Baskoniak puntu bakarragatik irabazi dio Unicajari
Baskoniak garaipena lortu du Unicajaren aurka (72-73) Martin Carpena pabiloian. Partida parekatua izan da, eta puntu bakarragatik nagusitu da Arabako taldea. Pedro Martinezek hiru neurketa zuzendu dizkio Baskoniari taldea zuzentzeko ardura nagusia eman ziotenetik, eta bi garaipen lortu ditu.
Indartsu kantxaratu da Malagako taldea, eta nagusi izan da lehen hamar minutuetan. Baskoniari asko kostatu zaio neurketan sartzea, eta Unicajak zazpi puntuko abantaila eskuratu du lehen laurdenean (20-13). Bigarren laurdenean ere, nagusi izan da etxeko taldea. Baskonia ezinean ibili da, eta Unicaja aldeko emaitzarekin iritsi da atsedenaldira (43-35).
Aldageletatik itzulitakoan, Pedro Martinezek zuzentzen duen taldeak bere jokoa hobetu du, eta aldea murrizten hasi da. Baskoniak Unicajak baino hobeto jokatu du hirugarren laurdenean, eta hiru puntuko abantailairekin heldu da azken laurdenera (56-59). Azken hamar minutuak oso parekatuak izan dira. Etxeko taldea aurretik jarri da azken segundoetan (72-71), baina partida amaitzeko 9 segundu falta zirenean, Voigtmannek saskiratzea lortu du eta garaipena eman dio Baskoniari (72-73).
Fitxa teknikoa:
72 - Unicaja (20+23+13+16): Díaz (0), Milosavljevic (0), Nedovic (12), Shermadini (10), Brooks (11) —hasierako bostekoa—, Okouo (0), McCallum (10), Salin (3), Díez (5), Waczynski (9), Augustine (2) eta Suarez (10).
73 - Baskonia (13+22+24+14): Beaubois (15), Granger (6), Poirier (5), Garino (0), Shengelia (15) —hasierako bostekoa—, Vildoza (0), Timma (12), Voigtmann (9), Malmanis (0), Huertas (2), Janning (7) eta Diop (2).
Epaileak: Jimenez, Araña eta Serrano.
ña eta Serrano.Zure interesekoa izan daiteke
Kosner Baskoniak iragarri du Rafa Villarrek ez duela taldean jarraituko
Eskoltak denboraldi bat eman du euskal klubean. 2028ra arteko kontratua zuen, baina ez du jarraituko 2026-2027 denboraldian.
Baskonia-Alaves Taldeak Buesa Arena erosi nahi dio Arabako Foru Aldundiari
Operazioaren epeak eta zenbatekoak ez dituzte jakinarazi, baina Josean Querejeta taldeko presidenteak eta Ramiro Gonzalez ahaldun nagusiak salerosketa gauzatzeko borondate argia azaldu dute.
DJ Stewart, Kosner Baskoniaren lehen fitxaketa
Esloveniako Cedevita Olimpija taldetik dator, eta bi denboraldirako sinatu du.
Forrest, Nowell, Omoruyi, Radzevicius eta Edwardsek ez dute Baskonian jarraituko
Klubak "eskerrak eman dizkie guztiei izan duten konpromisoagatik eta profesionaltasunagatik".
Pablo Pinek entrenatzaile laguntzaile gisa jarraituko du Kosner Baskoniaren aulkian 2027ra arte
Granadako prestatzaileak laguntzaile gisa lur hartu zuen iragan denboraldian, Gasteizen. Baskoniaren hitzetan, lehentasuna izan da "aulkietan eskarmetu handia" duen lantaldeari eustea.
Felix Fernandezek baieztatu egin du Galbiatik eta Spagnolok taldean jarraituko dutela, Forrestek alde egingo duela eta Cabarrotekin negoziatzen ari direla
Bestalde, Bartzelonak Xevi Pujol idazkari teknikoa fitxatzeko agertu duen interesa "lehia bidegabetzat" jo du Kosner Baskoniaren kirol zuzendariak, "unea egokia ez" delakoan, ACB ligako garaikurra lortzeko play-offa jokatu aurretik izan delako.
Kobi Simmonsek Kosner Baskonian jarraituko du 2028ra arte
Joko-antolatzaile estatubatuarrak denboraldi ona egin du, eta Arabako hiriburuan jarraitzeko aukera eman dio horrek. "Gasteizera iritsi zenetik ezin hobeto egokitu da taldera, eta zaleei gau bikainak eskaini dizkie", azaldu du Baskoniak.
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.
Kosner Baskonia Asisa Joventut final-laurdenetako play-offeko hirugarren partidaren laburpena (88-96)
Kosner Baskoniak porrot gogorra jaso du Asisa Joventuten aurka igande honetan (88-96), eta Endesa Ligako play-offetatik kanpo geratu da. Ikusi hemen partidaren laburpena.
Kosner Baskoniak berriro galdu du Joventuten aurka, eta play-offetatik at geratu da (88-96)
Paolo Galbiatik zuzentzen duen taldeak ezin izan du etxean agindu, eta bigarren porrotarekin Endesa Ligako play-offetatik kanpo geratu da.