Laboral Kutxa lider da Euroligako Top 16an, CSKArekin batera
Laboral Kutxak lider amaitu du Euroligako Top 16ko lehen itzulia, CSKA Mosku taldearekin garaipenetara berdinduta.
Gasteiztarrek eta errusiarrek bosna garaipen dituzte lehen zazpi jardunaldien ostean, baina CSKA da lehen postuan dagoen taldea, sartutako eta jasotako puntuen arteko diferentzia hobea duelako. Moskukoek 76 puntuko diferentzia dute euren alde, eta Perasovicen taldek, berriz, 55ekoa.
F multzoa Euroligako historiako indartsuena omen da, eta CSKAk eta Baskoniak partida bateko aldea ateratzen diete Khimkiri eta Real Madrili. Khimki hirugarren da, eta madrildarrak, laugarren. Biek launa garaipen eta hiruna porrot dituzte.
Atzetik Bartzelona Lassa, Olinpiakos eta Brose Basket daude, hiruna garaipen eta launa porrotekin. Azken postuan Zalgiris Kaunas dago, neurketa bakarra irabazita eta final-laurdenetara sailkatzeko aukerarik gabe.
Zazpi partida geratzen dira
Geratzen diren zazpi norgehiagoketan lehia estua izango da, Lauko finalaren aurretik jokatuko diren final-laurdenetara joateko eskubidea ematen duen lehen lau postuetan geratzeko.
Laboral Kutxak sasoi betean ekingo dio bigarren itzuliari, batez ere, geratzen diren zazpi partidetatik lau Buesa Arenan jokatuko dituelako, eta etxean Euroligako partida bakarra galdu duelako aurtengo edizioan.
tengo edizioan.Zure interesekoa izan daiteke
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.
Kosner Baskoniak porrot batekin esan dio agur Euroligari Belgraden (91-79)
Arabarrek bolada onari amaiera eman diote azken jardunaldian, Partizani egindako bisitan galdu dute. Hala ere, dagoeneko ez zuten ezer jokoan.