Baskoniak Khimkiri irabazi eta zortzigarren postutik garaipen batera dago (87-77)
Baskoniak anekdota hutsean utzi du Khimkiren aurka jokatu duen lehen laurden txarra; izan ere, hortik aurrera atzean zein aurrean emandako erakustaldiaren bidez garaipen argia eskuratu du Euroligako 24. jardunaldian. Horrenbestez, ostegun honetan irabazitako partidak play-offetarako txartela ematen duten postuetatik garaipen bakarrera kokatu ditu gasteiztarrak, Makabiren porrotaren ostean.
Etxekoek, hasiera batean, Shvedek gidatutako talde horiaren erauntsia pairatu dute, eta lehen laurdenean atzetik bukatu dute (18-26), Vildoza eta Janningen hirukoek markagailua itxuratu duten arren. Aitzitik, ondoren, gasteiztarrak goitik behera nagusitu dira norgehiagokan amaierara arte.
Beauboisen (16 puntu) eta Shengeliaren (15 eta 15 errebote) ekarpen erabakigarriari esker arabarrek garaipena lortu dute aurretik zituzten zazpi finaletako lehenengoan, lehen zortzien artean geratzeko borrokan. Panathinaikosen eta CSKAren aurka hartutako porroten ondoren, Baskoniak onbideari heldu dio Buesa Arenan.
Beauboisek etxekoen erasoko jokoa berpiztu du bigarren laurdenetik hasita, eta atsedenaldira heldu orduko agintzen ziren markagailuan Pedro Martinezen mutilak (44-39). Estatistika guztiak irauli dituzte, aurkariaren saskia behin eta berriro zulatuz eta errebotean garbi nagusituz. Horrek 19 puntuko aldea eman die (67-48).
Baskoniak azken laurdena sobera izan du, nahiz eta Shved bereak eta bi egiten hasi den berriro, berandu izan bada ere. Errusiarra izan da partidako saskiratzailerik nagusiena 23 punturekin. Berarekin batera Gill (21) nabarmendu da kanpotarren artean
Horrenbestez, gasteiztarrek 11 garaipen eta 13 porrotekin jarri dira sailkapenean, eta Makabiren ehizan jarraitzen dute, israeldarrek galdu egin baitute jardunaldi honetan CSKAren kontra. Gainera, Makabik Buesa Arenatik pasatu behar du.
Fitxa teknikoa:
Baskonia 87 (18+26+25+18): Huertas (13), Granger (3), Timma (5), Malmanis (-) eta Poirier (4) –hasierako bostekoa–, Voigtmann (9), Janning (6), Shengelia (15), Diop (5), Beaubois (16), Garino (8) eta Vildoza (3).
Khimki 77 (26+13+13+25): Markovic (3), Shved (23), Anderson (3), Gill (21) eta Thomas (2) –hasierako bostekoa–, Robinson (6), Monia (3), Honeycutt (11), Todorovic (2) eta Jenkins (3).
Epaileak: Ilija Belosevic (Serbia), Emin Mogulkoc (Turkia) eta Jakub Zamojski (Polonia). Todorovic (34. min) kaleratu dute faltengatik eta teknika adierazi diote Bartzokasi (27. min).
Zure interesekoa izan daiteke
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.