Mailari eusteko berebiziko garrantzia duen garaipena lortu du Bilbao Basketek (92-78)
Bilbao Basketek garaipen handia lortu dute asteazken honetan, Miribillan, Herbalife Kanaria Handia 92-78 azpiratu ostean, batez ere Lucio Redivoren ekarpenaren eskutik (31 puntu eta 38ko balorazioa).
Etxekoek primeran ekin diote partidari, erritmo handiarekin eta eraginkor saskiari begira eta horren isla izan da lehen laurdenaren bukaeran markagailuak erakutsi duen emaitza: 24-13.
Alabaina, apurka-apurka, bisitariek defentsa tenkatu dute, eta etxekoek ez dute batere asmatu horri aurre egiten. Kontrara, taldea biluztu egin da, eta denboraldi osoan zehar erakutsi dituen gabezia guztiak ikusi ahal izan zaizkio: defentsa ahula eta kamuts erasoan. Bigarren laurdenean kanariarrek 31 puntu sartu dizkiete beltzezko gizonei, eta etxekoek ostea 11 besterik ezin izan dituzte lortu. Beraz, atsedenaldira atzetik iritsi dira bilbotarrak (35-44).
Aldageletatik bueltan, hasierako minutuetako zalantzen ostean, Tabuk eta Redivok taldea biziberritu eta aurka zuten aldea ia erabat desagertzea lortu dute hirugarren laurdenaren bukaerarako (62-63).
Azken txanpan, beltzezko gizonek ekinean jarraitu dute, eta jaun eta jabe izan dira Pere Tomasen eta Redivoren bidez.
Euren partida irabazteaz gain, Veljko Mrsicen gizonek Betisen porrotaren albiste ona jaso dute; izan ere, jipoia hartu dute andaluziarrek Bartzelonan (121-56).
Fitxa teknikoa:
RETAbet Bilbao Basket 92 (24+11+27+30): Tabu (16), Redivo (31), Tomàs (14), Hervelle (6) y Gladness (8) -hasierako bostekoa-; Salgado (2), Mumbrú (11), Thomas (4), Hammink, Bentil eta Rebic.
Herbalife Gran Canaria 78 (13+31+19+15): Mekel (10), Radicevic (3), Rabaseda (10), Báez (6) eta Pasecniks (3) -hasierako bostekoa-, Oliver (7), Seeley (10), Brussino (8), Balvin (9), Aguilar (12).
Partzialak: 24-13, 35-44 (atsedenaldia); 62-63 eta 92-78 (amaiera).
Epaileak: Carlos Cortés, Luis Miguel Castillo eta Javier Torres. Ez da kanporaturik izan.
Zure interesekoa izan daiteke
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Ponsarnau, Valverderi buruz: “Erreferentea da niretzat, eta beti izango da"
Surne Bilbao taldeko entrenatzaileak hitz batzuk esan nahi izan ditu Valverderi buruz, Athleticeko entrenatzaileak talde zuri-gorria zuzentzeari utzi dionean.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.
FIBA Europa Kopa irabazita, Surne Bilbao omendu dute Gernikan
FIBA Europako Kopa irabazi ondoren, Bilbao Basketi omenaldia egin diote Gernikako Batzarretxean. Aurreskua dantzatu diete Gernikako arbolaren aurrean, eta barrura sartu dira horren ostean.
Surne Bilbaok Valentziaren aurka galdu du (88-83)
Valentzia Basketek aurre egin dio Justin Jaworski Surne Bilbao taldeko eskolta estatubatuarraren erakustaldiari igande honetan, 31 puntu eta 8 hiruko lortuta eta garaipenak ihes egin dio Bilboko taldeari.
Surne Bilbaok Real Madril mendean hartu du Miribillan, eta playoff postuetan sartu da (88-82)
Surne Bilbao Basket lehen aldiz sartu da Endesa Ligako playoff postuetan Real Madrili 88-82 irabazita. Azken laurden bikain bat egin ondoren, merezitako garaipena lortu dute beltzezko gizonek. Hemen partidaren laburpena.
Bilbao Basketen ereserki berria egin du Shinova taldeak: “Sua gara"
Bilbao Basket taldeak ereserki berria aurkeztu du astearte honetan. Shinova taldeak egindako piezak "Sua gara" du izena.
Azken laurdenean egindako hutsek garaipenik gabe utzi dute Surne Bilbao Lleida aldean (90-81)
Surne Bilbao Basketek 90-81 galdu du Hiopos Lleidaren etxean, Endesa Ligako 30. jardunaldiko partidan. Emaiotza honekin, Kataluniarrek maila gorenean jarraitzeko urrats handi aeman dute. Lleidak azken laurdenean, eta hiru minututan, lortudako 10-1eko partzialak partida euren alde jarri du. James Batemon eskolta, 20 punturekin, izan da partidako saskiratzailerik onena.
Surne Bilbaok aste zoragarria itxi eta Granada hondoratu du (88-83)
Surne Bilbaok garaipen estua lortu du Coviran Granadaren aurka Miribillan (88-83), eta aste bikaina biribildu du, FIBA Europa Kopa irabazi ondoren play-offerako lehian sartuta. Granada azken unera arte borrokatu bada ere, porrot honek gehiago hurbiltzen du beheko postuetara.