Baskoniak ez du huts egin Manresaren aurka
Kirolbet Baskoniak garaipena lortu du Baxi Manresaren aurka (66-82) Endesa Ligako 15. jardunaldiko norgehiagokan. Arabako taldeak sailkapeneko 3. postuan jarraitzen du, eta Koparako sailkatzea lortu du.
Baskoniak hasiera ona eman dio neurketari, 2-14ko partzialarekin, eta azkar ireki du zuloa. Baxi Manresak, ordea, ez du horren azkar etsi nahi izan, eta taldearen joko-maila hobetuta, aldea murriztea lortu du (12-17). Lehen laurdena ez du ondo amaitu Perasovicek zuzentzen duen taldeak, baina, halere, 4 puntuko abantailarekin bukatu ditu lehen 10 minutuak (16-20).
Bigarren laurdena parekatuta hasi da, baina neurketako 15. minutua iritsi denean Baskoniak 9 puntuko errenta eskuratu du (22-31). Kataluniako taldeak, ordea, lanean jarraitu du, aldea murriztu du, eta Baskonia 6 puntuko errentarekin iritsi da atsedenaldira (32-38).
Atsedenaldiaren ostean, 11 puntuko abantaila hartu du Kirolbet Baskoniak, baina partida osoan zehar bezala, Baxi Manresak ez du etsi eta, lan eskerga eginda, 2 puntura gerturatu da (49-51) hirugarren laurdena bukatzeko 2 minutu baino gutxiago falta zirenean. Azkenean, Arabako taldearen aldeko 49-53ko emaitzarekin amaitu da.
Azken laurdenaren hasieran, Baskoniari kosta egin zaio Manresa menderatzea. Etxeko taldea ekinean aritu da, eta lan eskerga eginarazi dio Arabako taldeari. Neurketako azken 5 minutuetan, ordea, nagusi izan da talde gasteiztarra, zuloa ireki du markagailuan, eta garaipen argia eskuratu du: 66-82.
Fitxa teknikoa:
66 - Baxi Manresa (16+16+18+16): Lundberg (13), Toolson (11), Tomàs (6), Dragovic (2), Lalanne (15) –hasierako bostekoa– Sima (8), Lukovic (-), Muñoz (6), Jou (3) eta Fisher (2).
82 - Kirolbet Baskonia (20+18+16+28): Huertas (4), Janning (8), Shields (2), Voigtmann (15), Poirier (18), –hasierako bostekoa–, Vildoza (7), Diop (10), Hilliard (18) eta Penava (-).
Epaileak: Peruga, Serrano eta Sanchez Sixto. Ilimane Diop kanporatu dute, 36. minutuan.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.