Baskonia finalerdietan izango da, Unicajari irabazi baitio eta Joventutek galdu
Kirolbet Baskoniak puntu bakarragatik irabazi dio Unicajari (87-86) Endesa Ligako azken faseko laugarren jardunaldian, luzapena jokatu eta gero. Horrela, Gasteizko taldeak finalerdia jokatzeko eskubidea eskuratu du, jardunaldiko hirugarren neurketan Joventutek 82-80 galdu baitzuen Iberostar Teneriferen aurka.
Arabarrak A multzoko bigarren sailkatu gisa egingo dute aurrera (Bartzelona lehen postuan igaroko da), eta B multzoko lehen sailkatuaren aurka neurtuko dituzte indarrak.
Aurkaria Real Madril, Valentzia Basket, San Pablo Burgos edo Herbalife Kanaria Handia izan daiteke.
Puntu bategatik irabazi dio Unicajari
Unicajak hobeto ekin dio neurketari, saskiratzeak erraz sartuz, eta azkar hartu du abantaila (5-12). Egoera ikusita, Baskoniak defentsa sendotu du, eta 7-0eko partzialalortuta, lehia parekatu du. Lehen hamar minutuak berdinduta amaitu dira (19-19).
Dusko Ivanovicek zuzentzen duen taldeak errebotea hegiago zain du bigarren laurdenean, eta Granger eta Polonara fin ibili dira. Alberto Diazek sartutako hiruko batek moztu du Baskoniaren aldeko 13-0eko partziala. Hala ere, Arabako taldea nagusi izan da laurden honetan, Vildozak eta DRagicek asmatu egin baitute hiruko jaurtiketetan. Kirolbet Baskoniaren defentsa sendoak Unicajaren hutsak eragin ditu, eta talde gasteiztarraren aldeko 44-33ko emaitzarekin heldu da partida atsedenaldira.
Atsedenalditik bueltan hobeto kantxaratu da Unicaja eta hamabost puntu jarraian sartuta, emaitza irauli du (44-48). Lau minutu baino gehiago behar izan ditu Baskoniak hirugarren laurdenean bere lehen saskiratzea lortzeko. Melvin Ejim, Zoran Dragic baino hobeto moldatu da taulapean, eta bi puntuko errentarekin joan da azken laurdenera (54-56).
Azken laurdenari Baskoniak hasiera bikaina eman dio zazpi puntu jarraian sartuta, baina Unicajaren momentu txarrenean Alberto Diazek hartu du taldearen gidaritza, eta norgehiagoka parekatu egin da. Amaierako minutuetara hobeto heldu da Unicaja, eta bukaerarako minutu bat falta zenean bost puntuko abantaila (70-75) izan du. Unicajak hiru jaurtiketa libre huts egin ditu azken txanpan; hala ere, Malagako taldea aldeko 74-76ko emaitzarekin iritsi da azken segundoetara, baina Achille Polonarak neurketa berdindu (76-76) eta luzapena behartu du.
Luzapenean, Gal Mekelek bikain gidatu du Unicaja, eta Malagakoek hiru puntuko errentarekin (83-86) heldu dira azken 45 segundoetara. Henryk hiruko batekin berdindu du partida (86-86), eta amaierarako segundo bat falta zenean Polonarak sartu duen jaurtiketa libreak eman dio garaipena Kirolbet Baskoniari (87-86).
Fitxa teknikoa:
87 - Kirolbet Baskonia (19+25+10+22+11): Henry (14), Janning (5), Shields (9), Shengelia (9) eta Eric (10) -hasierako taldea-, Granger (2), Vildoza (13), Zoran Dragic (10), Polonara (9) eta Diop (6).
86 - Unicaja (19+14+23+20+10): Mekel (17), Adams (8), Bouteille (16), Thompson (10) eta Gerun (8) -hasierako taldea-, Brizuela (4), Alberto Diaz (17), Simonovic (-), Waczynski (-), Ejim (6), Guerrero (-) eta Suarez (-).
Epaileak: Carlos Peruga, Antonio Conde eta Carlos Cortes.
Zure interesekoa izan daiteke
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.