Martinezek ez du Baskoniaren bolada txarra eten bere debutean
Baskoniak beste porrot bat pilatu du Tecnyconta Zaragozaren aurka (73-78) Fernando Buesa Arenan. Pedro Martinez entrenatzaileak debuta egin du taldea zuzentzen, baina ezin izan du Baskoniaren bolada txarra eten.
Partidari ondo ekin dio Baskoniak eta azkar hartu du abantaila markagailuan (8-2, 10-4 eta 12-6), baina jarraian etorri da Zaragozaren erantzuna eta aldeak murriztu ditu talde bisitariak (17-14). Hala ere, Baskoniak ondo jokatzen jarraitu eta zazpi puntuko abantailarekin amaitu ditu lehen hamar minutuak (21-14). Bigarren laudenearen hasieran ere, bederatzi puntuko aldea (26-17) eskuratu du Arabako taldeak, baina Zaragozak ez du etsi eta aldeak murrizteaz gain, markagailuan aurrea hartu du (37-38). Baskonia, ordea, puntu bat aurretik iritsi da atsedenaldira (39-38).
Atsedenaldiiaren ostean, talde bisitaria nagusi izan da, eta zuloa ireki du, zortzi puntuko abantaila izateraino. Errenta horrexekin amaitu da hirugarren laurdena (51-59). Amaierako laurdenaren hasieran kosta egin zaio Baskoniari aldeak murriztea, baina Pedro Martinezek zuzentzen taldeak lanean jarraitu du, eta puntu bakarrera murriztu du desabantaila (63-64). Hala ere, Tecnyconta Zaragozak hobeto jokatu du azken minutuetan, Baskoniak hutsak egin ditu erasoan, eta talde bisitariak eskuratu du garaipena (73-78).
Fitxa teknikoa:
73 - Baskonia (21+18+12+22): Huertas (4), Beaubois (12), McRae (5), Shengelia (21), Voigtmann (9) -hasierako bostekoa-, Diop (2), Timma (7), Granger (11), Garino (2) eta Vildoza (-).
78 - Tecnyconta Zaragoza (14+24+21+19): Bellas (3), Gary Neal (25), Barreiro (6), Dragovic (6), Varnado (4) -hasierako bostekoa-, Michalak (-), Sergi Garcia (9), De Jong (16), Alex Suarez (3) eta Janis Blums (6).
Epaileak: Juan Carlos Garcia Gonzalez, Jorge Martinez eta Carlos Sanchez Monserrat.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.