Bilbao Basketek porrota jaso du Teneriferen aurka eta salbazioa zaildu zaio
RETAbet Bilbao Basketek 67-74 galdu du Iberostar Teneriferen aurka jokatu duen Endesa Ligako 25. jardunaldiko partida eta jaitsiera postuetatik gertuago da talde bizkaitarra. San Pablo Burgosek eta Betisek garaipenak lortu dituzte, eta Bilbao Basket harrapatu dute sailkapenean.
Partida nahiko kaskarra izan da bi taldeen aldetik. Azkar hasi da nagusitzen Iberostar Tenerife eta Bilbao Basketek ez du itxura ona eman lehen hamar minutuetan. Lau eta sei puntu bitarteko abantailak izan ditu talde bisitariak (9-13 eta 12-18) lehen laurdenean eta Tenerifek 6 puntuko abantaila lortu du (12-18).
Bigarren laurdenari oso gaizki ekin dio RETAbet Bilbao Basketek eta erraztasun gehiegi eman dizkio Iberostar Teneriferi. Talde bisitariak 21 punturainoko abantaila lortu du (16-37) bigarren laurdenean zehar eta 15 puntuko desabantailarekin iritsi da Bilbao Basket atsedenaldira (24-39).
Atsedenaldiaren ostean, ordea, Bilbao Basketek bere jokoa hobetu du, eta desabantaila murrizten hasi da. Erasoko zein defentsako lan ona eginda, talde bizkaitarrak puntu bakarrera murriztu du desabantaila (43-44), baina 3. laurdenaren azken txanpan, Iberostar Tenerifek 8 puntuko errenta eskuratu du (45-53).
Azken laurdenean, 6 puntura hurbildu da RETAbet Bilbao Basket (54-60 eta 63-69), baina ez du lortu desabantaila gehiago murriztea. Iberostar Tenerifek, ordea, abantaila mantentzea lortu du Bilboko taldea hurbiltzen izan den bakoitzean. Amaierarako 57 segundoren faltan, 5 puntura jarri da Bilbao Basket (65-70) eta 27 segundo falta zirenean, 3ra hurbildu da RETAbet (67-70). Talde bizkaitarrak huts egin du azken jabetzetan, Iberostarrek ez du kale egin jaurtiketa libreen marratik eta talde kanariarrak garaipena lortu du (67-74).
Fitxa teknikoa:
67 - RETAbet Bilbao Basket (12+12+21+22): Tabu (10), Redivo (19), Tomàs (5), Hervelle (5) eta Gladness (2) -hasierako bostekoa-; Salgado (11), Mumbrú (7), Thomas (8), Bentil, Hammink eta Rebic.
74 - Iberostar Tenerife (18+21+14+21): San Miguel (8), Borg (3), Beiran (4), Abromaitis (8) eta Tobey (15) -hasierako bostekoa- Bassas (7), Akognon (10), Vasileiadis (4), Ponikta (11), Rosco Allen (4), Fran Vazquez eta Niang.
Partzialak: 12-18, 24-39 (atsedenaldia); 45-53 eta 67-74 (amaiera).
Epaleak: Martin Bertran, Aliaga eta Olivares. Thomas kanporatu dute faltengatik (40. m.).
Zure interesekoa izan daiteke
Surne Bilbaok Bosnia-Herzegovinan emango dio hasiera 2026-2027ko Txapeldunen Ligari, Igokearen aurka, urriaren 6an
Bilboko taldea, azken hiru denboraldietan FIBA Europa Kopan aritu eta gero, Txapeldunen Ligan ibiliko da, eta asteartean zehaztu dute txapelketako multzo faseko egutegia. Surne Bilbao G multzoan izango da, talde hauekin: Igokea, ALBA Berlin eta Slavia Praga.
Surne Bilbaok ALBA Berlin, Slavia Praga eta Igokea izango ditu aurkari 2026-2027ko Txapeldunen Ligako multzo fasean
Txapelketa urriaren 6an hasiko da. Surne Bilbao Txapeldunen Ligara bueltatuko da; azken hiru denboraldietan, FIBA Europa Kopan aritu da, eta 2025ean eta 2026an irabazi du hori.
Surne Bilbaok Ondřej Husták fitxatu du 2028ra arte
22 urte eta 2,12 metroko pibot txekiarrak “intentsitatea eta energia” ekarriko dituela adierazi du talde bilbotarrak.
Manex Asorregik Surne Bilbaorekin sinatu du 2028ra arte
Jokalari azkoitiarra Askatuak Gipuzkoatik iritsi da talde bilbotarrera, talde gipuzkoarrean azken hiru denboraldiak emanda.
Surne Bilbaok Bastien Vautier pibot frantsesa fitxatu du hurrengo denboraldirako
27 urteko pibotak denboraldi baterako sinatu du, eta ASVEL Lyon-Villeurbanne taldetik dator. Klub horretan, batez beste 5,7 puntu eta 2,8 errebote lortu ditu partidako Euroligan.
Surne Bilbaok Txapeldunen Liga jokatuko du hiru urte geroago
Talde bilbotarra urriaren 6an hasiko den lehiaketan parte hartuko duten 32 taldeetako bat da. Dagoeneko 30 talderi baieztatu diete tokia, eta Surne da horietako bat. Talde bizkaitarrak 2020-21 denboraldian Txapeldunen Ligan parte hartu zuen, eta 2022-23an errepikatu zuen.
Hlinasonek, Freyk eta Fontek Surne Bilbaorekin zituzten kontratuak luzatu dituzte, 2029ra arte
2025-2026 denboraldian Bilboko taldean izandako jokalariei erreparatuta, zortzi gizon izango dira, berriro, hurrengo denboraldian; hori bai, Bassala Bagayokok 2028ra arteko kontratua badu ere, baliteke ez jarraitzea klubean.
Surne Bilbaok Nate Darling sinatu du 2026-2027 denboraldirako
Talde bizkaitarraren hirugarren eransketa izanen da eskolta kanadiarra, Adam Somogyiren eta Dan Duscaken sinaketen ondoren.
Bilbao Basketek iragarri du Jaworskik ez duela klubean jarraituko
Eskolta estatubatuarra funtsezkoa izan da bilbotarren denboraldi arrakastatsuan.
Surne Bilbao Basketek Stefan Lazarevicek eta Amar Syllak ez dutela klubean jarraituko iragarri du
Serbiarrak klubean urtebetez jokadu du. Senegaldarrak, berriz, bi urte eman ditu Bilbon.