Bilbao Basketek irabazi egin dio Fuenlabradari eta menderaezin jarritzen du etxean
RETAbet Bilbao Basketek garaipena lortu du Montakit Fuenlabradaren aurka (92-80), eta denboraldiko laugarren partida irabazi du Endesa Ligan, sei jardunaldiren ostean.
Partidaren hasiera parekatua izan da, eta bi taldeei kosta egin zaie zuloa irekitzea. Hala ere, lehen minutuen ostean, Fuenlabrada nagusitzen hasi da, eta abantaila handia lortu du. Madrileko taldeak 8 puntuko errenta hartu du (9-17 eta 12-20). Zailtasunak izan ditu Bilbao Basketek neurketako zati horretan, baina Mumbruk zuzentzen duen taldeak erreakzionatu egin du lehen laurdenaren azken txanpan, eta bi puntura murriztu du desabantaila (18-20).
Estu joan da norgehiagoka bigarren laurdeneko lehen minutuetan, baina lehenengoan gertatu denaren alderantziz, lehen minutu parekatuen ostean, RETAbet Bilbao Basket izan da abantaila hartzea lortu duena (31-24). Hala ere, Fuenlabradak erantzuten jakin du, eta bi puntura gerturatu da (36-34). Dena den, laurden honetako azken minutuetan nagusi izan da talde bizkaitarra, eta zortzi puntuko abantailarekin heldu da atsedenaldira (44-36).
Atsedenaldiaren ostean, Bilbao Basketek bikain ekin dio hirugarren laurdenari, eta 11 puntuko abantaila eskuratu du. Ondoren, talde bisitaria izan da nagusi, eta desabantaila murriztu du, bi puntura hurbilduta (49-47). Berriro zazpi puntuko abantaila lortu du Bilboko taldeak (58-51), eta sei puntuko errentarekin heldu da azken laurdenera (64-58).
Amaierako hamar minutuetan, Bilbao Basket errenta sei eta bederatzi puntu artean mantentzeko gai izan da. Beltzeko gizonek ez diote utzi Fuenlabradari aldeak murrizten. Gainera, Bizkaiko taldea 12 puntuko abantailarekin heldu da (87-75) azken minutura, eta garaipena erdietsi du (92-80).
Fitxa teknikoa:
92 - RETAbet Bilbao (18+26+20+28): Rousselle (10), Rafa Martinez (8), Bouteille (12), Kulboka (1) eta Balvin (13) -chasierako taldea-; Schreiner (7), Jaylon Brown (15), Sergio Rodriguez (13), Cruz (4) Sulejmanovic eta Lammers (6).
80 - Montakit Fuenlabrada (20+16+22+22): Bellas (13), Marc Garcia (7), Eyenga (20), Gillet (3) eta Mockevicius (6) -hasierako taldea-; Richotti, Urtasun (25), Vidal eta Bobrov (6).
Partzialak: 18-20, 44-36 (atsedenaldia); 64-58 y 92-80 (amaiera).
Epaileak: Daniel Hierrezuelo, Javier Torres eta Arnau Padros. Rouselle (40. min) kanporatu dute.
Zure interesekoa izan daiteke
Jaume Ponsarnau, itzuliko partidaz: “Lan gogorra dugu, mailarik onena eman beharra dugu”
Surne Bilbaok sei puntuz galdu du, 79-73, FIBA Europa Kopako joaneko neurketan. Norgehiagoka amaituta, Jaume Ponsarnau entrenatzaileak nabarmendu du titulua Miribillan erabakiko dela, “gure jendearekin”.
Justin Jaworski: “Garaipena lortzea gustatuko litzaiguke, baina erdia falta da”
Surne Bilbaok sei puntuz galdu du, 79-73, Salonikan, PAOK aurkari, FIBA Europa Kopako joaneko partidan; hala, euskal taldeak markagailua irauli beharko du Miribillan, datorren asteazkenean.
Finalaren itzulikoa irauli beharko du Surne Bilbaok, Mirbillan, galdu egin baitu joaneko partida, Salonikan (79-73)
Ponsarnauren taldeak partida osoa eman du markagailuan atzetik, Palatakin, biko jaurtiketen portzentaje txarrak baldintzatuta. PAOKen aldeko koskarik handiena 12 puntukoa izan da, baina puntu bakarrko aldea ere izan da.
Zuzenean: FIBA Europe Cup txapelketaren finaleko joaneko partida, PAOK Salonikaren eta Bilbao Basketen artean
Ikusi, gaur, apirilak 22, 18:15etik aurrera, PAOK Salonikaren eta Surne Bilbao Basketen arteko FIBA Europe Cupeko finalaren joaneko partidaren zuzeneko emanaldia, Greziatik. Saioa 17:50ean hasiko da ETB1en, atariko batekin, eta partida streaming bidez jarraitu ahal izango da kirolakeitb.eus eta ETBOn atarien bidez.
Surne Bilbaok Salonikan izango du jokoan FIBA Europa Kopa berriro irabazteko lehenengo partida, PAOKen aurka
Finaleko joaneko partida asteazken honetan jokatuko da, 18:15etik aurrera, Palatakin, Greziako hirian; bertan lortu zuen titulua Bizkaiko taldeak duela urtebete. EITBk, kirolakeitb.eus eta ETB1en bitartez, zuzenean emanen du neurketa.
Ponsarnau: “Gure focus-a da partida oso luze bat izango balitz bezala ulertzea"
Surne Bilbao Basketek PAOK talde greziarraren aurka jokatuko ditu, bihar, apirilak 22, FIBA Europa Kopako finalaren joaneko 40 minutuak. Jaume Ponsarnau entrenatzailearekin egon gara Loiuko aireportuan eta “ilusio handiarekin eta kontzentratuta” daudela esan digu. (Bideoa gazteleraz)
Surne Bilbaok Grezia du jomugan
Tryggvi Hlinason beltzezko gizonen kapitainak dioenez, iazko eta duela bi hilabeteko bigarren fasean aurrean izandako PAOK, talde bera izanagatik, "zeharo aldatu" da. Bai Miribillan (95-73) eta bai Palatakin (87-88) mendean hartu zuten beltzezkoek PAOK bigarren fasean.
Surne Bilbaok galdu egin du BAXI Manresaren aurka Miribillan (80-84)
FIBA Europako Kopako finalaren joaneko partidaren atarian, Surne Bilbaok porrot egin du Miribillan Baxi Manresaren aurkako norgehiagoka (80-84), eta, ondorioz, play-offean sartzeko atzerapausoa eman du.
Bilbao Jokoan 3x3 txapelketa maila handiagoarekin eta egoitza berriarekin itzuliko da ekainaren 12an
Etxebarria Parkeak hartuko du, ekainaren 12tik 15era bitartean. Aurten FIBA Quest maila izango du txapelketak. Horrek esan nahi du nazioarteko taldeek parte hartuko dutela, World Tourrerako txartela lortzeko lehian. Era berean, emakumezkoen txapelketa adin guztietara zabalduko da, eta aurrenekoz gurpil aulkiko 3x3 txapelketa izango da.
Surne Bilbaok kolpe handia hartu du Bartzelonan (90-61)
Jaume Ponsarnauren taldeak irudi txarra eman du Palau Blaugranan. Lehen zatian 23 puntu baino ez ditu egin. Barça hasieratik bukaeraraino izan da nagusi, eta erraz gailendu zaio Surne Bilbaori.