Lointek Gernika Bizkaiak sailkapen historikoa lortu nahi du gaur Istanbulen
Lointek Gernika Bizkaiak Eurokopako play-offetako itzuliko partida jokatuko du gaur, 17:30ean, Istanbulen, Galatasarayren kantxan. Partida ETB4 katetik eta eitb.eus-etik jarraitu ahal izango da, zuzenean.
Bizkaitarrek 15 puntuko aldeko errentarekin ekingo diote lehiari, aurreko asteazkenean Malosten jokatutako joaneko lehian garaipen handia lortu baitzuten (84-69).
Ondorioz, itxaropentsu daude, klubeko historian lehen aldiz txapelketako 16 talde onenen artean egoteko aukera eskura ikusten baitute, baina jakin badakite ez dela batere erronka samurra izango; izan ere, turkiarren kalitateaz gain (2014an, Euroliga irabazi zuten; 2016an eta 2018an, Eurokopako txapeldunak izan ziren), litekeena da gernikarrentzat zailena harmailetan aurkituko duten "giro gaiztoa" izatea.
Horrenbestez, helburua lortzeko bidean klubetik zabaldu duten mezua da ezinbestekoa izango dela "girora moldatzea" eta "turkiarren hasierako minutuetako erauntsiari aurre egitea".
Mario Lopez entrenatzaileak ezingo ditu Kamile Nacickaite eta Margaret Roundtree erabili, ez baitaude txapelketan izena emanda.
Zure interesekoa izan daiteke
Inversus, Gernika KESBren babesle nagusia denboraldi baterako
Inversus Gernika Bizkaia izango da aurrerantzean talde bizkaitarraren izen ofiziala, Gerardo Candina presidenteak eta Jose Joaquin Vicente Inversus Groupen zuzendari nagusiak sinatutako akordioan jaso denez.
Irune Orio hegalekoa Gernika KESBera itzuli da NCAAn egin duen etaparen ostean
22 urteko eta 1,88 metroko altuera duen jokalaria etxera itzuliko da lau denboraldiz munduko liga gogorrenetako batean aritu ondoren.
Samantha Galanopoulos joko-antolatzaile greziarra Gernika KESB taldera batu da
Grezian Esperides Kallitheas eta Panathinaikos taldeetan lehiatu ondoren, Galanopoulos Malostera iritsiko da Emakumezkoen Endesa Ligan etapa berri bati aurre egiteko.
Gernika KESBk Elena Bosgana hegaleko greziarra fitxatu du, 2026-2027 denboraldirako
Bosgana, 22 urtekoa eta 1,90ekoa bera, Leganesetik iritsi da euskal taldera. Greziako selekzioarekin internazionala izan da, eta Gernika KESBk espero du “fisikoa, moldakortasuna eta hainbat posiziotatik eragiteko gaitasuna” emateari taldeari.
Naia Zubiagak ez du Gernika KESBen jarraituko datorren denboraldian
Harrobiko jokalariak 2024-2025 denboraldian egin zuen debuta lehen taldearekin, eta bigarren denboraldian ere etxean jokatu ostean, harremana etengo du klubarekin.
Gernika KESB taldeak Seehia Ridard hegal-pibot frantziarra fitxatu du
Poloniako AZS UMCS Lublin taldetik iritsiko da. Gernikak azpimarratu duenez, "uztaitik gertu jokatzeko, kantxan korrika egiteko eta barruko posizioetatik espazioak irekitzeko gaitasuna" du jokalari frantziarrak.
Esther Matarranzek Gernika KESB taldearekin berritu du
Barruko jokalari madrildarrak beste urtebetez defendatuko du elastiko granatea.
Aaronette Vonleh pibotak kontratua berritu du Gernika KESB taldearekin
Urtarrilean iritsi zen klubera, eta jokatu dituen 14 partidetan batez beste 7,6 puntu eta 3,6 errebote lortu ditu 18 minututan.
Estel Puiggros joko-antolatzaile kataluniarra, Gernika KESBren lehen fitxaketa
Puiggros Unicaja Mijas taldetik iritsiko da. Talde bizkaitarrak baieztatu duen hirugarren jokalaria da, Ane Olaeta joko-antolatzailearen eta Angela Salvadores eskoltaren ondoren.
