketa 2023-2024 denboraldirako. Pibota Poloniako Poznan taldetik iritsiko da Gernikara. Aurreko denboraldian, 14 puntu eta 10,2 errebote lortu ditu batez beste. Orain aste gutxi batzuk arte, WNBAko Minnessota Lynx taldean aritu da, Nikolina Milic Gernikako jokalari ohiarekin batera.
Estatubatuarra bere tamainagatik da ezaguna, 190 zentimetro luzeko emakumea baita. Horrek zonaldean nagusitzeko gaitasuna ematen dio. Hain zuzen ere, Notre Dameko Unibertsitate entzutetsuan egin zen ezagun. Ondorioz, WNBAko iazko draftean aukeratu zuten Phoenix Mercury taldekoek, 26. postuan.
Bigarren esperientzia izango du Europan Gernikako taldearekin: "Emakumezkoen Endesa Liga Europako liga onenetariko bat da, eta Lointek Gernika Bizkaia, txapelketako talde onenetarikoa. Gainera, gauza onak bakarrik esan dizkidate herriaren, klubaren eta zaleen inguruan". Dodson laguntzeko prest etorriko da Gernikara. "Garatzen jarraitu nahi dut, eta horretarako, talderik onena aukeratu dut", esan du.
Horrenbestez, une honetan Lointek Gernikak bost jokalari ditu 2023-2024 denboraldirako: Itziar Ariztimuño, Roso Buch, Sofia da Silva, Laia Flores eta Maya Dodson.
Zure interesekoa izan daiteke
Inversus, Gernika KESBren babesle nagusia denboraldi baterako
Inversus Gernika Bizkaia izango da aurrerantzean talde bizkaitarraren izen ofiziala, Gerardo Candina presidenteak eta Jose Joaquin Vicente Inversus Groupen zuzendari nagusiak sinatutako akordioan jaso denez.
Irune Orio hegalekoa Gernika KESBera itzuli da NCAAn egin duen etaparen ostean
22 urteko eta 1,88 metroko altuera duen jokalaria etxera itzuliko da lau denboraldiz munduko liga gogorrenetako batean aritu ondoren.
Samantha Galanopoulos joko-antolatzaile greziarra Gernika KESB taldera batu da
Grezian Esperides Kallitheas eta Panathinaikos taldeetan lehiatu ondoren, Galanopoulos Malostera iritsiko da Emakumezkoen Endesa Ligan etapa berri bati aurre egiteko.
Gernika KESBk Elena Bosgana hegaleko greziarra fitxatu du, 2026-2027 denboraldirako
Bosgana, 22 urtekoa eta 1,90ekoa bera, Leganesetik iritsi da euskal taldera. Greziako selekzioarekin internazionala izan da, eta Gernika KESBk espero du “fisikoa, moldakortasuna eta hainbat posiziotatik eragiteko gaitasuna” emateari taldeari.
Naia Zubiagak ez du Gernika KESBen jarraituko datorren denboraldian
Harrobiko jokalariak 2024-2025 denboraldian egin zuen debuta lehen taldearekin, eta bigarren denboraldian ere etxean jokatu ostean, harremana etengo du klubarekin.
Gernika KESB taldeak Seehia Ridard hegal-pibot frantziarra fitxatu du
Poloniako AZS UMCS Lublin taldetik iritsiko da. Gernikak azpimarratu duenez, "uztaitik gertu jokatzeko, kantxan korrika egiteko eta barruko posizioetatik espazioak irekitzeko gaitasuna" du jokalari frantziarrak.
Esther Matarranzek Gernika KESB taldearekin berritu du
Barruko jokalari madrildarrak beste urtebetez defendatuko du elastiko granatea.
Aaronette Vonleh pibotak kontratua berritu du Gernika KESB taldearekin
Urtarrilean iritsi zen klubera, eta jokatu dituen 14 partidetan batez beste 7,6 puntu eta 3,6 errebote lortu ditu 18 minututan.
Estel Puiggros joko-antolatzaile kataluniarra, Gernika KESBren lehen fitxaketa
Puiggros Unicaja Mijas taldetik iritsiko da. Talde bizkaitarrak baieztatu duen hirugarren jokalaria da, Ane Olaeta joko-antolatzailearen eta Angela Salvadores eskoltaren ondoren.
