Lointek Gernikak Eurokopako hurrengo fasera sailkatzeko aurrerapausoa eman nahi du

Lointek Gernika Bizkaiak asteazkenean jokatuko du La Roche Vendeeren aurka Eurokopako multzoen faseko bosgarren jardunaldiko partida. Ezustekoa eman eta hurrengo fasera sailkatzeko aurrerapausoa eman nahi du Bizkaiko taldeak.

Laugarren jardunaldian Virtus Boloniaren aurka jasotako porrotak zaildu egin zion sailkatzeko bidea Gernika-Lumoko taldeari. Hala ere, bizkaitarrek euren eskuetan dute aurrera egitea. La Roche Vendee aurkari gogorra izango da, H multzoko liderra baita, orain arte jokatu dituen lau partidak irabazita.

Multzoko beste partidan, nor baino nor gehiago arituko dira garaipen bana eta hiruna porrot dituzten Virtus Bolonia eta Flammes Carolo taldeak.