Erakustaldia eman du Laboral Kutxak Brose Basketen aurka (90-64)
Laboral Kutxa Baskoniak gozatuta irabazi dio Brose Basket talde alemaniarrari Buesa Arenan, Euroligako Top 16ko zazpigarren jardunaldian. Arabarrak jaun eta jabe izan dira, 30 puntuko aldea ere izan dute markagailuan, eta azkenean 90-64 gailendu dira. Bosgarren garaipena lortu dute Top 16an, lehen itzulia amaitu berri denean.
Baskoniak lehen segundoetan aurrea hartu du markagailuan, eta seinakoa anekdota baino ez da izan. Jokoa, denbora eta intentsitatea Perasovicen mutilek menderatu dituzte, eta alemaniarrek ezer gutxi egin ahal izan dute gasteiztarrak geldiarazteko.
Horren ondorioz, lehen laurdenaren amaiera 13 puntuz izan dira aurretik (26-13). Jokoaz gozatzeaz gain, Buesako zaleek Bertansen berragerpena txalotu dute, 10 hilabete lesionatuta eman eta denbora horretan Gasteizko kantxan jokatu gabe egon ostean.
Bigarren laurdenean, arabarrek diferentzia handitu dute (19 puntu, 49-30), Bourousis handiaren joko bikainaz baliatuta. Taldekideek ere goi-mailako jokoa egin dute.
Bigarren zatia
Hirugarren laurdenaren hasieran, etxekoen errendimenduak behera egin du, eta alemaniarrek 2 eta 12ko partziala egiteko aprobetxatu dute. Baina erreakzio horrek ez du jarraipenik izan. Laboral Kutxak neurketaren gidaritza hartu du berriro, eta markagailuko aldea berriro handitu dute.
Laugarren laurdena 26 puntuko abantailarekin hasi dute: 72-46. Azken 10 minutuak topera disfrutatu dituzte gasteiztarrek. Dena atera zaie, eta ondo, gainera. Talde alemaniarrak amore eman du, eta partida noiz amaitu itxaroten egon dira.
Azkenean, Baskonia 90 eta 64 nagusitu da. Bosgarren garaipena erdietsi dute Euroligako Top 16an.
Fixa teknikoa
90 Laboral Kutxa (26+23+23+18): Adams (11), Causeur (4), Hanga (7), Tillie (5), I. Diop (2) -hasierako boskotea-, James (16), Blazic (7), Corbacho, Bertans (12), Bourousis (18), M. Diop.
64 Brose Baskets (13+17+16+18): Zisis (7), Wanamaker (11), Melli (4), Radosevic (4), Miller (4) -hasierako boskotea-, Strelnieks (5), Theis (10), Harris (8), Heckmann (8), Staiger.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.