Baskoniak porrota jaso du Real Madrilen aurka eta bigarren postua galdu du
Kirolbet Baskoniak porrota jaso du Real Madrilen aurka (82-76) Endesa Ligako 20. jardunaldiko partidan. Sailkapenean hirugarren da Arabako taldea, gaurko aurkariak gainditu egin baitu.
Erritmo biziarekin hasi da partida. Bi taldeek erasoan asmatu dute, eta lehen minutuetan bi taldeetako batek ere ezin izan du partida hautsi. Lehen laurdenaren azken txanpan lortu du Baskoniak sei puntuko abantaila (13-19), eta hasierako hamar minutuak Arabako taldearen aldeko 15-19ko emaitzarekin bukatu dira.
Bigarren laurdenaren hasieran Kirolbet Baskoniak zortzi puntuko errenta eskuratu du (15-23). Real Madril, ordea, ez da burua makurtzeko prest egon, eta hiru puntura murriztu du desabantaila (24-27). Laurdenaren erdialdetik atsedenaldira iritsi arte, neurketa parekatu egin da, eta berdinketarekin joan dira bi taldeak aldageletara (37-37).
Neurketaren gidoia ez da aldatu hirugarren laurdenean. Joko-maila bikaina eskaintzen jarraitu dute bi taldeek. Estu joan da partida laurden guztian zehar. Baskoniak hiru puntuko abantaila lortu du, baina Real Madrilek ere lortu du aurrea hartzea, eta bost puntuko abantaila lortu du (57-52) azken laurdenari ekiteko.
Kaskar ekin dio azken laurdenari Baskoniak. Real Madrilek 5-0eko partziala lortu, eta hamar puntuko desabantailarekin (62-52) maldan gora jarri zaio norgehiagoka Kirolbet Baskoniari. Hala ere, lanean jarraitu du Perasovicek zuzentzen duen taldeak, eta hiru puntura hurbildu da (76-73) partida maiatzeko bi minutu falta zirenean. Azken bi minutuetan , ordea, Baskoniak ez du erasoan asmatu, Real Madrilek hobeto kudeatu ditu azken segundoak, eta garaipena lortu du Pablo Lasok zuzentzen duen taldeak (82-76).
Fitxa teknikoa:
82 - Real Madril (15+22+20+25): Campazzo (7), Causeur (4), Deck (-), Randolph (18) eta Tavares (9) -hasierako taldea-, Rudy Fernandez (7), Reyes (5), Ayon (8), Carroll (10), Prepelic (7) eta Taylor (7).
76 - Kirolbet Baskonia (19+18+15+24): Vildoza (11), Janning (11), Shield (11), Poirier (12) eta Voigtmann (10) -hasierako taldea-, Huertas (8), Diop (2), Jones (2) eta Hilliard (9).
Epaileak: Daniel Hierrezuelo, Vicente Bulto eta Rafael Serrano. Matt Janning (36. min) kanporatu dute bost falta egiteagatik.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.