Baskoniak Real Madrilen aurka jipoia jasota agurtu du 2018. urtea
Kirolbet Baskoniak galdu egin du Real Madrilen aurka 74-91ko emaitzarekin Buesa Arenan jokatu duen Endesa Ligako 14. jardunaldiko partida. Gasteizko taldea hirugarren da sailkapenean, Real Madrilekiko garaipen batera eta Bartzelona liderrarekiko bi garaipenera.
Buesa Arena pabilioia beteta egon da Baskoniaren eta Real Madrilen arteko neurketa ikusteko. Talde bisitariak lortu du lehen saskiratzea, baina azkar erantzun du etxeko taldeak aurkariari ihes ez egiten ez uzteko. Lehen laurdenaren erdialdean 3 puntuko abantaila izan du Real Madrilek (12-15), eta ordutik laurdenaren amaierara arte Baskoniak ez du saskiratze bat bera ere sartu. Real Madril, ordea, nagusi izan da; defentsa sendoa egin du, eta erasoan asmatu egin du. Ondorioz, 14 puntuko abantaila eskuratu du Pablo Lasok zuzentzen duen taldeak, lehen laurdenaren amaieran (12-26).
Bigarren laurdenari oso gaizki ekin diote bi taldeek, baina Real Madrilek abantaila 16 puntura handitzea lortu du (15-31). Pixkanaka, Arabako taldea erasoan gehiago asmatzen hasi da, eta desabantaila murriztea lortu dute, atsedenaldira iristeko 2 minutu baino gutxiagoren faltan, 7 puntura gerturatu direlarik (33-40). Bigarren laurdenaren azken txanpan, ordea, Real Madril berriro nagusi izan da, eta talde gasteiztarra 12 puntuko desabantailarekin joan da atsedenaldira (35-47).
Atsedenaldiaren ostean ez da neurketaren gidoia aldatu. Real Madrilek nagusi izaten jarraitu du, eta Baskoniak noizbehinka aldeak murriztea lortzen izan duen arren, Lasok zuzentzen duen taldeak azkar erantzuten izan du, abantailak handituz. Gainera, hirugarren laurdenean Shengeliak min hartu du belaunean Campazzok egindako kirolez kontrako falta baten eraginez, eta ezin izan du jokatzen jarraitu. Gauzak horrela, Baskoniak 26 puntuko desabantailarekin ekin dio azken laurdenari (48-74).
Real Madrilek 6 minutu sakiratzerik lortu gabe eman ditu azken laurdenean eta Baskoniak pixka bat murriztu ahal izan du desabantaila. Hala ere, Arabako taldeak ez du aurkaria larritasunetan jartzeko aukerarik izan, eta Real Madrilek lortu du garaipena (74-91).
Fitxa teknikoa:
74 - Kirolbet Baskonia (12+23+13+26): Huertas (24), Janning (7), Shields (12), Voigtmann (-) eta Poirier (4) -hasierako taldea-, Penava (-), Vildoza (11), Diop (3), Shengelia (10) eta Hilliard (3).
91 - Real Madril (26+21+25+17): Campazzo (15), Causeur (12), Yusta (15), Thompkins (19) eta Tavares (14), -hasierako taldea-, Rudy Fernandez (7), Reyes (1), Ayon (6), Llull (-), Deck (-) eta Taylor (2).
Epaileak: Antonio Conde, Jordi Aliaga eta Jorge Martinez Fernandez. Diop eta Poirier kanporatu dituzte.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.