Baskoniak bigarren garaipena jarraian lortu du Joventuti irabazita
Baskoniak 87-77 irabazi dio Joventuti Buesa Arenan eta bigarren garaipena jarraian lortu du Endesa Ligan. Pedro Martinez entrenatzaile denetik, maila askoz hobea ematen ari da Arabako taldea eta bigarren garaipena jarraian eskuratu du ligan.
Sendo ekin dio norgehiagokari Baskoniak eta azkar hartu du abantaila. Hamabi puntuko errenta izan du Arabako taldeak, baina lehen laurdenaren azken txanpan, zazpi puntura murriztu du desabantaila Joventutek (24-17). Bigarren laurdenean ere nagusi izan da Baskonia eta 14 punturainoko aldea eskuratu du (41-27). Martinezek zuzentzen duen taldearen nagusitasuna erabatekoa izan da bigarren laurdenean eta hamaika puntuko abantaila lortu du atsedenaldira iristean (46-35).
Atsedenalditik kantxara itzuli ostean, partidaren gidoia aldatu egin da. Baskoniak bere unerik txarrenak pasa ditu, eta Joventut izan da nagusi. Badalonako taldeak aldeak murriztu ditu, bi puntura geraturatu delarik (55-53). Arabako taldea, ordea, garaiz esnatu da, eta berriro 11 puntuko abantaila eskuratu du (70-59). Azken laurdenean Baskoniak ondo baliatu du hirugarren laurdenean eskuratutako abantaila eta garaipenak ez dio ihes egin (87-77).
Fitxa teknikoa:
87 - Baskonia (24+22+24+17): Granger (8), Janning (11), Timma (7), Malmanis (7) eta Poirier (10) -hasierako bostekoa-, Voigtmann (5), Beaubois (9), Shengelia (19), Diop (4), Huertas (5), Garino (2) eta Vildoza (-).
77 - Divina Seguros Joventut (17+18+24+18): Wayns (7), Richard (16), Vidal (4), Gielo (21) eta Jordan (7) -hasierako bostekoa-, Dimitrijevic (11), Birgander (3), Ventura (-), Nogues (-), Kulvietis (8) eta Lopez-Arostegui (-).
Epaileak: Daniel Hierrezuelo, Jacobo Rial eta Alfonso Olivares.
Zure interesekoa izan daiteke
Kosner Baskoniak iragarri du Rafa Villarrek ez duela taldean jarraituko
Eskoltak denboraldi bat eman du euskal klubean. 2028ra arteko kontratua zuen, baina ez du jarraituko 2026-2027 denboraldian.
Baskonia-Alaves Taldeak Buesa Arena erosi nahi dio Arabako Foru Aldundiari
Operazioaren epeak eta zenbatekoak ez dituzte jakinarazi, baina Josean Querejeta taldeko presidenteak eta Ramiro Gonzalez ahaldun nagusiak salerosketa gauzatzeko borondate argia azaldu dute.
DJ Stewart, Kosner Baskoniaren lehen fitxaketa
Esloveniako Cedevita Olimpija taldetik dator, eta bi denboraldirako sinatu du.
Forrest, Nowell, Omoruyi, Radzevicius eta Edwardsek ez dute Baskonian jarraituko
Klubak "eskerrak eman dizkie guztiei izan duten konpromisoagatik eta profesionaltasunagatik".
Pablo Pinek entrenatzaile laguntzaile gisa jarraituko du Kosner Baskoniaren aulkian 2027ra arte
Granadako prestatzaileak laguntzaile gisa lur hartu zuen iragan denboraldian, Gasteizen. Baskoniaren hitzetan, lehentasuna izan da "aulkietan eskarmetu handia" duen lantaldeari eustea.
Felix Fernandezek baieztatu egin du Galbiatik eta Spagnolok taldean jarraituko dutela, Forrestek alde egingo duela eta Cabarrotekin negoziatzen ari direla
Bestalde, Bartzelonak Xevi Pujol idazkari teknikoa fitxatzeko agertu duen interesa "lehia bidegabetzat" jo du Kosner Baskoniaren kirol zuzendariak, "unea egokia ez" delakoan, ACB ligako garaikurra lortzeko play-offa jokatu aurretik izan delako.
Kobi Simmonsek Kosner Baskonian jarraituko du 2028ra arte
Joko-antolatzaile estatubatuarrak denboraldi ona egin du, eta Arabako hiriburuan jarraitzeko aukera eman dio horrek. "Gasteizera iritsi zenetik ezin hobeto egokitu da taldera, eta zaleei gau bikainak eskaini dizkie", azaldu du Baskoniak.
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.
Kosner Baskonia Asisa Joventut final-laurdenetako play-offeko hirugarren partidaren laburpena (88-96)
Kosner Baskoniak porrot gogorra jaso du Asisa Joventuten aurka igande honetan (88-96), eta Endesa Ligako play-offetatik kanpo geratu da. Ikusi hemen partidaren laburpena.
Kosner Baskoniak berriro galdu du Joventuten aurka, eta play-offetatik at geratu da (88-96)
Paolo Galbiatik zuzentzen duen taldeak ezin izan du etxean agindu, eta bigarren porrotarekin Endesa Ligako play-offetatik kanpo geratu da.