Baskonia-Partizan, 2024-25 denboraldiko Euroligako aurreneko jardunaldian, urriaren 3an

Azken jardunaldian, apirilaren 10ean, Baskonia Milanen arituko da. Gasteizko taldeak urtarrilaren 17an jasoko du Panathinaikos egungo txapelduna, Gasteizen, eta Gabonetan bi aldiz jokatuko du Buesa Arenan: abenduaren 27an, Paris Basketball aurkari; eta urtarrilaren 2an, Izar Gorriaren kontra.

Baskoniak urriaren 3an ekingo dio 2024-25 denboraldiko Euroligari, Partizan aurkari (EFE).

EITB

2024/07/15 - 20:29

Azken eguneratzea

2024/07/15 - 20:29

Baskonia-Partizan partida jokatuko dute, Buesa Arenan, urriaren 3an, ostegunez, 20:30ean, 2024-25 denboraldiko Euroligako aurreneko jardunaldian, Euroligak berak astelehenean iragarri duenez.

Horrenbestez, Pablo Lasoren gizonek etxeko talde gisa ekingo diote txapelketari; azken jardunaldian, ordea, euskal taldea etxetik kanpo arituko da, Milanen. Baskoniak 33. jardunaldian jokatuko du azkenengoz Gasteizen, apirilaren 4an, ostiralez, 20:30ean, ASVEL Villeurbanne aurkari.

Baskoniak urtarrilaren 17an jasoko du Panathinaikos egungo txapelduna, Gasteizen, eta Gabonetan bi aldiz jokatuko du Buesa Arenan: abenduaren 27an, Paris Basketball aurkari; eta urtarrilaren 2an, Izar Gorria Belgraden kontra.