Bigarren partida jarraian galdu du Bilbao Basketek
RETAbet Bilbao Basketek galdu egin du Herbalife Kanaria Handiaren aurka (90-97) jokatu duen Endesa Ligako zortzigarren jardunaldiko partida. Lau garaipeneko eta lau porroteko balantzea du orain Bizkaiko taldeak.
Lehen laurdena parekatua izan da, bi taldeek ondo hartu baitiote neurria elkarri. Bilbao Basketek hiru puntuko abantaila izan du (10-7), baina Kanaria Handiak aurrea hartzea lortu du (10-11), eta neurketa berdindu egin dute berriro (15-15). Hasierako laurdeneko azken txanpan, ordea, nagusi izan dira bisitariak, eta zazpi puntuko errenta eskuratu dute (17-24).
Bigarren laurdenaren hasieran ere, nagusi izan da Kanaria Handia, eta bederatzi punturaino handitu du abantaila (19-28). Bilbao Basketi kosta egin zaio aldea murriztea, baina lanean jarraitu du, eta aldea pixkanaka murrizten hasi da, bi puntura heldu arte (33-35). Lan eskerga eginda, neurketa berdindu du Mumbruk zuzentzen duen taldeak (39-39), eta aurretik jartzea lortu ostean, sei puntuko abantaila erdietsi du (49-43). Hala ere, Kanaria Handiak aldea murriztu du, eta etxekoen aldeko 49-46ko emaitzarekin heldu da partida atsedenaldira.
Atsedenaldiaren ostean, parekotasuna izan da nagusi, eta horren adibide izan dira markagailuak erakutsi dituen berdinketak (53-53, 55-55 eta 64-64). Ondoren, Bilbao Basketek aurrea hartu du (67-64), baina Kanaria Handiak 0-8ko partzialarekin erantzun dio (67-72). Bilbao Basket estutasunetan egon da, baina aurkariaren joko-bolada ona etetea lortu, eta lehia berdindu du (72-72), laurdena amaitzeko 40 segundo falta zirenean. Baloiaren azken jabetzetan, biko saskiratze bana lortu du talde bakoitzak, eta partida berdinduta iritsi da azken laurdenera (74-74).
Amaierako hamar minutuen hasieran, Herbalife Kanaria Handia izan da nagusi, eta sei puntuko abantaila hartu du (75-81). RETAbet Bilbao Basketek azkar erantzun, eta puntu bakarrera gerturatu da (80-81). Etxeko taldearen joko-bolada onari erantzun ezin hobea eman dio talde bisitariak, 0-6ko partzialarekin, eta zazpi puntuko errenta hartu du (80-87). Kanaria Handiaren erantzunak min egin dio Bizkaiko taldeari, baina etxean jokatuta eta zaleen laguntzarekin, Bilbao Basketek ez du amore eman, eta hiru puntura jarri da (90-93) partida amaitzeko minutu bat eta 23 segundo falta zirenean. Bouteillek hiruko saiakera egin du 25 segundoren faltan, baina ez du asmatu, eta Costellok neurketa erabakita utzi du Kanaria Handiarentzat (90-96). Bilbao Basketek, beraz, 90-97ko emaitzarekin galdu du Kanaria Handiaren aurka.
Fitxa teknikoa:
90 - RETAbet Bilbao Basket (17+32+25+16): Rousselle (6), Rafa Martinez (8), Bouteille (20), Kulboka (10) eta Balvin (16) –hasierako taldea–; Schreiner, Jaylon Brown (14), Sergio Rodriguez (3), Sulejmanovic (2), Lammers (3), Cruz (6) eta Rigo (2).
97 - Herbalife Kanari Handia (24+22+28+23): Cook (16), Harper (6), Okoye (5), Shurna (19) eta Costello (11) –hasierako taldea–; Radicevic (5), Paulí (4), Beiran (14), Burjanadze (17) eta Balcerowski.
Partzialak: 17-24, 49-46 (atsedenaldia); 74-74 eta 90-97 (amaiera).
Epaileak: Miguel Angel Perez Perez, Jose Ramon Garcia Ortiz eta Roberto Lucas Martinez. Ez dute inor kanporatu.
Zure interesekoa izan daiteke
Surne Bilbaok Dan Duščak joko-antolatzaile esloveniarra fitxatu du
Surne Bilbaok Adam Somogyi fitxatu du
Nazioarteko hungariarrak 2028ra arte sinatu du talde bilbotarrarekin, Txapeldunen Ligan partidako asistentzia gehien egin dituen joku-antolatzailea izanda.
Melwin Pantzarrek Bilbao Basketi agur esan dio: “Zorionekoa ni, klub honetan egoteagatik”
Melwin Pantzar Bilbao Basketeko jokalariak agur esan dio klubari, beltzezko gizonekin hiru denboraldi eman ostean.
Surne Bilbao eta Valentzia Basketen arteko play-offetako final-laurdenetako bigarren partidaren laburpena (71-88)
Valentziako taldeak etxetik kanpo ere garaitu du Bilboko taldea, eta 2-0eko emaitzarekin kanporatu du Surne Bilbao.
Valentzia Basketek ez dio aukerarik eman Surne Bilbaori (71-88)
Bilboko taldea play-offetatik kanpo geratu da bi partida galdu eta gero, gaur askoz hobeto jokatu duen Valentziako taldearen aurka.
Valentzia vs Surne Bilbao final laurdenetako play-offeko lehen partidaren laburpena (83-80)
Surne Bilbao Basketek galdu egin du Valentzia Basketen aurka jokatu duen Endesa Ligako final-laurdenetako lehen partida. Talde taronjak kontra zuen 13 puntuko aldea irauli egin du, hiru minutu eskasean. Hala eta guztiz ere, beltzezko gizonek partida bikaina egin dute.
Neurketak ihes egin dio Surne Bilbaori eta Valentzia Basketek poltsikoratu du play-offetako lehen partida
Bilbotarrek gertu izan dute garaipena Valentzian, baina etxekoak suspertu eta markagailua irauli dute azken minutuetan.
Jaume Ponsarnau: “Klubak aurrerapausoak eman ditu denboraldi honetan”
Surne Bilbaok Endesa Ligako play-offak jokatuko ditu, Teneriferen aurka garaipena lortu eta fase erregularrean zazpigarren postua ziurtatu ostean. Jaume Ponsarnau beltzezko gizonen entrenatzailea pozik agertu da taldea play-offetara sailkatu delako.
Surne Bilbao play-offetarako sailkatu da Tenerifen irabazita (82-87)
Surne Bilbao Basket Endesa Ligako play-offetan izango da. Bilboko taldea zazpigarren postuan sailkatu da fase erregularrean, Laguna Teneriferen aurka garaipena lortuta (82-87) eta Korner Baskoniak Unicajari irabazita (92-89). Bere historian 8. aldiz arituko da play-offetan, azken 6 urteotan lehen aldiz.
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.