Garaipen erosoa Baskoniarentzat (91-66)
Baskoniak bolada onari eutsi dio eta zazpigarren garaipena jarraian lortu du etxean Endesa Ligan, Herbalife Kanaria Handiari 91 eta 66 irabazita. Kanariarrek, aldiz, bost garaipeneko bolada ona eten dute Buesa Arenan izandako emaitzaren ondorioz.
Garaipen lortzeaz gain, gasteiztarrek kontra zuten 18 puntuko 'averagea' irauli dute, azken laurdenean defentsan egindako lan txukunari esker. Kanariarrek euren onena eman dute atsedenaldiaren ostean, baina egindako ahaleginak ez du ezertarako balio izan.
Baskonia jaun eta jabe izan da lehen minutuetatik, horren adibide argia da lehen laurdena amaitzea markagailuan ageri izan den emaitza: 21-6.
Bigarrenean gauzak ez dira aldatu eta aldeak gora egin du, arabarren joko biziari esker. Trantsizio azkarrak egin ditu Pedro Martinezen taldeak, eta kanariarrek ezin izan diote Baskoniaren jokoari eutsi.
Gasteiztarrak 37 eta 17 jarri direnean, kanariarrak suspertu egin dira eta 2 eta 10eko partzialari esker partida 39 eta 27ra jarri dute.
Atsedenaldiaren ostean, Herbalife hobeto aritu da, zonako defentsa egin dute eta Baskoniak sufritu egin du. Ondorioz, talde kanariarra 47 eta 41 hurbildu da 26. minutuan.
Azken laurdenaren hasieran, Nico Brussino eta Patricio Garino argentinarrak hiruko bina saskiratze egin dituzte, eta ondoren Jayson Grangerrek beste bi sartu ditu, markagailuan behin betiko aldea zabalduz.
'Averagea', Baskoniaren alde
Azken minutuetan, eta garaipena ziurtatuta zutela ikusita, Baskoniak talde bien arteko 18 puntuko 'averagea' iraultzeko helburuari heldu dio. Baita lortu ere.
Azkenean, Pedro Martinezen taldea 91 eta 66 gailendu da, 25 puntuko aldearekin. Ondorioz, bi taldeek Liga berdinduta amaituz gero, Baskonia aurretik geratuko litzateke aldeko ‘averagea’ri esker.
Fitxa teknikoa
91 - Baskonia (21+18+23+29): Granger (16), Beaubois (10), Timma (4), Malmanis (2) y Poirier (15) -hasierako boskotea-, Vildoza (9), Voigtmann (5), Diop (2), Janning (15) eta Garino (13).
66 - Herbalife Gran Canaria (6+21+24+15): Mekel (1), Seeley (15), Rabaseda (7), Aguilar (-) y Balbin (14) -hasierako boskotea-, Oliver (4), Brussino (6), Báez (2), Pasecniks (2), Radicevic (9) eta Fischer (6).
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.