Baskoniak erakustaldia eman du Zaragozaren aurka
Baskoniak garaipena lortu du (74-98) Tecnyconta Zaragozaren aurka eta Endesa Ligako sailkapeneko bigarren postua lortzeko aurrerapausoa eman du. Gasteizko taldeak laugarren postuan jarraitzen du, baina bigarren den Bartzelonarekin eta hirugarren den Valentziarekin berdinduta.
Arabako taldeak ondo ekin dio partidari, 0-6ko partziala lortuta. Ondoren, aldeak handitzen joan da, eta Zaragoza ezinean ibili da. Eroso aritu da Baskonia lehen hamar minutuetan eta 11 puntuko aldea lortu du (11-22).
Bigarren laurdenean ere jaun eta jabe izan da Gasteizko taldea. Baskonia nagusi izan da erasoko zein defentsako jokoan eta 14 puntuko abantaila lortu ostean, 20 punturainoko errenta lortu du (22-42). Tecnyconta Zaragozak gaizki jokatu ditu lehen bi laurdenak, Baskoniak oso ondo egin du bere lana eta Pedro Martinezek zuzentzen duen taldea, aldeko 30-49ko emaitzarekin iritsi da atsedenaldira.
Atsedenalditik bueltan, etxeko taldeak bere jokoa hobetu du, eta arazo gehiago sortu dizkio Baskoniari. Arabako taldea ez da oso fin ibili erasoko jokoan eta defentsan ere erraztasun batzuk eman dizkio aurkariari; ondorioz, aldeak murriztea lortu du Tecnycontak, 7 punturaino gerturatuta (47-54), 17-5eko partzialarekin. Hirugarren laurdeneko azken bi minutuetan, ordea, Baskonia esnatu egin da, eta berriro 19 puntuko errenta lortu du (50-69).
Azken laurdena oso erosoa izan da talde gasteiztarrarentzat. Zaragozak ez du arriskuan jarri Baskoniaren garaipena eta Arabako taldeak partida irabazi du, 74-98ko emaitzarekin.
Fitxa teknikoa:
74 - Tecnyconta Zaragoza (11+19+20+24): Bellas (10), Neal (20), Barreiro (-), Alex Suarez (7), Varnado (-) -hasierako bostekoa- Triguero (9), Alocén (5), Mazalin (-), Jaime Fernandez (-), Michalak (8), De Jong (8) eta Blums (7).
98 - Baskonia (22+27+20+29): Granger (3), Janning (11), Timma (10), Shengelia (14), Poirier (13) -hasierako bostekoa- Vildoza (-), Voigtmann (8), Marcelinho Huertas (9), Beaubois (16), Diop (7), Garino (5) eta Malmanis (2).
Epaileak: Cortes, Aliaga eta Mas.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.