Bilbao Basketek luzapenean menderatu du Porto (90-86), eta FIBA Europa Kopako final laurdenetan izango da
Surne Bilbao Basketek Porto hartu du mendean, 90-86, Miribillan, asteazkenean, FIBA Europa Kopako bigarren multzo faseko bosgarren jardunaldian, eta, horrenbestez, txapelketako final laurdenetarako sailkatzea bermatu du. Portugalgo taldea aurretik izan da markagailuan, Miribillan jokatutako partidako minutu askotan, baina, azken laurdenean, Ponsarnauren taldeak luzapena behartzea lortu du; luzapen horretan, Bilbao Basketek garaipena erdietsi du, eta sailkatzea eskuratu.
Denzell Anderson eta Keith Hornsby izan dira gakoak minutu erabakigarrietan. Andersonek hiruko saskiratze bat sartu du amaierarako 17 segundo gelditzen zirela (88-85), eta Hornsbyk, jokatzeko soilik zazpi segundo zeudela, bi jaurtiketa libre gauzatu ditu (90-86). Hala, Bilbao Basketek irauli egin du azken emaitza; hirugarren laurdenaren amaieran, baina, Porto 50-62 ari zen gailentzen.
Hornsbyk, guztira, 18 puntu egin ditu; Bilbao Basketeko azken fitxaketaren lana oso ona izan da. Sacha Killeya-Jones ere nabarmendu da; izan ere, azken horrek 19 puntu sartu ditu, zortzi errebote hartu eta bi tapoi jarri, eta balorazioan 20 izan du. Adam Smithek 16 puntu sartu ditu, eta lehen zati ona egin du, eta Melwin Pantzarren estatistikak ere izan dira ederrak: 11 puntu, zortzi errebote, eta 18 balorazioan.
Buru-belarri lan egin behar izan dute denek, baina, Porto mendean hartzeko. Portugalgo taldean ez dute jokalari askok parte hartzen, baina kalitate handiko gizonak ditu. Anthony Barberrek 25 puntu egin ditu eta partida osoa jokatu du, eta Cleveland Melvin, Tanner Omlid eta Aaron Harrison izan ditu lagun; Melvinek 16 puntu sartu ditu eta sei errebote hartu, eta balorazioan 20 izan du, Omlidek 12 puntu sartu eta bost errebote harrapatu ditu, eta balorazioan 19 lortu du, eta Harrisonek 15 puntu sartuta amaitu du norgehiagoka.
Multzo fase honetako azken jardunaldian, Bilbao Basketek Balkan Botevgrad izango du aurkari, Miribillan ere; Balkan Botevgradek ez du partidarik irabazi, eta ez du inolako aukerarik txapelketan aurrera egiteko, eta Bilboko taldeak 62-94 menderatu zuen Bulgarian, lehen itzulian. Bilbao Basketen helburua, hortaz, multzoko aurreneko postua berrestea izango da, horrek ekarriko lukeelako final laurdenetan itzuliko partida Bilbon jokatzea. Porto eta Gottingen, aldiz, nor baino nor gehiago arituko dira, multzoko beste partidan, eta final laurdenetarako oraindik emateke dagoen txartela eskuratzen ahaleginduko dira.
Fitxa teknikoa
90 - Bilbao Basket (21+17+12+27+13): Renfroe (15), Smith (16), Rabaseda (1), Andersson (4) y Killeya-Jones (19) -hasierako taldea-; Pantzar (11), Hornsby (18), De Ridder (2) eta Hlinason (4).
86 - Porto (23+16+23+15+9): Barber (25), Harrison (15), Omlid (12), Melvin (16) y Queiroz (2) -hasierako taldea-; Kloof (6), Fayne (10) eta Camacho de Sa.
Partzialak: 21-23, 38-39 (atsedenaldia); 50-62, 77-77 (amaiera) eta 90-86 (luzapena).
Epailea: Geert Jacobs (Belgika), Yener Yilmaz (Turkia) eta Gintaras Maciulis (Lituania). Queirzo kanporatu dute, bost falta egin izateagatik, 43. minutuan.
Zure interesekoa izan daiteke
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Ponsarnau, Valverderi buruz: “Erreferentea da niretzat, eta beti izango da"
Surne Bilbao taldeko entrenatzaileak hitz batzuk esan nahi izan ditu Valverderi buruz, Athleticeko entrenatzaileak talde zuri-gorria zuzentzeari utzi dionean.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.
FIBA Europa Kopa irabazita, Surne Bilbao omendu dute Gernikan
FIBA Europako Kopa irabazi ondoren, Bilbao Basketi omenaldia egin diote Gernikako Batzarretxean. Aurreskua dantzatu diete Gernikako arbolaren aurrean, eta barrura sartu dira horren ostean.
Surne Bilbaok Valentziaren aurka galdu du (88-83)
Valentzia Basketek aurre egin dio Justin Jaworski Surne Bilbao taldeko eskolta estatubatuarraren erakustaldiari igande honetan, 31 puntu eta 8 hiruko lortuta eta garaipenak ihes egin dio Bilboko taldeari.
Surne Bilbaok Real Madril mendean hartu du Miribillan, eta playoff postuetan sartu da (88-82)
Surne Bilbao Basket lehen aldiz sartu da Endesa Ligako playoff postuetan Real Madrili 88-82 irabazita. Azken laurden bikain bat egin ondoren, merezitako garaipena lortu dute beltzezko gizonek. Hemen partidaren laburpena.
Bilbao Basketen ereserki berria egin du Shinova taldeak: “Sua gara"
Bilbao Basket taldeak ereserki berria aurkeztu du astearte honetan. Shinova taldeak egindako piezak "Sua gara" du izena.
Azken laurdenean egindako hutsek garaipenik gabe utzi dute Surne Bilbao Lleida aldean (90-81)
Surne Bilbao Basketek 90-81 galdu du Hiopos Lleidaren etxean, Endesa Ligako 30. jardunaldiko partidan. Emaiotza honekin, Kataluniarrek maila gorenean jarraitzeko urrats handi aeman dute. Lleidak azken laurdenean, eta hiru minututan, lortudako 10-1eko partzialak partida euren alde jarri du. James Batemon eskolta, 20 punturekin, izan da partidako saskiratzailerik onena.
Surne Bilbaok aste zoragarria itxi eta Granada hondoratu du (88-83)
Surne Bilbaok garaipen estua lortu du Coviran Granadaren aurka Miribillan (88-83), eta aste bikaina biribildu du, FIBA Europa Kopa irabazi ondoren play-offerako lehian sartuta. Granada azken unera arte borrokatu bada ere, porrot honek gehiago hurbiltzen du beheko postuetara.