Baskoniak ezin izan du Bartzelona garaitu, eta ez da Kopako finalean izango (77-68)
TD Systems Baskoniak galdu egin du Bartzelonaren aurka (77-68) Errege Kopako finalerdietan, eta, ondorioz, ezin izango du parte hartu igande honetan jokatuko den finalean. Bertan, Real Madrilek eta gasteiztarren borreroek neurtuko dituzte indarrak arratsaldeko 18:30etik aurrera.
Ez da izan Gasteizko taldearen egunik onena izan, eta ozta-ozta eutsi diote Dusko Ivanovicen mutilek bigarren laurdenaren amaierara arte, hau da, Nikola Miroticek (2) eta Cory Higginsek (1) jarraian sartu dituzten hiru hirukoak iritsi diren arte. Bederatzi puntu horiek neurketa hautsi dute, eta katalanak 11 puntuz aurretik heldu dira atsedenaldira (38-27).
Bigarren zatian, Sarunas Jasiskevicius lituaniarrak zuzentzen duen talde katalanak erraz antzera agindu du markagailuan; aitzitik, bost minuturen faltan Gasteizko taldea 6 puntura hurbildu da 16 eta 5eko partzialaren ostean (69-63), Tonye Jekiri nigeriarraren eta Luca Vildoza argentinarraren ekarpenari esker
Bartzelonari zalantzak sortu zaizkio eta Jekirik lau punturaino murriztu du markagailuko aldea, baina horraino iritsi da Dusko Ivanovicen mutilen erreakzioa, partida jaurtiketa libreen trukaketa bihurtu baita, eta horrek Kataluniako taldeari egin dio mesede. Azkenerako, 77-68 irabazi dute katalanek.
Horrenbestez, azken zortzi urteetan Real Madrilek eta Bartzelonak jokatuko duten bosgarren finala izango da igande honetako, eta Errege Kopako 85. edizioetan aurrez aurre izango diren hemeretzigarren aldia. Madrildarrek Lenovo Tenerife kanporatu dute aurretik jokatu den beste finalerdian (85-79).
Fitxa teknikoa:
77 - Barça (15+23+26+13): Calathes (4), Higgins (15), Hanga (3), Mirotic (16) y Pustovyi (4) -hasierako bostekoa-, Oriola (-), Abrines (9), Davies (8), Westermann (4), Bolmaro (2), Smits (2) eta Kuric (10).
68 - TD Systems Baskonia (12+15+20+21): Henry (19), Dragic (3), Giedraitis (5), Polonara (10) y Jekiri (15) -hasierako bostekoa-, Vildoza (10), Sedekerkis (-), Fall (-), Diop (-), eta Peters (6).
Epaileak: Daniel Hierrezuelo, Antonio Conde eta Rafael Serrano. Ez dute inor kanporatu.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.