Kirolbet Baskoniak play-offetako postuari eutsi dio (80-75)
Kirolbet Baskoniak irabazi egin dio Olimpia Milani ostiral honetan, Buesa Arenan jokatu duten Euroligako 19. jardunaldian (80-75). Gasteiztarrek, izugarrizko defentsa lanean oinarrituta, ito egin dute talde italiarra bigarren zatian (26 puntu besterik ez dituzte lortu bisitariek tarte horretan).
Gaurko garaipenarekin arabarrek sendotu egin dute play-offetako postua, orain zazpigarrenak baitira; horrez gain, talde italiarrarekin duten basket averagea euren alde jarri dute Perasovicen jokalariek, Italian hiru puntugatik galdu baitzuten (93-90).
Baskoniak Mike Jamesen jarioa etetea lortu du bigarren zatian, eta hori izan da lehiako gakoetako bat, nahiz eta 27 puntu sartu eta 34ko balorazioarekin amaitu duen azkenerako. Dena dela, joko-antolatzaile estatubatuarrak gainerako taldekideen ekarpen handiagoa bota du faltan.
Baskoniaren aldetik, berriz, Vincent Poirier frantziarrak eta Johannes Voigtmann alemaniarrak osatutako bikoteak nagusitasuna agertu du saski bietan (28 puntu sartu eta 18 errebote jaso dituzte bi jokalarien artean).
Etxekoen bi pibotak primeran konpondu dira Luca Vildoza joko-antolatzaile argentinarrarekin, 12 asistentzia banatzeko gai izan baita hura.
Horrenbestez, jardunaldi honen ostean, Kirolbetek 9 neurketa irabazi ditu eta 10 galdu, eta, esan bezala, zazpigarren tokian dago sailkapenean, zortzigarrena den Bayern Munichekin berdinduta.
Fitxa teknikoa:
Kirolbet Baskonia 80 (16+26+20+18): Huertas (13), Janning (6), Shields (12), Voigtmann (11) eta Poirier (17) –hasierako bostekoa–, Vildoza (6), Diop (6), Garino (-) eta Hilliard (9).
AX Milan 75 (21+28+10+16): James (27), Bertans (3), Micov (7), Brooks (4) eta Omic (4) –hasierako bostekoa–, Gudaitis (9), Kuzminskas (8), Cinciarini (5), Burns (-) eta Jerrells (8).
Epaileak: Robert Lottermoser (Alemania), Emin Mogulkoc (Tukia) eta Medhi Difallah (Frantzia). Ez da kanporaturik egon.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.